comment jar: കമന്റു ഭരണി

വിളപ്പില്‍ശാലയിലെ ജനങ്ങള്‍ക്ക് അഭിവാദ്യങ്ങള്‍ !!!

2012-02-14T09:00:00.002+05:30

നേഴ്സുമാരെ അടിമകളെപ്പോലെ ചൂഷണം ചെയ്യുന്ന ആശുപത്രി മാനേജുമെന്റുകള്‍ക്കെതിരെ നടക്കുന്ന സമരവും, സ്വന്തം മലം പോലുള്ള മാലിന്യങ്ങള്‍ അന്യരുടെ തോളില്‍ വച്ചുകെട്ടാനുള്ള നഗരവാസികളുടെ അധമമൂല്യബോധത്തിനെതിരായുള്ള സമരങ്ങളും നമ്മുടെ ജനാധിപത്യത്തിന്റെ വികാസ പരിണാമത്തിലെ സ്വയമ്പര്യാപ്തമായ രാഷ്ട്രീയബോധത്തിലേക്കുള്ള ചുവടുവയ്പ്പുകളായി കണ്ട് അഭിനന്ദിക്കാന്‍ എല്ലാ ജനാധിപത്യ വിശ്വാസികള്‍ക്കും ധാര്‍മ്മിക ബാധ്യതയുണ്ട്.ജനവിരുദ്ധവും നിയമവിരുദ്ധവുമായ കോടതി വിധികളുടേയും ഭരണത്തിന്റെ ഓത്താശയുടെയും നിഴലില്‍ തിരുവനന്തപുരം നഗരമാലിന്യം വിളപ്പില്‍ശാലയിലേക്ക് ബലം പ്രയോഗിച്ച് കൊണ്ടുതള്ളാനുള്ള നഗരസഭയുടെ ശ്രമം വിളപ്പില്‍ശാലയിലെ ജനങ്ങള്‍ ഇന്നലെ ഒറ്റക്കെട്ടായി ചെറുത്തു തോല്‍പ്പിച്ച രംഗം അത്യുജ്ജ്വലമായ പൌരബോധത്തിന്റേയും ആത്മാഭിമാനത്തിന്റേയും ജനാധിപത്യവിശ്വാസത്തിന്റെയും വികാസമായി ചിത്രകാരന്‍ നോക്കിക്കാണുന്നു. വിളപ്പില്‍ശാലയുടെ ധീരരായ ജനങ്ങളോടും അവരുടെ ശക്തയായ പഞ്ചായത്തു പ്രസിഡന്റിനോടും കേരളത്തിലെ ജനങ്ങല്‍ കടപ്പെട്ടിരിക്കുന്നു. നമ്മുടെ മുഖ്യമന്ത്രി ഉമ്മഞ്ചാണ്ടിയും നമ്മുടെ (?)പ്രധാനമന്ത്രിയായ മന്മോഹന്‍ സിങ്ങും വിളപ്പില്‍ശാലയുടെ ധീരയായ വനിതാപ്രസിഡന്റിനെ കണ്ട് എന്താണു ജനാധിപത്യത്തില്‍ ഒരു ഭരണാധികാരിക്കുള്ള ഉത്തരവാദിത്വബോധം എന്ന് കണ്ട് പഠിക്കേണ്ടിയിരിക്കുന്നു. കോടതിവിധിയെന്നു കേട്ടാല്‍ ഓച്ഛാനിച്ചു ചൂളി നില്‍ക്കുന്ന നമ്മുടെ രാഷ്ട്രീയ നേതാക്കളും ഭരണ കാസേരയില്‍ അമര്‍ന്നിരിക്കുന്ന പൃഷ്ഠങ്ങളും വിളപ്പില്‍ ശാല പഞ്ചായത്തു പ്രസിഡന്റിനുമുന്നില്‍ ആത്മാഭിമാനത്തിന്റെ കാര്യത്തിലും കര്‍ത്തവ്യബോധത്തിന്റെ കാര്യത്തിലും എത്ര നിസാരരാണെന്ന് നാം തിരിച്ചറിഞ്ഞുതുടങ്ങിയിരിക്കുന്നു. തിരുവനന്തപുരത്തെ വേസ്റ്റ് തങ്ങളുടെ ഗ്രാമത്തില്‍ കൊണ്ടുവന്ന് തള്ളരുതെന്ന് വിളപ്പില്‍ ശാലയിലെ പഞ്ചായത്ത് വിലക്കിയാല്‍ പിന്നെ ആര്‍ക്കാണ് നഗരത്തിന്റെ മാലിന്യവണ്ടികളില്‍ നഗരത്തിന്റെ തീട്ടം ആ ഗ്രാമത്തില്‍ കൊണ്ടിടണമെന്ന് നിര്‍ബന്ധിക്കാനുള്ള അധികാരം!!! ഇതെന്താ മാടമ്പി രാജഭരണമോ ???ജനാധിപത്യവിരുദ്ധമായ ഈ ഭരണഭീകരതക്കെതിരെ കേരളത്തില്‍ വന്‍ ജനകീയമുന്നേറ്റങ്ങള്‍ ഉണ്ടാകേണ്ടത് ജനാധിപത്യത്തിന്റേയും സ്വാതന്ത്ര്യത്തിന്റെയും പൌരബോധത്തിന്റേയും വളര്‍ച്ചയ്ക്ക് അനിവാര്യമാണ്. തിരുവനന്തപുരം നഗരത്തില്‍ തന്നെ മന്ത്രി ഭവനങ്ങളിലും എം.എല്‍.എ.കോര്‍ട്ടേഴ്സിലും, സെക്രട്ടേറിയേറ്റിലും, യൂണിവേഴ്സിറ്റി കോളേജിലും, സര്‍വ്വകലാശാലയിലും മഹനീയമായ കോര്‍പ്പറേഷന്‍ വേസ്റ്റ് സൂക്ഷിച്ച് ജനങ്ങള്‍ക്ക് പരമാനന്ദസാഗരത്തില്‍ ആറാടാമെന്നിരിക്കെ, അന്യന്റെ പറമ്പിലേക്ക് വേസ്റ്റ് എറിയുന്ന മാടമ്പിത്വം അവസാനിപ്പിക്കേണ്ടതാണ്.

സ്വയം തടവറയിലിടുന്ന മലയാളി !

2012-02-13T12:34:00.001+05:30

ഇന്ന് എച്ചുമൊവോട് ഉലകം എന്ന ബ്ലോഗിലെ അകത്തേയ്ക്കു മാത്രം തുറക്കുന്ന വാതിലുകൾ എന്ന പോസ്റ്റ് ചിത്രകാരന്‍ വായിച്ചു. അവിടെ എഴുതിയ കമന്റ് താഴെ സൂക്ഷിക്കുന്നു:

chithrakaran:ചിത്രകാരന്‍said...: ശക്തി ചോര്‍ന്നുപോകാതിരിക്കാന്‍ ഉള്‍വലിഞ്ഞ് സ്വയം ചെറുതാകുകയും, നിര്‍വീര്യരാകുകയും ചെയ്യുന്ന വ്യക്തികളുടേയും കുടുംബത്തിന്റേയും, സമൂഹത്തിന്റേയും, രാജ്യത്തിന്റേയും വര്‍ത്തമാന കാലത്തെ സ്പഷ്ടമായും ഹൃദ്യമായും വരച്ചുകാണിക്കുന്ന പോസ്റ്റ് മനോഹരമായിരിക്കുന്നു. സമൂഹത്തിന്റെ വികാസ പരിണാമത്തിന്റെ ഓരോ ഘട്ടങ്ങളിലൂടെ കാലം കടന്നുപോക്കുമ്പോള്‍ സമൂഹം ഇങ്ങനെയൊക്കെ ആയിത്തീരാന്‍ സാംസ്ക്കാരികവും,സാമ്പത്തികവും, രാഷ്ട്രീയപരവുമായെ കാരണങ്ങളുണ്ടായിരിക്കണം. അതില്‍ ഏറ്റവും പ്രധാനമായിട്ടുള്ളത് അസാധാരണമായ വിധത്തിലുള്ള പണത്തിന്റെ ഒഴുക്കാണ്.ആ ഒഴുക്കിനെ പരമാവധി തങ്ങളുടെ വരുതിക്കകത്ത് തടഞ്ഞുനിര്‍ത്തി കഴിവുള്ളവരെന്ന് സ്വയവും അന്യരേയും ബോധ്യപ്പെടുത്താനുള്ള പെടപ്പാടിലാണ് നാം. കാരണം അങ്ങനെ പെരുമാറാനാണ് നമ്മുടെ പൊള്ളയായ സംസ്ക്കാരവും,തെറ്റായ ചരിത്രജ്ഞാനവും, ശുഷ്ക്കമായ രാഷ്ട്രീയബോധവും നമ്മെ പ്രേരിപ്പിക്കുന്നത്. സ്വന്തം അച്ഛനും അമ്മക്കും ബന്ധുവിനും ചന്തം പോരെന്നു തോന്നി സ്വന്തംഅച്ഛനെ മാറ്റിപ്പറയുന്ന മലയാളിയുടെ യഥാര്‍ത്ഥ സംസ്ക്കാരത്തെ നാം പണവും പത്രാസുംകൊണ്ട് ആകര്‍ഷകവും അഭിമാനകരവുമാക്കി ആധുനികരാകാന്‍ ശ്രമിക്കുമ്പോള്‍ ഇത്തരം ആത്മപരിശോധനകളുടെ വേലിയേറ്റങ്ങളും സുനാമികളും ആഞ്ഞടിക്കേണ്ടത് ആവശ്യമാണ്.
അഭിനന്ദനങ്ങള്‍ !!!

അച്ഛനെ മാറ്റിപ്പറയുന്ന മലയാളിക്കൊരു ചിരിമരുന്ന്; February 13, 2012 11:38 AM

ദൈവനിഷേധം - വേര്‍ഷന്‍ 2.0

2012-02-09T21:16:00.000+05:30

പഴയ വേര്‍ഷന്‍ നിരീശ്വരവാദം തന്നെ ആവശ്യത്തിനു റാമോ ഹാര്‍ഡ് ഡിസ്ക്ക് സ്പേസോ പ്രോസസര്‍ സ്പീഡോ ഇല്ലാത്തതിനാല്‍ ഇതുവരെ ഇന്‍സ്റ്റാള്‍ ചെയ്യാനാകാതെ വിഷമിച്ചിരിക്കുന്ന ചിത്രകാരന്‍ ദൈവ നിഷേധത്തിന്റെ പുതിയ വെര്‍ഷന്‍ കുറുക്കന് ആമേ കിട്ടിയതുപോലെ തട്ടിക്കളിച്ചിരിക്കേണ്ട ഗതികേടിലാണ്. ആരേലും ഈ ടെഡ് വീഡിയോയുടെ ഉള്ളടക്കം ചുരുക്കത്തിലും ലളിത മലയാളത്തിലും അപ്ലോഡിയിട്ടുണ്ടെങ്കില്‍ അതിന്റെ ലിങ്കൊന്നു തന്നു സഹായിക്കുകയാണെങ്കില്‍ ദൈവാനുഗ്രഹമുണ്ടാകുന്നതാണെന്ന് നിശ്ചയമായും വിശ്വസിക്കാം :)

ഇന്ദു മേനോനും കക്കൂസ് ചുവരിലെഴുതാന്‍ തുടങ്ങി !!

2012-02-04T22:52:00.000+05:30

chithrakaran:ചിത്രകാരന്‍, February 4, 2012 10:56 PM: ശൂദ്രര്‍ക്കിടയിലെ മേനോന്‍ ഉപജാതിയുടെ സാഹിത്യകാരിയായ ഇന്ദുമേനോന്‍ എന്ന എഴുത്ത് ജീവിയുടെ പേരും പെരുമയും ഉയര്‍ത്തിപ്പിടിക്കുന്ന കുലിനമായ എഴുത്ത് ശീലങ്ങളെ കേവലം കക്കൂസ് ജീവികളായ ബ്ലോഗര്‍മാര്‍ ഇങ്ങനെ കണ്ണില്‍ ചോരയില്ലാതെ നെറ്റിലിട്ട് വലിച്ചിഴക്കരുതായിരുന്നു. അവര്‍ക്ക് കക്കൂസില്‍ കേറാതെതന്നെ ആജിവനാന്തം ജീവിക്കണമെന്ന വാശിയുണ്ടായിരുന്നെങ്കില്‍ അതിനവര്‍ക്ക് അവകാശമുണ്ട്. അസുഖകരമായ സമൂഹ്യയാഥാര്‍ത്ഥ്യങ്ങളെയും,വിഢികളായ വേസ്റ്റ് മനുഷ്യരുടെ നിശ്വാസങ്ങളേയും വിയര്‍പ്പു മണത്തെയും കക്കൂസ് ചുമരുകളില്‍ നേരില്‍ കണ്ട് ഞെട്ടേണ്ടിവരുന്ന കുലിന സാഹിത്യ തറവാട്ടിലെ ഒരു അരുമയെ പ്രിന്റു മീഡിയയുടെ ശീതീകരിച്ച സ്വീകരണമുറിയിലിരുത്തി കാര്യങ്ങള്‍ സാധിക്കാന്‍ അനുവദിക്കുന്നതിനു പകരം നമ്മുടെ ബൂലോകം ചെയ്യുന്ന ഈ അക്രമം മേനോന്‍ ജാതി വൃണങ്ങളെ വികാരപ്പെടുത്താന്‍ പോലും കാരണമായെന്നു പറയേണ്ടിയിരിക്കുന്നു.

മൂരാച്ചികളായ ബ്ലോഗര്‍മാരും നമ്മുടെ ബൂലോകവും കുലുക്കി പൊളിച്ച പാലത്തില്‍ കുലുങ്ങാതെ നില്‍ക്കുന്ന ഇന്ദു മേനോനെ സ്വന്തമായി ബ്ലോഗ് തുടങ്ങിയതിന്റെ പേരില്‍ അഭിനന്ദിക്കാതിരിക്കാന്‍ എത്ര ശ്രമിച്ചിട്ടും ചിത്രകാരനു കഴിയുന്നില്ല.

ഇന്ദു മേനോനും ബ്ലോഗ്കക്കൂസില്‍ കേറാന്‍ തുടങ്ങിയെന്ന് ചുരുക്കം !!! ഇന്ദു മേനോനും കക്കൂസ് ചുവരിലെഴുതാന്‍ തുടങ്ങി !!

ഇന്ദുമേനോന്റെ ബ്ലോഗ് കക്കൂസ് ചുവരുകളിലേക്കുള്ള ലിങ്ക്(ഇവിടെ അമര്‍ത്തുക)

നമ്മുടെ ബൂലോകത്തില്‍ മനോരാജ് എഴുതിയ അങ്ങിനെ പവനായി വീണ്ടും ശവമായി!! ഇന്ദുമേനോനും ബ്ലോഗായി!! എന്ന പോസ്റ്റില്‍ ചിത്രകാരന്റെ കമന്റാണ് മുകളില്‍ കൊടുത്തിരിക്കുന്നത്.ദേശാഭിമാനി ഓണ്‍ലൈന്‍ പത്രത്തില്‍ ഇന്ദുമേനോന്‍ നല്‍കിയ സ്വയംകൃത പാരയായ അഭിമുഖത്തിലേക്കുള്ള ലിങ്ക്

ഇന്ദു മേനോന്റെ ബ്ലോഗില്‍ ചിത്രകാരന്‍ എഴുതിയ കമന്റ് താഴെ:

chithrakaran:ചിത്രകാരന്‍Feb 5, 2012 06:23 AM

സ്വന്തം പുസ്തകം കച്ചോടാക്കാന്‍ പറ്റിയ കാശുചിലവില്ലാത്ത മാധ്യമം സൈബര്‍ മീഡിയയാണെന്ന് സന്തോഷ് പണ്ഡിറ്റിന്റെ അനുഭവത്തില്‍ നിന്നോ മറ്റോ മനസ്സിലാക്കിയതുകൊണ്ടാകണം ഈ മേനോന്‍ സാഹിത്യകാരി ബ്ലോഗില്‍ തന്റെ മൂത്രപ്പുരയുടെ ചുമരുകള്‍ നിര്‍മ്മിക്കാന്‍ ആരംഭിച്ചത്. അല്ലാത്തപക്ഷം അവര്‍ അവരുടെ മുന്‍ നിലപാടിലെ വിഢിത്തം തിരുത്താതെ സ്വന്തം കക്കൂസു പണിയാന്‍ ശ്രമിക്കുമായിരുന്നില്ല.

ഏതായാലും സൈബര്‍ മീഡിയയില്‍ ആര്‍ക്കും ആരേയും തമസ്ക്കരിക്കാനാകില്ല. പരസ്യമെങ്കില്‍ പരസ്യം... ബൂലോഗത്തേക്ക് ചിത്രകാരന്റെ സ്വാഗതം !!!
ചിത്രകാരന്റെ കമന്റു ഭരണയിലെ പോസ്റ്റ് ലിങ്ക്:
ഇന്ദു മേനോനും കക്കൂസ് ചുവരിലെഴുതാന്‍ തുടങ്ങി !!

മതവിശ്വാസങ്ങള്‍ കുളിക്കാറില്ല !

2012-01-31T12:04:00.000+05:30

പച്ചക്കുതിര മാഗസിനില്‍ പ്രസിദ്ധീകരിച്ച ഫൌസിയ ടീച്ചറുമായുള്ള താഹാ മാടായിയുടെ അഭിമുഖ ലേഖനം ബ്ലോഗിലെ ഇസ്ലാമിക സ്ത്രീപക്ഷ എഴുത്തുകാരിയായ സുബൈദക്ക് ഒരു പോസ്റ്റെഴുതാന്‍ പ്രകൊപനമുണ്ടാക്കിയിരിക്കുന്നു. ചിത്രകാരന്‍ ആ പോസ്റ്റിലെഴുതിയ കമന്റ് താഴെ:

chithrakaran:ചിത്രകാരന്‍said...: നമ്മുടെ മനസ്സിലെ ജീര്‍ണ്ണിച്ചതും അഴുകിയതുമായ മതവിശ്വാസങ്ങള്‍ കഴുകിക്കളഞ്ഞ് വ്യക്തിശുചിത്വം പാലിക്കേണ്ടത് പുരോഗമന ചിന്തയുള്ള ഏതു മനുഷ്യ സമൂഹത്തിന്റേയും ആത്യന്തിക ആവശ്യമാണ്. ഫൌസിയ ടീച്ചര്‍ പച്ചക്കുതിരയിലൂടെ അത്തരമൊരു പ്രവര്‍ത്തിയെ തന്റെ ആദര്‍ശനിഷ്ഠ ജീവിതത്തിലൂടെ ചെയ്യുന്നുള്ളു.
ലോകത്തില്‍ ഹിന്ദു മതവും ഇസ്ലാം മതവും അതിന്റെ വിശ്വാസി സമൂഹത്തെ പ്രാകൃതമനുഷ്യരായി നിലനിര്‍ത്തുന്നതില്‍ നിസ്തുലമായ സേവനം നല്‍കുന്നുണ്ട്. ഇവറ്റകളുടെ വിവരമില്ലായ്മയും ദുരഭിമാനവും ദുശാഠ്യങ്ങളും അഴുകി പൊട്ടിയൊലിക്കുന്ന മതവികാരവും ലോകസമൂഹത്തിന് അറപ്പും വേറുപ്പും ശല്യവുമാകുന്നതിനുപുറമെ ജീവനുഭീഷണിയുമായിത്തീര്‍ന്നിരിക്കയാണ്. അഫ്ഗാനിസ്ഥാനും, ഇറാക്കും രക്തസാക്ഷികളായിക്കഴിഞ്ഞു. പാക്കിസ്താനും, ഇറാനും,ഹൈന്ദവ വര്‍ഗ്ഗീയതയുടെ വിത്തുവിതച്ചുകൊണ്ടിരിക്കുന്ന ഇന്ത്യയും ഈ ദുരഭിമാന പാതയിലൂടെത്തന്നെയാണു സഞ്ചരിച്ചുകൊണ്ടിരിക്കുന്നത്. ഈ അവസരത്തിലാണ് ഹിന്ദുക്കള്‍ക്കും, മുസ്ലീങ്ങള്‍ക്കും അവരുടെ പിന്നോക്കാവസ്ഥക്ക് കാരണമായിരിക്കുന്നത് അവരുടെ മതവും പുരോഹിതരുമാണെന്ന സത്യം അവരിലെ അഭ്യസ്തവിദ്യര്‍ മനസ്സിലാക്കുകയും, തങ്ങളുടെ മത സമൂഹത്തെ നവീകരിക്കാനായി റുഷ്ദിമാരും, തസ്ലീമമാരും, ജാബ്ബാര്‍ ഫൌസിയമാരും സ്വജീവന്‍ അപകടപ്പെടുത്തിപ്പോലും മുന്നോട്ടു വരുന്നത്. അവരെ സ്വാഗതം ചെയ്യുകയും ആദരിക്കുകയും ചെയ്യേണ്ടതിനു പകരം അവര്‍ നല്‍കുന്ന അറിവിനെതിരെ പുറം തിരിഞ്ഞിരിക്കാന്‍ വിശ്വാസികളെ പ്രേരിപ്പിക്കുന്ന സുബൈദമാര്‍ പൌരോഹിത്യ അജണ്ട കൈക്കൊള്ളുന്നു എന്നത് സഹതാപകരമാണ്.

സുബൈദയുടെ നിരീക്ഷണങ്ങളും ഇളകാത്ത മതവിശ്വാസവും രസകരമായ കാഴ്ച്ചയാണ്. പാലം കുലുങ്ങ്യാലും കുലുങ്ങാത്ത കേളന്മാരാണ് വിശ്വാസി സമൂഹമെന്ന ധാരണ ശക്തിപ്പെടുത്തുന്ന ഈ “ഇസ്ലാമികസ്ത്രീപക്ഷ” ചിന്തക്ക് ചിത്രകാരന്റെ അഭിവാദ്യങ്ങളര്‍പ്പിച്ചുകൊള്ളുന്നു.; 31 January 2012 11:41 AM

സുബൈദയുടെ സ്ത്രീപക്ഷ ബ്ലോഗിലേക്കുള്ള ലിങ്ക്: പച്ചക്കുതിരപ്പുറമേറിയ യുക്തിവാദി

ദൈവങ്ങളെ നിര്‍മ്മിക്കാം !!

2012-01-28T19:41:00.001+05:30

ദൈവങ്ങളെ നിര്‍മ്മിക്കല്‍ പണ്ടുകാലത്ത് ശില്‍പ്പികളുടെയും കവികളുടേയും ഭാവനാവിലാസത്തിനു കീഴില്‍ വരുന്ന പ്രവര്‍ത്തിയായിരുന്നെങ്കില്‍ ഇന്ന് ബിസിനസ്സ് സ്കൂളുകളില്‍ പഠിപ്പിക്കപ്പെടുന്ന ബ്രാന്‍ഡ് ബില്‍ഡിങ്ങ് മാനേജുമെന്റാണ്. നമുക്കിടയിലെ ഉണ്ണുകയും ഉടുക്കുകയും മറ്റെല്ലാ മാനുഷിക പ്രവര്‍ത്തനങ്ങളും നടത്തുന്ന ഒരു വ്യക്തിയെ അനായാസം ദൈവമാക്കാവുന്നതേയുള്ളു. ഏതു വ്യാപാരമോ വ്യവസായമോ ആരംഭിക്കുന്നതിനും ലൈസന്‍സും നിയമ നൂലാമാലകളും ശരിയാക്കേണ്ട നമ്മുടെ രാജ്യത്ത് ഒരു നിയന്ത്രണത്തിനും അധീനമാകാതെ നടത്താവുന്ന ബിസിനസ്സാണ് ദൈവ നിര്‍മ്മാണവും, ഭക്തിവ്യവസായവും. സര്‍ക്കാരും, പോലീസും, കോടതിയും, പൊതുസാംസ്ക്കാരികതയും ഭക്തി വ്യവസായത്തെ ശ്വാസോച്ച്വാസം പോലുള്ള ജീവന്‍ നിലനിര്‍ത്താനുള്ള ഏറ്റവും പ്രധാനപ്പെട്ട ആവശ്യമായി കണ്ട് ഭക്തി വ്യവസായത്തിനു മുന്നില്‍ പഞ്ചപുച്ചമടക്കി നില്‍ക്കുന്നത് നമുക്ക് കാണാനാകും. ശബരിമലയില്‍ മകരവിളക്കെന്ന തട്ടിപ്പ് സര്‍ക്കാരിന്റെ അറിവോടും സംരക്ഷണയോടും ഇത്രയും കാലം നടത്തിവന്നിരുന്നത് നാം കണ്ടതാണ്. ആധുനിക ശാസ്ത്രപ്രകാരമോ, വസ്തുനിഷ്ഠമായ ചിന്തകളാലോ ന്യായീകരിക്കാനാകാത്ത സമൂഹ വഞ്ചനയും മന്ത്രവാദം എന്ന തട്ടിപ്പും നമ്മുടെ സര്‍ക്കാരിന്റേയും നീതിപീഠങ്ങളുടേയും മൂക്കിനു താഴെ അവരുടെ സംരക്ഷണത്തിനു കീഴില്‍ വളര്‍ന്ന് സമൂഹത്തില്‍ ഇരുട്ട് പരത്തുമ്പോഴും നമുക്കൊന്നും മിണ്ടാനാകുന്നില്ല. ക്ഷേത്രങ്ങളിലേക്ക് ശാന്തിക്കാരനെ നിയമിക്കുമ്പോള്‍ ശാന്തിക്കാരനു മന്ത്ര തന്ത്രങ്ങളില്‍ നല്ല അവഗാഹമുണ്ടോ എന്ന് പരിശോധിക്കുന്നത് നമ്മുടെ ജനാധിപത്യ ഗവണ്മെന്റിന്റെ നിയന്ത്രണത്തിലുള്ള ദേവസ്വം ബോര്‍ഡാണല്ലോ. എന്താണു മന്ത്രം ? എന്താണു തന്ത്രം? അവയുടെ ശക്തി തെളിയിക്കപ്പെട്ടതാണോ ? തെളിയിക്കപ്പെടാത്ത മന്ത്ര തന്ത്രങ്ങളുടെ ശക്തിയെ ഗവണ്മെന്റ് അംഗീകരിക്കുന്നത് മന്ത്രവാദികളായ ബ്രാഹ്മണരും മറ്റു പുരോഹിതരും സമൂഹത്തിന്റെ നിയന്ത്രണശേഷിയുള്ള സ്ഥാനങ്ങളിലെത്താന്‍ കാരണമാകുകയും, സമൂഹ്യ വളര്‍ച്ചക്ക് ആവശ്യമായ ശാസ്ത്രത്തിന്റെ വളര്‍ച്ചക്ക് വിലങ്ങുതടിയാകുകറ്യും, റൊക്കറ്റു വിടുന്നതിനു മുന്‍പ് ഗണപതി ഹോമം നടത്തുന്ന ശാസ്ത്രജ്ഞരെന്ന ഉദ്ദ്യോഗസ്തവിഢികളെ ഉല്‍പ്പാദിപ്പിക്കാന്‍ ഇടയാക്കുകയും ചെയ്യുന്നുണ്ട്. ജനങ്ങളുടെ അന്ധവിശ്വാസങ്ങളെ മറയാക്കി മനുഷ്യ സമൂഹത്തെ മന്ത്രവാദം കൊണ്ട് വഞ്ചിക്കാനും, കൊള്ളയടിക്കാനും കച്ചകെട്ടിയിറങ്ങുന്ന ജീവനുള്ള ബ്രാന്‍ഡഡ് ദൈവങ്ങളേയും, ജീവനില്ലാത്ത ദൈവങ്ങളേയും, ദൈവങ്ങളുടെ ഉടമകളും തന്തമാരുമായി വരുന്ന തന്ത്രിന്മാരും, മേല്‍ശാന്തിമാരും, പഴയ എട്ടുകാലി മമ്മൂഞ്ഞുമാരായ രാജാക്കന്മാരും നമ്മുടെ സമൂഹത്തിന്റെ നന്മയുടെ പൊയ്മുഖങ്ങളണിഞ്ഞ തിന്മയാണെന്ന് വിളിച്ചുപറയാന്‍ ... വല്ല കുട്ടികളോ സഹോദരന്‍ അയ്യപ്പന്മാരോ മുന്നോട്ടുവന്നേ പറ്റു !! അമൃതാനന്ദമയിയുടെ 58 ആം പീറന്നാള്‍ ആഘോഷത്തോടനുബന്ധിച്ച് അവരുടെ ശിക്ഷ്യരായ മാനേജുമെന്റ് ഗുരുക്കള്‍ കാട്ടിക്കൂട്ടുന്ന താന്ത്രികവും മന്ത്രവാദപരവുമായ ഭക്തരുടെ കണ്ണില്‍ പൊടിയിടല്‍ വിദ്യകള്‍ ഒരു വീഡിയോയായി ആ മഹതിയുടെ ഭക്തി പ്രസ്ഥാനത്തിന്റെ സൈറ്റില്‍ നിന്നും ലഭിച്ചത് താഴെ ചേര്‍ക്കുന്നു.

Amma's 58th Birthday from amma on Vimeo.

പ്രതീകാത്മക ജനാധിപത്യ റിപ്പബ്ലിക്

2012-01-26T09:26:00.000+05:30

അറിവോ ആത്മബോധത്തിനുള്ള ജനാധിപത്യ ഇടമോ ലഭിച്ചിട്ടില്ലാത്ത ജനകോടികളുടെ പേരില്‍ അവരറിയാതെ സ്ഥാപിതമായ 131 കോടി ജനങ്ങളെ വരിഞ്ഞുകെട്ടുന്ന റിപ്പബ്ബ്ലിക് ഒരു പ്രതീകാത്മക ജനാധിപത്യ സ്ഥാപനം മാത്രമാണ്. ഈ നാമമാത്ര ജനാധിപത്യത്തെ സത്യസന്ധവും, സമത്വപൂര്‍വ്വവും, നീതിപൂര്‍വ്വവും, സ്വതന്ത്രവുമായ സര്‍വ്വജനങ്ങളുടേയും ആത്മാഭിമാനത്തിന്റെ സഞ്ചിത ബോധമായ ജനാധിപത്യ റിപ്പബ്ലിക്കാക്കാന്‍ എത്രയോ നാം മുന്നോട്ടു പോകേണ്ടതായിട്ടുണ്ട്. സ്വാതന്ത്ര്യവും സമത്വവും ജനാധിപത്യവും സത്യസന്ധമാകുന്നത് സമൂഹത്തിന്റെ ഏറ്റവും അടിത്തട്ടിലുള്ളവര്‍ക്ക് മൊത്തം സമൂഹത്തെ പ്രതിനിധീകരിക്കാവുന്ന അവസര സമത്വവും സര്‍വാത്മനായുളള സ്വീകാര്യതയും ലഭിക്കുമ്പോള്‍ മാത്രമാണ്. അല്ലാതുള്ള ഉപരിവര്‍ഗ്ഗത്തിന്റെ വി.ഐ.പി. റിപ്പബ്ലീക് ആഘോഷങ്ങള്‍ കപട ജനാധിപത്യത്തിന്റെ കെട്ടുകാഴ്ച്ചകാള്‍ മാത്രമാണ്.ഏവര്‍ക്കും ചിത്രകാരന്റെ റിപ്പബ്ലിക് ദിനാശംസകള്‍ !!!

അഴീക്കോടിനെ "സുകുമാര്‍ തൃശൂരാ"ക്കരുത്

2012-01-24T08:50:00.000+05:30

മരണവും, ശവസംസ്ക്കാരവും റിയാലിറ്റി ഷോയാക്കുന്ന വിഷ്വല്‍ മീഡിയയുടെ ചര്‍ച്ചകളുടെ ചൂട് നിലനിര്‍ത്താന്‍ ശ്രമിക്കുന്നതിന്റെ ഭാഗമായാകണം സുകുമാര്‍ അഴീക്കോടിന്റെ മൃതദേഹത്തെപ്പോലും അപമാനിച്ചുകൊണ്ട് നമുക്ക് “സംസ്ക്കാര വിവാദ”മുണ്ടാക്കാന്‍ കഴിയുന്നത്.തൃശൂരിലെ ചില സാംസ്ക്കാരിക പ്രവര്‍ത്തകര്‍ക്ക് സമനില നഷ്ടപ്പെട്ടുവോ എന്ന് സംശയിക്കെണ്ടിയിരിക്കുന്നു. സുകുമാര്‍ അഴിക്കോടിന്റെ ശവസംസ്ക്കാരം തൃശൂരില്‍ തന്നെ നടത്തണമെന്ന് തൃശൂര്‍ മാത്രമാണ് സാംസ്ക്കാരിക കേരളമെന്ന് വിശ്വസിക്കുന്ന സാഹിത്യ പ്രവര്‍ത്തകര്‍ക്കും, സുഹൃത്തുക്കള്‍ക്കും നിര്‍ബന്ധബുദ്ധിയൂണ്ടായിരിക്കുന്നു. ഇത്രയും കാലം അഴീക്ക്കോടിന്റെ ബന്ധുക്കള്‍ എവിടെയായിരുന്നു എന്ന് ടി.വി.ചാനലിലൂടെ ചോദിക്കാനുള്ള ക്രൂരതപൊലും അഴീക്കോടിന്റെ പേരിലുള്ള ട്രസ്റ്റിന്റെ ഒരു ഭാരവാഹിക്കുണ്ടായിരിക്കുന്നു എന്നത് ലജ്ജാവഹമായിരിക്കുന്നു. സുകുമാര്‍ അഴീക്കോട് തൃശൂരിനെ സ്നേഹിച്ചെന്നതു സത്യമാണ്. അത് തൃശൂരില സൌഹൃദസദസ്സിന്റെ ഭാഗ്യം എന്ന് സ്മരിക്കുകയല്ലാതെ, അദ്ദേഹത്തിന്റെ മൃതദേഹത്തിനുവേണ്ടി അടുത്ത ബന്ധുക്കളുമായി തര്‍ക്കിക്കുക എന്നത് എന്തുമാത്രം മനുഷ്യത്വഹീനമായ പ്രവര്‍ത്തിയാണെന്ന് ചിന്തിക്കണം. സുകുമാര്‍ അഴീക്കോട് തന്റെ പേരിന്റെ അവസാനഭാഗവും പ്രധാനഭാഗവുമായി “അഴിക്കോടിനെ” തന്നെയാണ് ജീവിതാവസാനം വരേയും കൊണ്ടു നടന്നിരുന്നെന്ന സത്യമെങ്കിലും വിവാദക്കാര്‍ ഓര്‍ക്കേണ്ടതാണ്.അഴീക്കോടിന്റേത് അനാഥ ശവമൊന്നുമല്ല തൃശൂരില്‍ സംസ്ക്കരിക്കാന്‍.വലിയ സാമ്പത്തികശക്തിയൊന്നുമില്ലെങ്കിലും കണ്ണൂരില്‍ അദ്ദേഹത്തിന് കുടുമ്പാംഗങ്ങളുണ്ട്. അവരെ വേദനിപ്പിക്കാതിരിക്കാനുള്ള മനുഷ്യത്വമാണ് ആരാധകര്‍ക്കും, സുഹൃത്തുക്കള്‍ക്കുമുണ്ടാകേണ്ടത്. കണ്ണൂര്‍ മലയാളിക്കു നല്‍കിയ വഴിവിളക്കാണ് അഴിക്കോട്. അദ്ദേഹത്തെ “സുകുമാര്‍ തൃശൂരാക്കാന്‍” ശ്രമിക്കരുത്.

ഇതിഹാസങ്ങളും ഐതിഹ്യങ്ങളും പൊളിച്ചെഴുതണം !

2012-01-23T21:43:00.000+05:30

ഉത്തരകാലം എന്ന വെബ് പേജില്‍ ശങ്കരനാരായണന്‍ മലപ്പുറം എഴുതിയ കൊട്ടാരനുണകള്‍ ചരിത്രമാക്കണമെന്നോ? എന്ന ലേഖനത്തിന് ചിത്രകാരന്‍ എഴുതിയ കമന്റ് താഴെ സൂക്ഷിക്കുന്നു :

ചിത്രകാരന്‍:chithrakaran on January 23, 2012 at 4:17 pm said: Your comment is awaiting moderation.

മന്ത്രവാദികളായ ബ്രാഹ്മണരെ നികൃഷ്ടരും പരാന്നഭോജികളുമായ ദുര്‍മന്ത്രവാദികളായി നാം ഈ ജനാധിപത്യ കാലഘട്ടത്തില്‍ പോലും തിരിച്ചറിയാനോ രേഖപ്പെടുത്താനോ ആരംഭിച്ചിട്ടില്ല. നമ്മുടെ സമൂഹം “ബ്രാഹ്മണോ മമ ദൈവതം“ എന്ന ഉഗ്രതരമായ ഹൈന്ദവ മയക്കുമരുന്നിന്റെ ഉപയോക്താക്കളാകുന്നതില്‍ നാള്‍ക്കു നാള്‍ മുന്നേറിക്കൊണ്ടിരിക്കയുമാണ്. സമൂഹത്തെ അപകടപ്പെടുത്തുന്ന ഈ ഹൈന്ദവീകരണ പൊതുധാരക്കെതിരെ ഫലപ്രദമായി ഉപയോഗിക്കാവുന്ന ആയുധം ബ്രാഹ്മണരുടെ ഏമ്പക്ക സാഹിത്യസൃഷ്ടികളായ പുരാണേതിഹാസങ്ങളിലേയും കൊട്ടാരത്തില്‍ ശങ്കുണ്ണിയേപ്പോലുള്ള ശൂദ്ര വിഢികളുടെ കള്ളക്കഥാസമാഹാരങ്ങളിലേയും മനുഷ്യത്വ വിരുദ്ധത പുറത്തുകൊണ്ടുവരിക എന്നതുതന്നെയാണ്. ഒരുപക്ഷേ, ഈ വിഷയത്തില്‍ ഏറെ സംഭാവന നല്‍കാന്‍ കഴിയുമായിരുന്ന അഴീക്കോടും എം.കെ.സാനുവും സവര്‍ണ്ണ ചളിക്കുളങ്ങാളായ ഇതിഹാസങ്ങളില്‍ കാല്‍ വഴുതി വീണെന്ന് കരുതണം. ആ വീഴ്ച്ചയുടെ പേരില്‍ ഇവരെ വിമര്‍ശിക്കുന്നത് ഭാവിയില്‍ മറ്റുള്ളവര്‍ക്ക് സ്ഥലജല ഭ്രമത്തില്‍ നിന്നും രക്ഷ നേടാനെങ്കിലും സഹായിക്കും. ആ നിലക്കുള്ള ഈ പോസ്റ്റിന് ചിത്രകാരന്റെ അഭിവാദ്യങ്ങള്‍ !!!
ചിത്രകാരന്റെ കമന്റു ഭരണിയില്‍ ഉപ്പിലിട്ടിരിക്കുന്ന ലിങ്ക്: ഇതിഹാസങ്ങളും ഐതിഹ്യങ്ങളും പൊളിച്ചെഴുതണം !

കൊച്ചി മുസരിസ് ബിനാലെ

2012-01-18T23:25:00.000+05:30

..........................................................................................................................................................................................................................................................................................................................................

നമ്മുടെ ശാസ്ത്ര ചിന്തകള്‍ക്ക് പുതിയ ദിശ !!

2012-01-14T13:03:00.000+05:30

വിശ്വാസികളായാലും അവിശ്വാസികളായാലും തീര്‍ച്ചയായും കണ്ടിരിക്കേണ്ട വീഡിയോ. ഇടക്ക് കയറിവരുന്ന യുക്തിവാദ ബാനറും യുക്തിമാഗസിന്‍ പരസ്യവും കണ്ടില്ലെന്ന് കരുതിയാല്‍ വിജ്ഞാനപ്രദവും ചിന്തോദ്ധീപകവുമായ പ്രഭാഷണങ്ങള്‍....

............................................................

പൊള്ളുന്ന ഐസ്ക്രീമും ജേണലിസ്റ്റുകളും !

2012-01-06T17:13:00.001+05:30

നമ്മുടെ ജേണലിസ്റ്റുകള്‍ക്ക് വിവരമില്ലാഞ്ഞിട്ടാകാന്‍ സാധ്യതയില്ല. വിവരം കൂടിയവരാണെന്ന അന്ധവിശ്വസമുള്ളതുകൊണ്ടാണെന്നു തോന്നുന്നു... ആദര്‍ശത്തിന്റെ അസ്ക്യതയാല്‍ പത്ര മാധ്യമങ്ങളില്‍ നിന്നും ഇവറ്റകള്‍ പുറത്തക്കപ്പെട്ടാല്‍ പോലും സൈബര്‍ മാധ്യമത്തില്‍ തങ്ങളുടെ ദുരനുഭവം രേഖപ്പെടുത്താന്‍ ദുരഭിമാനം ഇവരെ അനുവദിക്കില്ല !! തറവാടിത്വവും രാജകീയ പാരമ്പര്യ മഹിമയുമുള്ള മാധ്യമങ്ങളുടെ അടിമത്വം മാത്രമേ ഇവര്‍ക്കു മാധ്യമ സ്വാതന്ത്ര്യമായി തോന്നുകയുള്ളു. ലജ്ജാകരം ജീര്‍ണ്ണലിസ്റ്റുകളെ !!! എത്രയോ വിലപ്പെട്ട അറിവുകളും അനുഭവങ്ങളുമായി മുട്ടകെട്ടതറിയാതെ അടയിരിപ്പ് തുടരുന്ന കോഴികളെപ്പോലെ സമൂഹത്തിന്റെ സ്വത്തായ വാര്‍ത്തക്കു മുകളില്‍ അടയിരിക്കുകയാണ് നമ്മുടെ ജേണലിസ്റ്റുകള്‍. വെറുതെയല്ല ഈ സാധനങ്ങളെ ജീര്‍ണ്ണലിസ്റ്റുകളെന്ന് പൊതുജനം പരിഹസിക്കുന്നത്.തങ്ങളുടെ കയ്യിലുള്ള അനുഭവങ്ങളും, അറിവുകളും, സാക്ഷികളും, സാക്ഷ്യങ്ങളും, ചിത്രങ്ങളും, വീഡിയോകളും, രേഖകളും എല്ലാം അഞ്ചു പൈസ ചിലവില്ലാതെ നെറ്റിലേക്ക് പറത്തി വിടാന്‍ കഴിയുമെന്നിരിക്കെ സമകാലിക മലയാളം വാരികയെ കാത്തിരുന്ന് ഐസ് ക്രീം കേസ് പിന്നാമ്പുറങ്ങള്‍ വ്യക്തമാക്കിയ വി.എം.ദീപയുടെ ലേഖനം എം.എന്‍.എം ന്യൂസ് നെറ്റിലെത്തിച്ചിരിക്കുന്നു. ആശ്വാസം അങ്ങനെയെങ്കിലും ഇതു വായിക്കാനായല്ലോ !!!സത്യത്തിന്റെ സൂര്യതാപമുള്ള വര്‍ത്തകളും രേഖകളും ആര്‍ക്കും അടയിരിക്കാനുള്ളതല്ല. അതു പൊതു ജനത്തിന് അവകാശപ്പെട്ടതാണ്. ജേണലിസ്റ്റുകളുടെ വാര്‍ത്ത പ്രസിദ്ധീകരിക്കാന്‍ വിമുഖത കാണിച്ച ചാനല്‍ മുതലാളിമാരെപ്പോലെത്തന്നെ കുറ്റകരമാണ് സത്യം ജനങ്ങാളിലെത്തിക്കാന്‍ കാലവിളമ്പം വരുത്തിയ ജേണലിസ്റ്റുകളുടെ നടപടിയും. ഇങ്ങനെയൊക്കെ പറയാമെങ്കിലും, ഒരു സ്ത്രീയെന്ന നിലക്ക് വി.എം.ദീപ അനുഭവിച്ച മാനസിക സമ്മര്‍ദ്ദം അത്രക്ക് ഭീകരമായിരിക്കുമെന്നതില്‍ സംശയമില്ല. ഒരു പക്ഷെ, സമ്മര്‍ദ്ദങ്ങള്‍ക്കനുസരിച്ച് മൊഴിമാറ്റിക്കൊണ്ടിരുന്ന റജിനയെക്കാള്‍ നൂറുമടങ്ങ് മാനസിക സമ്മര്‍ദ്ദവും, സാമൂഹ്യവും, തൊഴില്‍ പരമായതുമായ ഭീഷണികളും വീം.ദീപ അനുഭവിച്ചിരിക്കണം. കേരളത്തിലെ ജനങ്ങളുടെ ധാര്‍മ്മിക ബൊധത്തിനുവേണ്ടി അതിത്രയും കാലം കെടാതെ സൂക്ഷിച്ച് ജനങ്ങള്‍ക്കു കൈമാരിയതിന്റെ പേരില്‍ നന്ദി പറയേണ്ടിയിരിക്കുന്നു... ദീപ... നന്ദി... നന്ദി...
MNM News link

കുറ്റം ചെയ്യുന്ന കോടതികള്‍ !!

2012-01-03T22:36:00.000+05:30

ഇന്ത്യന്‍ നീതി ന്യായ-നിയമ പരിപാലന സംവിധാനത്തെ ഇന്ത്യാരാജ്യത്തിന്റെ ഉടമകളായ 133 കോടി ജനം അത്യന്തം ഭയത്തോടുകൂടിയാണ് നോക്കിക്കാണുന്നതെന്നു പറയാം. അല്ലാതെ, ബഹുമാനത്തോടുകൂടിയോ കുറച്ചുകൂടി ജനാധിപത്യ ഭാഷയില്‍ പറഞ്ഞാല്‍ അഭിമാനത്തോടുകൂടിയോ അല്ല. എങ്ങിനെ അഭിമാനം തോന്നും ??? ഒരുത്തന്‍ കുറ്റവാളിയാണെന്ന് ആരോപിക്കപ്പെട്ടാല്‍ അയാള്‍ അവര്‍ണ്ണ പാരമ്പര്യത്തിലുള്ളയാളോ താടിക്കാരനോ ആണെങ്കില്‍ അന്വേഷണത്തിനും വിചാരണക്കും കോടതി വിധിക്കും മുന്‍പുതന്നെ കുറ്റാരോപിതനെ അഞ്ചോ പത്തോ കൊല്ലത്തേക്കോ അതില്‍ കൂടുതല്‍ കാലത്തേക്കോ വിചാരണ തടവുകാരനായി ജയില്‍ ശിക്ഷക്കു വിധേയരാക്കുക എന്നതാണ് നമ്മുടെ നാട്ടിലെ നീതി. നീതി നിഷേധിക്കാനും മനുഷ്യാവകാശങ്ങള്‍ ചവിട്ടിമെതിക്കാനുമുള്ള സര്‍ക്കാര്‍ ഭരണ യന്ത്രമായാണ് നമ്മുടെ നീതി ന്യായ വ്യവസ്ഥ പ്രായോഗിക തലത്തില്‍ ഉപയോഗിക്കപ്പെടുന്നതെന്ന് പറയാം. തിരുവിതാംകൂറിലെ പഴയ രാജഭരണകാലത്ത് അവര്‍ണ്ണരായ കുറ്റാരോപിതരെ ജീവന്‍ കളയാതെ ആസനത്തിലൂടെ ഇരുമ്പു കമ്പിപ്പാര അടിച്ചുകേറ്റി പൊതുസ്ഥലത്ത് പക്ഷികള്‍ക്കും മൃഗങ്ങള്‍ക്കും പ്രാണികള്‍ക്കും ഭക്ഷണമാകാന്‍ വിധിക്കപ്പെട്ടിരുന്ന ‘ചിത്രവധം‘ എന്ന നരാധമ ശിക്ഷാവിധിയേക്കാള്‍ ക്രൂരമാണ് ജനാധിപത്യ ഇന്ത്യയിലെ വിചാരണക്കു മുന്‍പേയുള്ള വര്‍ഷങ്ങള്‍ നീണ്ടുനില്‍ക്കുന്ന അപ്രഖ്യാപിത ശിക്ഷാരീതികള്‍. കുറ്റാരോപിതന് ജാമ്യം പോലും നല്‍കാത്ത ഈ ക്രൂരത നീതിന്യായ സംവിധാനം ഇപ്പോഴും കയ്യടക്കിവച്ചിരിക്കുന്ന സവര്‍ണ്ണ വര്‍ഗ്ഗീയവാദികളുടേ(പ്രത്യേകിച്ചും ബ്രാഹ്മണരുടെ) മൃഗീയ പ്രാതിനിധ്യംകൊണ്ട് സംഭവിക്കുന്നതായിരിക്കണം.

ബ്രാമി മലയാളം ലിപികള്‍

2011-12-25T20:18:00.001+05:30

ബ്രാമി, വെട്ടെഴുത്ത്, കോലെഴുത്ത്, മലയാണ്മ,മലയാളം തുടങ്ങിയ വിവിധ ഭാഷാ രൂപങ്ങളുടെ ലിപി വ്യതിയാനത്തിലേക്ക് അറിവു നല്‍കുന്ന രണ്ടു ചാര്‍ട്ടുകളുടെ ഫോട്ടോ ഇതോടൊപ്പം ചേര്‍ക്കുന്നു. ഭാഷാചരിത്ര കുതുകികള്‍ക്ക് ഉപകരപ്പെടുമെങ്കില്‍ സന്തോഷം. ഡിസംബര്‍ 12 മുതല്‍ 17 വരെ കണ്ണൂര്‍ ജില്ലയിലെ ശ്രീകണ്ഠാപുരത്തു കേരള ഗവണ്മെന്റിന്റെ ആര്‍ക്കീവ്സ് ഡിപാര്‍ട്ടുമെന്റ് നടത്തിയ പുരാവസ്തു രേഖാപ്രദര്‍ശനത്തില്‍ നിന്നും എടുത്ത ഫോട്ടോകളാണ്. ഈ പ്രദര്‍ശനത്തില്‍ നിന്നും എടുത്ത മറ്റു ചില ചരിത്ര രേഖകളുടെ ഫോട്ടോകള്‍ ചിത്രകാരന്റെ ബ്ലോഗില്‍ സൂക്ഷിച്ചിരിക്കുന്നത് ലിങ്കില്‍ ഞെക്കി വായിക്കാവുന്നതാണ്.
ലിങ്ക്:

മുസ്ലീങ്ങളുടെ സത്യത്തിലുള്ള ചരിത്രം അഭിമാനകരമാണ്

പ്രിന്റു മാധ്യമങ്ങള്‍ മോഷ്ടാക്കളാകുമ്പോള്‍ !

2011-12-25T12:07:00.002+05:30

അച്ചടി പ്രസിദ്ധീകരണങ്ങള്‍ക്ക് ഒരു മാടമ്പി മനസ്സുണ്ടാകുക എന്നത് സ്വാഭാവികമാണ്. എന്നാല്‍, ജനാധിപത്യ വിരുദ്ധമായ ആ മാടമ്പിത്വം ഇന്റെര്‍ നെറ്റ് കാലഘട്ടത്തിലെത്തുമ്പോള്‍ സ്വയം കണ്ടെത്തി നശിപ്പിക്കേണ്ടതായ സാംസ്ക്കാരിക ചുമതലാബോധം അതിന്റെ ഉടമകളും പത്രാധിപന്മാരും നിറവേറ്റാത്തപക്ഷം അവര്‍ക്കുതന്നെ അപമാനകരമാകുന്ന തലത്തിലെക്ക് വളരുന്ന പാരയായിത്തീരും എന്ന് ഓര്‍മ്മിപ്പിക്കട്ടെ.

പണ്ടൊക്കെ പ്രസിദ്ധീകരണങ്ങളുടെ മുതലാളിമാരുടെയും,പത്രാധിപന്മാരുടെയും, കറപുരണ്ട ജീവിതത്തിലെക്ക് വെളിച്ചം വീഴ്ത്തുന്ന വല്ല പുസ്തകമോ, ലേഖനമോ വല്ലയിടത്തും പ്രസിദ്ധീകരിക്കപ്പെട്ടാല്‍ ക്ഷണത്തില്‍ പത്രമുതലാളിമാര്‍ തങ്ങളുടെ തൊഴിലാളികളെയും, സമ്പത്തിനെയും, ഭരണ ബന്ധങ്ങളെയും ഉപയോഗപ്പെടുത്തി അപകീര്‍ത്തികരമായ വാര്‍ത്ത പ്രസിദ്ധീകരിച്ച പ്രസിദ്ധീകരണത്തിന്റെ മാര്‍ക്കറ്റിലെത്തിയ മുഴുവന്‍ കോപ്പികളും വിലകൊടുത്ത് വാങ്ങുന്ന മാടമ്പിത്വ ബുദ്ധികൊണ്ട് പ്രശ്നം പരിഹരിക്കുമായിരുന്നു. എന്നാല്‍, ഇന്റെര്‍നെറ്റിനെ സമ്പന്ധിച്ച് അത്തരം വല്ല്യേട്ടന്‍ കളിയൊന്നും നടപ്പാക്കനാവില്ലെന്നു മാത്രമല്ല, അപമാന ഭാരം കൂട്ടാനും അതിവിളവുകള്‍ സഹായിക്കും.
മാത്രമല്ല, പ്രിന്റു മീഡിയയിലെ അപമാനം അടുത്ത ലക്കം ഇറങ്ങുന്നതോടെ കെട്ടടങ്ങുമെങ്കിലും സൈബര്‍ മീഡിയയിലെ അപമാനം ഒരു ലിങ്കു ക്ലിക്കിലൂടെയോ പത്രത്തിന്റേയോ പത്ര ഉടമയുടേയോ പത്രാധിപരുടെയോ ലേഖകന്റേയോ പേര്‍ ഇന്റര്‍ നെറ്റില്‍ സര്‍ച്ച് ചെയ്താലുടന്‍ ഏറ്റവും മോളിലായി പ്രത്യക്ഷപ്പെട്ട് ഊടുതുണീ അഴിച്ചെടുത്ത് സ്ഥലം വിടുമെന്ന ഏര്‍പ്പാട് ലോകാവസാനം വരെ നിലനില്‍ക്കുമെന്ന കാര്യവും ഓര്‍ക്കേണ്ടതുണ്ട്.

അതുകൊണ്ട്, നെറ്റിലെ സൃഷ്ടികള്‍ എടുത്ത് സ്വന്തം കാര്യങ്ങള്‍ക്കായി ഉപയോഗിക്കുന്നതിനു മുന്‍പ് അതിന്റെ കര്‍ത്താവിന്റെ അനുമതി വാങ്ങുകയൊ, കര്‍ത്താവിന്റെ പേരും നെറ്റിലെ ഒറിജിനല്‍ പോസിലേക്കുള്ള വിലാസവും നല്‍കാനുള്ള സാമാന്യ മര്യാദ പ്രകടിപ്പിക്കാനുള്ള ബാധ്യത നിറവേറ്റുകയോ ചെയ്യേണ്ടതാണ് എന്ന് പ്രിന്റു മീഡിയകളോടും വിഷ്വല്‍ മീഡിയകളോടും ചിത്രകാരന്‍ സ്നേഹപൂര്‍വ്വം അഭ്യര്‍ത്ഥിക്കുന്നു.
സൈബര്‍ മീഡിയ സ്മാര്‍ട്ട് ഫോണുകളുടേയും ടാബ്ലറ്റുകളുടേയും വരവോടെ കൂടുതല്‍ പ്രചാരം നേടാന്‍ തുടങ്ങിയിരിക്കുന്ന ഈ സന്ദര്‍ഭത്തില്‍ സൈബര്‍ മീഡിയയിലുള്ളവര്‍ ഇനി പ്രതികരിച്ചു തുടങ്ങുമെന്നതിനാല്‍ മാന്യതയും ബഹുമാനവും ജനാധിപത്യപരമാകുമെന്നതില്‍ സംശയം വേണ്ട.
കാര്‍ട്ടൂണിസ്റ്റും, ഫോട്ടോഗ്രാഫറും, ചിത്രകാരനും, എഴുത്തുകാരനുമായ ബ്ലോഗര്‍ നൌഷാദ് അകമ്പാടത്തിന്റെ ബ്ലോഗില്‍ പ്രിന്റു മീഡിയകള്‍ ഒരു ക്രെഡിറ്റ് ലൈന്‍ പോലും കൊടുക്കാതെ തന്റെ കാര്‍ട്ടൂണ്‍ അടിച്ചുമാറ്റി പ്രസിദ്ധീകരിച്ചതിനെക്കുറിച്ച് വളരെ വേദനയോടെ ഒരു പോസ്റ്റ് എഴുതിയതായി കണ്ടതിന്റെ പേരിലാണ് ഈ പോസ്റ്റ്. നൌഷാദിന്റെ പോസ്റ്റിലേക്കുള്ള ലിങ്ക്: "കലാകൗമുദീ..ഒരു വാക്ക് ചോദിക്കാമായിരുന്നില്ലേ എന്നോട്? "

മലയാളത്തിന്റെ പാട്ട്... പ്രസീദയിലൂടെ !

2011-12-15T10:45:00.000+05:30

..........................................................

....................................................................................................................

ശബരിമല അയ്യപ്പന്റെ പിതൃത്വപദവിക്കായി മത്സരം !

2011-12-14T22:34:00.000+05:30

ശബരിമല ക്ഷേത്രത്തിന്റെ ഉടമസ്താവകാശം തന്ത്രിയിലേക്ക് വലിച്ചു കെട്ടുന്നതിനു മുന്‍പുള്ള പ്രചരണ കര്‍മ്മമാണെന്നു തോന്നുന്നു തന്ത്രി കുടുംബത്തിലെ പേരക്കുട്ടികള്‍ മീഡിയയിലുള്ള തങ്ങളുടെ സ്വാധീനം ഉപയോഗപെടുത്തി നടത്തിക്കൊണ്ടിരിക്കുന്നത്. ശബരിമല ശാസ്താവിന്റെ പിതാവിന്റെ സ്ഥാനമാണ് തന്ത്രിക്കുള്ളതെന്ന് സ്ഥാപിക്കാന്‍ ചാനല്‍ ചര്‍ച്ചയില്‍ പേരക്കുട്ടികള്‍ ആഞ്ഞു ശ്രമിക്കുന്നുണ്ട്. പന്തളം രാജാവിനും അയ്യപ്പന്റെ അച്ഛന്റെ സ്ഥാനമാണുള്ളതെന്ന് വേറേയും അവകാശവാദങ്ങളുണ്ട്. ശിവനും മഹാ വിഷ്ണുവുമാണ് ശബരി മല അയ്യപ്പന്റെ മറ്റു രണ്ട് അച്ഛന്മാര്‍. എട്ടുകാലി മമ്മൂഞ്ഞുകളായ ഈ അച്ഛന്മാരെയെല്ലാം പോടാ നായിന്റെ മക്കളെ എന്ന് ആക്രോശിച്ച് ഓടിച്ചു വിടാന്‍ മിണ്ടാന്‍ ശേഷിയില്ലാത്ത വെറും പ്രതിമയായ അയ്യപ്പനു കഴിയുന്നില്ല എന്നതാണു സത്യം.ബ്രാഹ്മണ മന്ത്രവാദികളുടെ ഈ ചെറ്റത്തരത്തിനെതിരെ ഉരിയാടാന്‍ ശേഷിയുണ്ടായിരുന്ന പുരോഗമന പ്രസ്ഥാനങ്ങളിലെ പ്രബുദ്ധ ജനതയെയെല്ലാം കമ്മ്യൂണിസ്റ്റു പാര്‍ട്ടികളും യുക്തിവാദി സംഘങ്ങളും വരിയുടച്ച് വണ്ടിക്കാളകളാക്കി മാറ്റിയതിനാല്‍ നമ്മുടെ സമൂഹം പ്രതീക്ഷ നല്‍കാത്തവിധം ഇരുട്ടിലാണെന്നു പറയാം.

തത്വമസി

2011-11-24T17:09:00.001+05:30

ശബരിമല തീര്‍ത്ഥാടന കാലമാണിത്. ശബരിമലയില്‍ പതിനെട്ടാം പടി കയറി ചെല്ലുന്ന അയ്യപ്പന്മാരെ ശബരിമല അയ്യപ്പന്‍ സ്വീകരിക്കുന്നത് “തത്വമസി” എന്ന ദൈവവും മനുഷ്യനും ഒന്നാണെന്ന അറിവുനല്‍കുന്ന വാക്കുകൊണ്ടാണ്. അമ്പലത്തിന്റെ മോന്തായത്തില്‍ അത്രയും വലുതായി “തത്വമസി” എഴുതിവച്ചിട്ടും നമ്മുടെ മന്ദബുദ്ധികളായ ഭക്തര്‍ ആ വാക്കു കാണാറുണ്ടോ എന്നത് സംശയമാണ്. കണ്ടാല്‍ തന്നെ അതിന്റെ അര്‍ത്ഥമൊട്ട് പിടികിട്ടാനുമിടയില്ല. ഭക്തനെ തന്റെതന്നെ പ്രതി ബിംബമായി കണ്ട് ആധരിക്കുന്ന ദൈവത്തിന്റെ മാനവികവല്‍ക്കരിക്കപ്പെട്ട ഒരു ദര്‍ശനമാണ് ശബരിമല ശാസ്താവ് മുന്നോട്ടുവക്കുന്നത്. ബ്രാഹ്മണരുടെ തടവുപുള്ളികളായ ഹിന്ദുമത ദൈവങ്ങളില്‍ നിന്നും വ്യത്യസ്തമായ ഈ ദര്‍ശനത്തെ ഉള്‍ക്കൊള്ളാനാകുമെങ്കില്‍ അയ്യപ്പന്മാര്‍ക്ക് ദൈവീക സാക്ഷാത്ക്കാരം തന്നെ അനുഭവിക്കാനാകുന്ന വിധം മഹത്തരമാകേണ്ടതായിരുന്നു ശബരിമല തീര്‍ത്ഥയാത്ര. വേദനയോടെ പറയട്ടെ, നാം ശബരിമല സന്ദര്‍ശിക്കുന്നത് ഭക്തരായാണ്, ദൈവീകതയിലെക്ക് മാനസികമായി ഉയരുന്ന സത്യാന്വേഷകരായല്ല. അതുകൊണ്ടാണ് ശബരിമല ശാസ്താവിനെ സംബന്ധിച്ച് ഒരിക്കലും അനുവദിക്കാനാകാത്ത തന്ത്ര ശാലികളും മന്ത്രവാദികളുമായ ബ്രാഹ്മണരുടെ സാന്നിദ്ധ്യം നമുക്ക് അരോചകമായി തോന്നാത്തത്. “തത്വമസി” എന്ന ദൈവീകതയിലേക്ക് ഉയരുന്ന മുഹൂര്‍ത്തത്തില്‍ ദൈവത്തിനും, വിശ്വാസിക്കും ഇടയില്‍ ഒരു കൂട്ടിക്കൊടുപ്പുകാരനായി ബ്രാഹ്മണന്‍ ഇടപെടുന്നത് “തത്വമസി” എന്ന ദര്‍ശനത്തെ വ്യഭിചരിച്ചു നശിപ്പിക്കുന്ന ബ്രാഹ്മണ രാഷ്ട്രെയത്തിന്റെ അധിനിവേശമായി നമുക്ക് തിരിച്ചറിയാനാകുന്നില്ല എന്നത് ഒരു ദുഖസത്യമാണ്. സ്വയം ദൈവാംശമാണെന്ന് തിരിച്ചറിഞ്ഞ് അഭിമാനിക്കുന്നതിന്റെ മാനവിക വികാസവും സ്വാതന്ത്ര്യവും നമ്മുടെ സമൂഹത്തെ അടിമത്വത്തില്‍ നിന്നും മോചിപ്പിക്കാന്‍ തക്കവിധം ശക്തവും ക്രിയാത്മകവുമാണ്.തത്വമസുയെപ്പോലുള്ള ആശയങ്ങളാണ് നമ്മേ മുന്നൊട്ടു നയിക്കേണ്ടതെന്നും, ഫാഷന്‍ ടിവി യിലെ മോഡലുകളെപ്പോലുള്ള അംഗലാവണ്യമുള്ള സ്ത്രീകളെ സാരിയുടുപ്പിച്ച് താമരയിലിരുത്തിയും, നീലം മുക്കിയെടുത്ത എട്ടുകാലിയെപ്പോലുള്ള മാംസളമായ രാമറാവു ദൈവങ്ങളും നമ്മുടെ ആരാധനാപത്രമാകുന്നത് നമ്മുടെ അടിമത്വത്തിനു വഴിവക്കുമെന്നും നാം തിരിച്ചറിയേണ്ടിയിരിക്കുന്നു. തത്വമസി, അദ്ധ്വൈതം തുടങ്ങിയ ദര്‍ശനങ്ങള്‍ ബ്രാഹ്മണ സവര്‍ണ്ണ മതം ബുദ്ധ ധര്‍മ്മത്തില്‍ നിന്നും മോഷ്ടിച്ച് സ്വന്തമാക്കിയ വാക്കുകളാണെന്നു കൂടി നാം ഓര്‍ക്കേണ്ടതുണ്ട്. അറിവിന്റെ വ്യാപനത്തെ ഭയക്കുകയും, അറിയാതെ അറിവു നേടിയവന്റെ പെറുവിരല്‍ അറുത്തു വാങ്ങിയും, അവന്റെ ചെവിയില്‍ ഇയ്യം ഉരുക്കിയൊഴിച്ചും, പാണ്ഢിത്യം കൊണ്ട് തങ്ങളെ വെല്ലുവിളിച്ചിരുന്ന ബുദ്ധ സന്ന്യാസിമാരുടെ നാവ് അരിഞ്ഞെടുത്തും ജനങ്ങളെ അറിവില്ലാത്തവരായി പാതാളത്തിലേക്ക് ചവിട്ടി താഴ്ത്തിയ ചരിത്രമുള്ള ബ്രാഹ്മണ്യം ഒരിക്കലും “തത്വമസി”, “അദ്വൈതം“ തുടങ്ങിയ ആശയങ്ങള്‍ തങ്ങളുടെ പാഢിത്യത്തിനു മുതല്‍കൂ‍ട്ടാക്കുകയല്ലാതെ പ്രചരിപ്പിക്കില്ലെന്ന് ഓര്‍ക്കുക. ക്ഷേത്രങ്ങലില്‍ നിന്നും മന്ത്രവാദികളും കുടില തന്ത്രജ്ഞരുമായ ബ്രാഹ്മണരെ പൂറത്താക്കാനുള്ള പ്രക്ഷോപ പരിപാടികള്‍ ഉണ്ടാകേണ്ടിയിരിക്കുന്നു. സവര്‍ണ്ണ സംസ്ക്കാരത്തിന്റെ നീരാളി പിടുത്തത്തില്‍ നിന്നും സമൂഹത്തിനു മോചനം ലഭിക്കാന്‍ ഇന്ത്യയില്‍ അതുമാത്രമേ വഴിയുള്ളു. ചിത്രകാരന്റെ “സരസ്വതിക്ക് എത്ര മുലകളുണ്ട് ” എന്ന പോസ്റ്റിന്റെ ലിങ്ക്.

മുല്ലപ്പെരിയാര്‍- ജല ബോംബ് mullaperiyar, water bomb

2011-11-21T12:24:00.001+05:30

അപകടം നടന്നതിനു ശേഷം മാത്രം നെലോളിക്കുകയും കണ്ണില്‍ കണ്ടവരെ കുറ്റപ്പെടുത്തുകയും ചെയ്യുന്ന അടിമബോധമുള്ള സമൂഹമാണ് നമ്മുടേത്. പുരോഹിതരെപ്പോലെ ജനങ്ങളുടെ കണ്ണും കാതും കൈവശപ്പെടുത്തി, സമൂഹത്തെ അധീനപ്പെടുത്തിയിരിക്കുന്ന പത്രമാധ്യമങ്ങളേയും കലാസാഹിത്യ പ്രവര്‍ത്തകരേയും ചെരിപ്പുകൊണ്ട് അടിക്കുന്നതുപോലെ അക്ഷരങ്ങള്‍കൊണ്ട് വിമര്‍ശനവിധേയരാക്കാതെ നമ്മുടെ അടിമത്വമോ നിസംഗതയോ മാറിക്കിട്ടുകയില്ല.നാളെയെക്കുറിച്ച് ഒരു ജനതക്ക് ബോധമുണ്ടാകണമെങ്കില്‍ തങ്ങളുടെ ഇന്നലയെക്കുറിച്ച് അറിഞ്ഞിരിക്കണമല്ലോ. എല്ലാ അപകടങ്ങള്‍ക്കും, ദുരന്തങ്ങള്‍ക്കും മുന്നില്‍ എന്തോ നടക്കട്ടെ എന്ന നിസാരബോധത്തോടെ പെരുമാറാന്‍ കീടങ്ങള്‍ക്കും, ജന്തുക്കള്‍ക്കും,സസ്യങ്ങള്‍ക്കും മാത്രമേ കഴിയു...മനുഷ്യര്‍ക്കു കഴിയില്ല. നമ്മള്‍ മനുഷ്യരാകാന്‍ കുറേ പഠിക്കേണ്ടിയിരിക്കുന്നു.

..............................................................

“പൊട്ടന്‍“ രാഷ്ട്രപതിമാര്‍ ആദരവ് അര്‍ഹിക്കുന്നില്ല !

2011-11-10T12:27:00.001+05:30

സ്വാഭാവികമായും സവര്‍ണ്ണമല്ലാത്ത എല്ലാ ആശയങ്ങളും,സ്ഥാപനങ്ങളും, വ്യക്തികളും, സമൂഹവും, സംഘടനകളും, ഓര്‍മ്മകളും
(സവര്‍ണ്ണതക്ക് കീഴ്പ്പെടാന്‍ തയ്യാറാകാതിരിക്കുകയോ ലയിച്ചുചേരാന്‍ വിമുഖത കാണിക്കുകയോ ചെയ്താല്‍) പാര്‍ശ്വവല്‍ക്കരിച്ച് നശിപ്പിച്ചു കളയാനുള്ള സ്വയം നിയന്ത്രിത മാന്യതാബോധം തന്നെ സവര്‍ണ്ണ സാമൂഹ്യവ്യവസ്ഥയില്‍ (സവര്‍ണ്ണ പ്രത്യയശാസ്ത്രത്തില്‍) രണ്ടായിരം വര്‍ഷക്കാലമായി കുറ്റമറ്റ രീതിയില്‍ പ്രവര്‍ത്തിക്കുന്നതായി കാണാനാകും. ലോകത്തിന്റെ സാംസ്ക്കാരിക പ്രകാശമായിരുന്ന ബുദ്ധമതത്തേയും അശോക ചക്രവര്‍ത്തിയേയുമൊക്കെ ചരിത്ര-സാംസ്ക്കാരിക മുദ്രകളെല്ലാം വേരോടെ പിഴുതുകളയാനായത് സവര്‍ണ്ണതയുടെ ഈ സവിശേഷ സിദ്ധിയാണ്.

( ചിത്രകാരന്റെ വ്യക്തിപരമായ അനുഭവത്തില്‍ നിന്നും പറയുകയാണെങ്കില്‍ ബ്ലോഗില്‍ സവര്‍ണ്ണതയെ എതിര്‍ത്തതിന്റെ പെരില്‍ “ചിത്രകാരന്‍ ” എന്ന വാക്ക് ബോധപൂര്‍വ്വം ഉപയോഗിക്കാതിരിക്കാന്‍ ശ്രദ്ധിക്കുന്ന ഭേദപ്പെട്ട മാന്യരെന്നു കരുതുന്ന ബ്ലോഗ് എഴുത്തുകാരുടെ ഒരു സംഘം തന്നെ ഉള്ളതായി കാണാനായിട്ടുണ്ട്. ഇവര്‍ക്കടിയില്‍ ചിത്രകാരന്‍ എന്ന വാക്ക് ആരെങ്കിലും സെര്‍ച്ചു ചെയ്താല്‍ വളരെ അധിക്ഷേപാര്‍ഹമായ വിവരങ്ങളെ സര്‍ച്ച് റിസല്‍ട്ടായി പൊങ്ങിവരാവു എന്ന് ബോധപൂര്‍വ്വം നിശ്ചയിച്ച് അതിനായി ചിത്രകാരനെതിരെ പോസ്റ്റുകളും കമന്റുകളും ചമച്ചുണ്ടാക്കുകയും വ്യക്തിപരമായി ദ്രോഹിക്കാന്‍ ശ്രമിക്കുകയും ചെയ്യുന്ന വലിയൊരു ഗ്രൂപ്പിനേയും കണ്ടിട്ടുണ്ട്. സവര്‍ണ്ണതയുടെ ശക്തമായ പ്രതിരോധ വ്യവസ്ഥിതി അത്രക്ക് സര്‍വ്വവ്യാപിയായി നമുക്കിടയില്‍ നിലനില്‍ക്കുന്നുണ്ട്.)

സത്യത്തില്‍ നന്മയെ തിരസ്ക്കരിക്കാന്‍ ശ്രമിക്കുന്ന സവര്‍ണ്ണ പൊതുബോധത്തില്‍ ഉള്‍പ്പെട്ടിരിക്കുന്നവര്‍ ആരും തന്നെ മനപ്പൂര്‍വ്വം തെറ്റുചെയ്യണം എന്ന വ്യക്തിത്വം പുലര്‍ത്തുന്ന കുറ്റവാളികളല്ല എന്നതാണു രസകരമായ കാര്യം. സാമൂഹ്യ തിന്മയായ സവര്‍ണ്ണതയെ അച്ചുതണ്ടാക്കി നിര്‍മ്മിക്കപ്പെട്ടിരിക്കുന്ന വ്യവസ്ഥിതിയില്‍ ജന്മംകൊണ്ട് അകപ്പെട്ട സവര്‍ണ്ണനും കര്‍മ്മം കൊണ്ട് അകപ്പെട്ടുപോകുന്ന അവര്‍ണ്ണനും തങ്ങള്‍ നന്മയെയാണ് തമസ്ക്കരിക്കുന്നതെന്ന് ഒരിക്കലും തോന്നുകയില്ലെന്നു മാത്രമല്ല, തങ്ങള്‍ സാമൂഹ്യജീവികളെന്ന നിലയില്‍ അനുഷ്ഠിക്കേണ്ട ധര്‍മ്മമാണ് നന്മയെ പാര്‍ശ്വവല്‍ക്കരിച്ച് ഇല്ലാതാക്കല്‍ എന്ന “നിഷ്ക്കളങ്കമായ സാമൂഹ്യ ബോധ” മാണ് ഉണ്ടായിരിക്കുക.
“സവര്‍ണ്ണത” അല്ലെങ്കില്‍ മന്ത്രവാദികളായ ബ്രാഹ്മണ്യം നിര്‍മ്മിച്ച “ജാതീയത” (ഇന്നത്തെ ഹിന്ദുമതം) സമൂഹ നന്മയെ തിന്മയായും, തിന്മയെ നന്മയായും വളരെ വിദഗ്ദമായി ലേബല്‍ ചെയ്യുന്ന ഏര്‍പ്പാടാണ്. തങ്ങളുടെ സ്വാര്‍ത്ഥമായ സവര്‍ണ്ണ ജാതിവൃത്തത്തിനു പുറത്തുള്ള വലിയ മനുഷ്യസമൂഹത്തെ മുഴുവനായി തങ്ങള്‍ക്കെതിരെയുള്ള അസുരശക്തിയായി നാമകരണം ചെയ്ത് കഥകളും, പുരാണങ്ങളും, ഇതിഹാസങ്ങളും കൊണ്ട് സാംസ്ക്കാരികതയില്‍ കുത്തിനിറച്ച് സാംസ്ക്കാരിക മണ്ഡലത്തില്‍ നിന്നും ബഹുസ്വരതയുടെ നന്മയെ സമ്മര്‍ദ്ധത്തിലൂടെ പുറത്തു നിര്‍ത്തുകയും, സ്വാഭാവികമായി സ്വയം നശിക്കാന്‍ അനുവദിക്കുകയുമാണ് സവര്‍ണ്ണ പ്രത്യയശാസ്ത്രത്തിന്റെ (സംങ്കുചിത)യുദ്ധരീതി. ഈ സത്യം ഇനിയും മനസ്സിലാക്കാതെ, നാം എത്ര വലിയ ബഹുജന പ്രസ്ഥാനം ഉയര്‍ത്തിക്കൊണ്ടുവന്നാലും അതെല്ലാം സവര്‍ണ്ണതക്ക് വളമായി മാറുന്നത് കണ്ട് കണ്ണീര്‍വാര്‍ക്കാനേ കാലത്തിനു കഴിയു. തന്ത്ര-മന്ത്രവാദികളായ ബ്രാഹ്മണ പൌരോഹിത്യം സൃഷ്ടിച്ച “സവര്‍ണ്ണത എന്ന ജാതിചിന്തയെ” വേര്‍ത്തിരിച്ചെടുത്ത് നശിപ്പിക്കാതെ ഒരു സാമൂഹ്യ - സാംസ്ക്കാരിക - രാഷ്ട്രീയ ജനാധിപത്യമാറ്റവും, നീതിയും, സമത്വബോധവും ഇന്ത്യയില്‍ ഉണ്ടാകാന്‍പോകുന്നില്ല.
“ബഹുമാനപ്പെട്ട മന്ത്രി എന്നു വിളിക്കെടാ പൊട്ടാ” എന്ന് നിയമ സാമാജികനും, മുന്‍ മന്ത്രിയുമായ പട്ടികജാതിക്കാരനോട് ഒരു ശൂദ്ര കൃസ്ത്യാനി ആജ്ഞാപിക്കുന്നത് കേട്ട് അസാധാരണമായി ഒന്നും സംഭവിച്ചില്ലെന്നു കരുതിയിരിക്കുന്ന “സംസ്ക്കാര സമ്പന്നരുടെ” നാടാണു നമ്മുടേത്. നന്മയും തിന്മയും തെറ്റായി ലേബല്‍ ചെയ്തതുകൊണ്ട് നമുക്കൊന്നും മനസ്സിലാകുന്നില്ലെന്നതിന്റെ ലജ്ജാകരമായ ഒരു ഉദാഹരണമായി പൊട്ടന്‍ ജോര്‍ജ്ജിന്റെ മനുഷ്യത്വ രഹിതമായ ജല്‍പ്പനങ്ങള്‍ കുറച്ചുകാലമെങ്കിലും നമ്മുടെ ഓര്‍മ്മയില്‍ നിലനില്‍ക്കുമായിരിക്കും.
ഡി.പ്രദീപ് കുമാറിന്റെ ദൃഷ്ടിദോഷം ബ്ലോഗില്‍ "എന്തിനു കെ.ആർ.നാരായണനെ ഓർക്കണം?" എന്ന നമ്മുടെ ധാര്‍മ്മിക കാപട്യത്തിനു നേരെയുള്ള ശക്തമായ പോസ്റ്റ് വായിച്ചപ്പോള്‍ ചിത്രകാരനുണ്ടായ ചിന്തകളാണ് മുകളില്‍ കുറിച്ചിരിക്കുന്നത്.

എം.വി.ജയരാജന് ചിത്രകാരന്റെ അഭിവാദ്യങ്ങള്‍ !!!

2011-11-09T12:02:00.002+05:30

അധികാരവ്യവസ്ഥിതിയുടെ പരമോന്നത സ്ഥാപനമെന്ന നിലയില്‍ കോടതികള്‍ക്ക് സഹസ്രാബ്ദങ്ങളുടെ പ്രായമുള്ള മാനവിക സംസ്ക്കാരത്തില്‍ ഏറ്റവും നികൃഷ്ട ചരിത്രമാണുള്ളത്. അധികാരത്തോടും തിന്മയോടും ഏറ്റവും ചേര്‍ന്നുനിന്നുകൊണ്ട് മാനുഷികവും സാംസ്ക്കാരികവുമായ സ്വാതന്ത്ര്യബോധത്തിന് കൊലക്കയറും, വിഷവും, കുരിശും, ചമ്മട്ടിയും, തുറുങ്കും, വെടിയുണ്ടയും, പീഢനങ്ങളും വിധിക്കുക എന്ന അതിനീചമായ കര്‍ത്തവ്യം നിരന്തരം നിറവേറ്റുന്ന ഭരണത്തിന്റെ കപട നീതിബോധത്തിന്റെ വ്യഭിചാരശാലയായാണ് ചരിത്രത്തില്‍ കോടതികളെ കാണാനാകുക. അതുകൊണ്ടുതന്നെ, ജനാധിപത്യത്തിലേക്ക് പ്രവേശിക്കുന്ന ആധുനിക നീതിനിര്‍വ്വഹണ സംവിധാനം മാനവികമായി ഉടച്ചുവാര്‍ക്കപ്പെടേണ്ടതുണ്ട്.

നൂറ്റാണ്ടുകള്‍ പഴക്കമുള്ള മാടമ്പി വ്യവസ്ഥിതിയുടെ കിരാതമായ പല്ലും നഖവും ദംഷ്ട്രകളുമായി നാടിന്റെ ഉടമകളായ പൊതുജനത്തെ കൂര്‍ത്ത പല്ലുകള്‍ ഇളിച്ചുകാട്ടി ഭയപ്പെടുത്തുന്ന ഒരു കറുത്ത ചെകുത്താന്‍ രൂപമായി കോടതികള്‍ നിലനില്‍ക്കുന്നത് ജനാധിപത്യത്തിന് അപമാനകരമാണ്. കോമാളിയായ മാജിക്കുകാരന്റെ അതിഭാവുകത്വമുള്ള വേഷവിധാനങ്ങളുമായി പുരാതനമായ ഏതോ രാജാപാര്‍ട്ട് നാടകമവതരിപ്പിക്കുന്നതുപോലുള്ള മടുപ്പും അറപ്പും അക്ഷമയും ഉളവാക്കുന്ന നീതിനിര്‍വ്വഹണ ദിനചര്യകള്‍ പൊതുജന പരിഹാസത്തിനു പാത്രമാകുന്നില്ലെന്നത് അതിശയകരംതന്നെ !!! സത്യത്തില്‍ ജനാധിപത്യ സമൂഹങ്ങള്‍ ഭയത്തിന്റെ തടവറയില്‍ കിടന്നാണ് തങ്ങളുടെ രാജ്യത്തിന്റെ സ്വാതന്ത്ര്യദിനങ്ങള്‍ പോലും ആഘോഷിക്കുന്നത് എന്ന് ചിത്രകാരന് അഭിപ്രായമുണ്ട്. ജനാധിപത്യം നിരന്തരം നവീകരിക്കപ്പെടേണ്ടതുണ്ട്.

അറക്കാന്‍ കൊണ്ടുപോകുന്ന കന്നുകാലികളെപ്പോലെ ദൈന്യതയോടെ കോടതികളില്‍ തിക്കിത്തിരക്കി ശ്വാസമെടുക്കാന്‍ പോലും വിഷമിച്ച് ഒത്തുകൂടേണ്ടിവരുന്ന വാദിയും, പ്രതിയും, സാക്ഷിയുമായ പൊതുജനത്തിന് ഏറ്റവും കുറഞ്ഞ മാനുഷിക പരിഗണനപോലും ലഭിക്കുന്നില്ലെന്ന് തിരിച്ചറിയാനുള്ള നീതിബോധമെങ്കിലും ജനാധിപത്യവ്യ്‌വസ്ഥിതിയിലെ കോടതികള്‍ക്ക് ഉണ്ടാകേണ്ടതാണെന്ന് ജനങ്ങള്‍ക്കും, രാഷ്ട്രീയ പാര്‍ട്ടികള്‍ക്കും തോന്നേണ്ടതുണ്ട്. ആ അഭിപ്രായം പൊതുബോധമായി വികസിക്കേണ്ടതുമുണ്ട്.കയറില്ലാതെ ഇരുകാലി മൃഗങ്ങളായ മനുഷ്യരെ കെട്ടിയിടുന്ന കോടതികളില്‍ അത്യാവശ്യത്തിന് കുടിക്കാനുള്ള വെള്ളമോ, മൂത്രമൊഴിക്കാനുള്ള വൃത്തിയുള്ള ടോയ്‌ലറ്റോ, ഇരിക്കാനൊരു കസേരയോ നല്‍കാത്ത നീതി ബോധം അനീതിയില്‍ധിഷ്ഠിതമാണെന്ന് തുറന്നുപറയാന്‍ കഴിയുന്നില്ലെങ്കില്‍ പിന്നെ എന്തിനാണ് വവ്വാവലുകല്‍ക്കും നരിച്ചീറുകള്‍ക്കും തിന്ന്കൊഴുത്തു കഴിഞ്ഞുകൂടാന്‍ മാത്രമായി വിശുദ്ധവല്‍ക്കരിക്കപ്പെട്ട സാമൂഹ്യ ബാധ്യതകളായ നീതിപീഠങ്ങള്‍ !!!

വ്യക്തികളായാലും, സ്ഥാപനങ്ങളായാലും, ഭരണവ്യവസ്ഥിതിയായാലും തങ്ങളുടെ പ്രവര്‍ത്തിയുടെ മഹത്വത്തെ അടിസ്ഥാനപ്പെടുത്തിയാണ് ജനാധിപത്യ വ്യവസ്ഥിതിയില്‍ വിലമതിക്കപ്പെടുന്നത്. ആരെങ്കിലും ഒരു അസഭ്യപ്രയൊഗം നടത്തുമ്പോഴേക്കും ഇടിഞ്ഞുതകരുന്ന നട്ടെല്ലാണ് തങ്ങള്‍ക്കുള്ളതെന്ന് വിശ്വസിക്കുന്ന വ്യക്തികളും, സ്ഥാപനങ്ങളും, സംഘടനകളും, ഭരണയന്ത്രത്തിന്റെ വിശുദ്ധകൂലിത്തൊഴിലാളികളും ജനാധിപത്യ സമൂഹത്തിന്റെ നാണക്കേടും ബാധ്യതയുമാണ്. ജനാധിപത്യ സമൂഹം ഭയലേശമില്ലാതെ ഈ ഭീരുത്വത്തിനെതിരെ പരിഹാസം ചൊരിയേണ്ടിയിരിക്കുന്നു. പാരതന്ത്ര്യം മാനികള്‍ക്ക് മൃതിയേക്കാള്‍ ഭയാനകമാണെന്ന് ഈണത്തില്‍ പാടി ദശാബ്ദങ്ങള്‍ ചിലവിട്ടാല്‍ ജനാധിപത്യം ഉണ്ടകളാക്കി വായില്‍ വച്ചുതരുമെന്ന് വിശ്വസിക്കുന്ന വിഢികളായി നാം എന്നും തുടരേണ്ടതില്ല.

എം.വി.ജയരാജന്റെ ജയില്‍ വാസം അഭിമാനകരവും, അന്തസ്സുള്ളതുമായ ഉജ്ജ്വല രാഷ്ട്രീയപ്രവര്‍ത്തനത്തിന്റെ അപൂര്‍വ്വമായ മാതൃകയാണെന്ന് ചിത്രകാരന്‍ വിശ്വസിക്കുന്നു. അര നൂറ്റാണ്ടു മുന്‍പ് “ നായരും പട്ടരും ചേര്‍ന്നാല്‍ തിരുവിതാംകൂര്‍ ഗവണ്മെന്റായി...” എന്നു പ്രസംഗിച്ചതിന്റെ പേരില്‍ രാജാവിന്റെ അപ്രീതിക്ക് പാത്രമായി രാജ്യദ്രോഹിയായി മുദ്രകുത്തി ജയില്‍ വാസം അനുഷ്ടിക്കുകയും ശിക്ഷയനുഭവിച്ച് പുറത്തുവന്ന് തിരു-കൊച്ചി പ്രധാനമന്ത്രിയാവുകയും ചെയ്ത സി.കേശവന്റെ ഉജ്ജ്വല ചരിത്രം എം.വി.ജയരാജനിലൂടെ ആവര്‍ത്തിക്കപ്പെടുന്നു !!!

എം.വി.ജയരാജനെക്കുറിച്ച് സൈബര്‍ മീഡിയയില്‍ പ്രത്യക്ഷപ്പെട്ട ചില പോസ്റ്റുകളിലേക്കുള്ള ലിങ്കുകള്‍ താഴെ ചേര്‍ക്കുന്നു:
ബഹുമാനപ്പെട്ട കോടതി അറിയാന്‍
ജയരാജന് ഐക്യദാര്‍ഢ്യത്തിന്റെ പൂച്ചെണ്ട്
ആരാണ് ശുംഭന്മാർ?
ശുംഭനും കാമ ഭ്രാന്തനും
“ശുംഭചരിതം” (നാടകം)
ജയരാജനെ തടവുമ്പോള്‍ ജഡ്ജിമാര്‍ക്കു വായിച്ചുരസിക്കാന്‍
ശുംഭൻ പ്രയോഗത്തിൽ ജയരാജനെതിരെ ശിക്ഷാവിധി ജയിലിലേക്കുള്ള വഴി (ശുംഭസ്യ ശീഘ്രം)

ഇന്ത്യന്‍ സാംസ്ക്കാരികതയെ വിഴുങ്ങിയ സവര്‍ണ്ണത

2011-11-05T00:07:00.002+05:30

ഇന്ത്യയുടെ രാഷ്ട്രീയ-സാംസ്ക്കാരിക പ്രതീകമായി വിഭാവനം ചെയ്യപ്പെട്ട ദേശത്തിന്റെ മാതൃരൂപം അല്ലെങ്കില്‍ ഭാരതമാതാവെന്ന സ്നേഹ പ്രതീകം എങ്ങിനെ സവര്‍ണ്ണ ഹൈന്ദവ ചരക്കു ദൈവവിഗ്രഹമായി മോര്‍ഫു ചെയ്യപ്പെട്ടു എന്നതിന്റെ നാള്‍വഴിക്കണക്ക് വ്യക്തമാക്കിത്തരുന്ന നല്ലൊരു പോസ്റ്റ് ദില്ലിപോസ്റ്റ് എന്ന വെബ് സൈറ്റില്‍ സുധീഷ് കോട്ടേമ്പ്രം

എഴുതിയിരിക്കുന്നു. ചിത്രകലയെക്കുറിച്ചോ എം.എഫ്.ഹുസൈനെക്കുറിച്ചോ മാത്രമല്ല, നമുക്ക് മനസ്സിലാകാനാകാത്തവിധം നമ്മുടെ ജീവിതത്തില്‍ സന്നിവേശിപ്പിച്ചിരിക്കുന്ന സവര്‍ണ്ണ അധീശതയുടെ രാഷ്ട്രീയ സാംസ്ക്കാരിക ജനിതക വിഷത്തെപ്പോലും കണ്ടെത്താവുന്ന ഉള്‍ക്കാഴ്ച്ച നല്‍കുന്ന ലേഖനമാണത്. ദുര്‍ഗ്രാഹ്യമായ ഭാഷയുടെ കാട് വകഞ്ഞുമാറ്റി ലേഖകന്റെ മനസ്സിനകത്തു പ്രവേശിക്കാനായാല്‍ കാഴ്ച്ചപ്പാടിന്റെ രാഷ്ട്രീയപ്രസക്തി വായനക്കാര്‍ക്കുമുന്നില്‍ തീര്‍ച്ചയായും അനാവരണം ചെയ്യപ്പെടും. പോസ്റ്റിലേക്കുള്ള ലിങ്ക്: ഹുസൈന്‍: പ്രതിയും പ്രതീകവും

പോസ്റ്റില്‍ ചിത്രകാരന്‍ എഴുതിയ കമന്റ് താഴെ കൊടുക്കുന്നു.

chithrakaran:ചിത്രകരന്‍ on November 4, 2011 at 11:40 pm

Your comment is awaiting moderation. നല്ല കാഴ്ച്ചാപ്പാട്… നല്ല ലേഖനം.
രസതന്ത്ര പരീക്ഷണശാലയിലെ രാസസൂത്രങ്ങളിലൂന്നിയുള്ള ദുര്‍ഘടം പിടിച്ച പാതയാണെങ്കിലും
ഇന്ത്യന്‍ സാംസ്ക്കാരികതക്കും കലക്കും രാഷ്ട്രീയത്തിനും വന്നുചേര്‍ന്ന ജീര്‍ണ്ണതയുടെ നാള്‍വഴി കണക്കുകളും, രാസത്വരകങ്ങളും ഇഴപിരിച്ചെടുത്ത് പരിശോധിക്കുന്ന ഈ ലേഖനം കൂടുതല്‍ പേര്‍ വായിക്കാനിടവരട്ടെ എന്ന് ചിത്രകാരന്‍ ആഗ്രഹിക്കുന്നു.

പത്രവിതരണം മുടങ്ങുമ്പോള്‍...

2011-11-02T13:02:00.002+05:30

2011 നവംബര്‍ 1 ന് മാതൃഭൂമി പത്രത്തില്‍ ഒന്നാം പേജില്‍ പ്രസിദ്ധീകരിച്ച ഐ.എന്‍.എസ്.

റീജനല്‍ കമ്മിറ്റിയുടെ പ്രമെയം ഇതോടൊന്നിച്ച് സ്കാന്‍ ചെയ്തു സൂക്ഷിച്ചിരിക്കുന്നു.

ഇന്നലെ-2011 നവംബര്‍ 1 ന് മലയാള മനോരമ പത്രം വിതരണം ചെയ്യപ്പെട്ടില്ല. ഇന്ന് മാതൃഭൂമിയും വിതരണം ചെയ്യപ്പെട്ടിട്ടില്ല.വിതരണം ചെയ്യപ്പെടാത്ത പത്രത്തില്‍ പരസ്യം പ്രസിദ്ധീകരിച്ചതിന്റെ പണം തരാനാകില്ലെന്ന് പറഞ്ഞ് രാവിലെ 7 മണിക്കുതന്നെ ക്ലൈന്റ് ഫോണിലൂടെ അറിയിച്ചിരിക്കുന്നു !! ഇനി പത്ര ഏജന്റുമാരുടെ സമരം എത്ര ദിവസം നീണ്ടു നില്‍ക്കുമോ ആവോ ?

ഒരു വീട്ടില്‍ കേറിവന്ന് ഭിക്ഷ ചൊദിക്കുന്ന ഭിക്ഷക്കാര്‍ക്ക് ഒരു രൂപ കൊടുത്താല്‍ തെറിവിളിയോടെ ഒരു രൂപ തിരിച്ച് എറിഞ്ഞു തരുന്ന കാലത്താണ് പത്ര മുതലാളിമാര്‍ ഏജന്റുമാരെന്ന നീച-അധമ ജാതിയെ സൃഷ്ടിച്ച് , നക്കാപ്പിച്ചക്ക് പത്രവിതരണ ജൊലി ചെയ്യിക്കുന്നത്. അതെ, നമ്മളെല്ലാവരും മാറേണ്ടിയിരിക്കുന്നു... മനുഷ്യരാകേണ്ടിയിരിക്കുന്നു !!!
ഇതേക്കുറിച്ച് ചിത്രകാരന്റെ പഴയൊരു പോസ്റ്റ് : പത്ര ഏജന്റുമാരുടെ സമരം നാം ശ്രദ്ധിച്ചുവോ ?

അച്ഛനമ്മമാരോടുള്ള സ്നേഹം

2011-10-15T16:08:00.003+05:30

യൂ ട്യൂബിലെ വീഡിയോ.

മനുഷ്യ ബന്ധങ്ങളുടെ ലോലമായ ഇതളുകളെ എടുത്തുകാണിക്കുന്ന

ഇത്തരം സിനിമകളൊക്കെ നാം എന്നാണു നിര്‍മ്മിച്ചു തുടങ്ങുക?

ഈ വിഷയത്തിലുള്ള നല്ലൊരു പൊസ്റ്റും വായിക്കാനായി.
ആ പോസ്റ്റിലേക്കുള്ള ലിങ്ക്.

ബഷീര്‍ വള്ളിക്കുന്ന് ചെറ്റയോ തറവാടിയോ ?

2011-10-02T18:56:00.000+05:30

ബ്ലോഗര്‍ ബഷീര്‍ വള്ളിക്കുന്ന് ചെറ്റയാണോ തറവാടിയാണോ എന്ന് ചിത്രകാരനറിയില്ല. ചെറ്റ എന്ന പദത്തിന്റെ അര്‍ത്ഥം തന്നെ ചരിത്രത്തിന്റെ ഒഴുക്കില്‍ വിശകലനം ചെയ്യേണ്ട സാമൂഹ്യ വിഷയവുമാണ്. അങ്ങനെയിരിക്കെ റിപ്പോര്‍ട്ടര്‍ ടി.വി.യുടെ ചെറ്റത്തരം എന്ന തലക്കെട്ടോടെ ബഷീര്‍ വള്ളിക്കുന്ന് ഗദ്യത്തില്‍ എഴുതിയിരിക്കുന്ന പിള്ള മാഹാത്മ്യ കീര്‍ത്തനം അദ്ദേഹത്തിന്റെ ബ്ലോഗിലൂടെ പുറത്തുവന്നിരിക്കുകയാണ് . ബഷീറിന്റെ പോസ്റ്റ് പത്രപ്രവര്‍ത്തനത്തിലെ ചെറ്റത്തരത്തേയും, തറവാടിത്വത്തേയും വേര്‍ത്തിരിച്ചുകാണാനുള്ള മാനദണ്ഢത്തിന്റെ പ്രഖ്യാപനമാണെന്ന് പറയാവുന്നതാണ്. പത്രപ്രവര്‍ത്തനത്തിന്റെ തറവാടിത്വത്തിന്റേയും, മാടമ്പിത്വത്തിന്റേയും കുലീനത്വമുള്ള നിര്‍വചനമാണ് മഹാനായ ബഷീര്‍ വള്ളിക്കുന്നന്‍ “റിപ്പോര്‍ട്ടര്‍ ടി.വി.യുടെ ചെറ്റത്തരം“ എന്ന പിള്ള മാഹാത്മ്യ കീര്‍ത്തനത്തിലൂടെ അവതരിപ്പിച്ചിരിക്കുന്നത്. പത്രപ്രവര്‍ത്തന രംഗത്തേക്ക് കാലുകുത്താനിരിക്കുന്നവര്‍ക്കും, ഏറെക്കാലം നിന്ന് കാലു തളര്‍ന്നവര്‍ക്കും ചെറ്റയാകാതെ കുലീന പത്രപ്രവത്തനത്തിലേക്ക് എങ്ങിനെ എത്തിപ്പെടാം എന്ന് ബഷീര്‍ പോസ്റ്റില്‍ വ്യക്തമാക്കിയിട്ടുണ്ട്. റിപ്പോര്‍ട്ടര്‍ ടി.വിയുടെ പത്രപ്രവര്‍ത്തകന്‍ നടത്തിയ ‘എത്തിക്സില്ലാത്ത’ ഫോണ്‍ സംഭാഷണത്തെ കേസ് സ്റ്റഡിയായി എടുത്തുകൊണ്ടാണ് പത്രപ്രവര്‍ത്തനത്തിലെ ചെറ്റത്തരത്തെ ബഷീര്‍ നഗ്നയാക്കുന്നത്.റിപ്പോര്‍ട്ടര്‍ ടി.വിക്ക് ചെറ്റ സ്ഥാനം കല്‍പ്പിച്ചു നല്‍കാന്‍ ബഷീര്‍ കാണുന്ന ന്യായം “നികേഷ് കുമാറിന്റെ ചാനല്‍ ഇത് വരെ ക്ലച്ച് പിടിച്ചിട്ടില്ല” എന്നതാണ്. “ബഹളങ്ങളോടെ തുടങ്ങിയെങ്കിലും മൂന്നാല് മാസം കഴിഞ്ഞിട്ടും പ്രേക്ഷകന്‍ അബദ്ധത്തില്‍ പോലും എത്തി നോക്കുന്നില്ല ” ... ഇന്നലത്തെ മഴക്കു കൊരുത്ത വര്‍ഷങ്ങളുടെ പാരമ്പര്യമില്ലാത്ത ചാനലാണ് എന്ന യാഥാര്‍ത്ഥ്യവും റിപ്പോര്‍ട്ടാര്‍ ടി.വി.യെ ചെറ്റയാക്കുന്ന ഘടകമാണ്.

ഇത്രയും അധോഗതിയില്‍ കിടക്കുന്ന ചാനലാണ് യുഡീഎഫ്ഫിലെ തറവാടിയും, ഒരു ഭരണ കക്ഷിയുടെ പ്രൊപ്രൈറ്ററും, ഒരു മന്ത്രിയുടെ അച്ഛനും, കൊട്ടാരക്കരയുടെ മുടിചൂടാമന്നനും,അഴിമതിയുടെ പേരില്‍ സുപ്രീം കോടതിയില്‍ നിന്നും ജയില്‍ ശിക്ഷ ഏറ്റുവാങ്ങിയ മുന്‍ മന്ത്രിയുമായ പിള്ളയെ മുഖം മൂടിയൂരി ദ്രോഹിക്കാന്‍ ശ്രമിച്ചിരിക്കുന്നത് ! കുലീന പാരമ്പര്യമുള്ള ജാതി മത പത്രസാമ്രാജ്യത്തിലെ വിശാല വീക്ഷണമുള്ള പത്രപ്രവര്‍ത്തകനായ ബഷീര്‍ വള്ളിക്കുന്ന് ഇതെങ്ങനെ സഹിക്കും ??? എത്തിക്സ് എന്തെന്നറിയാത്ത പത്രപ്രവര്‍ത്തകരെ അതു ബോധ്യപ്പെടുത്താനായി ബഷീര്‍ പോസ്റ്റെഴുതിയതിന്റെ സാഹചര്യം അതാണ്.

പത്രപ്രവര്‍ത്തകര്‍ക്കുണ്ടായിരിക്കേണ്ട കുലീന എത്തിക്സ്

ബഷീറിന്റെ കുലീന എത്തിക്സ് പ്രകാരം പത്രപ്രവര്‍ത്തകര്‍ അഴിമതിക്കാരായ പിള്ളേച്ചന്മാര്‍ റിപ്പോര്‍ട്ട് ചെയ്യരുതെന്ന് പറയുന്ന കാര്യങ്ങള്‍ തലപോയാലും മിണ്ടിപ്പോകരുത്. പത്രപ്രവര്‍ത്തകര്‍ക്ക് അധികാര സ്ഥാനങ്ങളിലിരിക്കുന്നവരോട് (അവര്‍ തടവുപുള്ളികളാണെങ്കില്‍ പോലും) നല്ല വിധേയത്വവും, അനുസരണയും ഉണ്ടായിരിക്കണം. അതുപോലെ സ്ത്രീ പീഢകരായ രാഷ്ട്രീയ ശിങ്കങ്ങള്‍, പെണ്ണുപിടിയന്മാരായ പള്ളീലച്ഛന്മാര്‍, ആത്മീയ-സെക്സ് ബിസ്സിനസ്സുകാരായ സ്വാമിമാര്‍, മനുഷ്യദൈവങ്ങള്‍ എന്നിവരെ കാണുമ്പോള്‍ കുലീന പത്രപ്രവര്‍ത്തകരുടെ അന്തരംഗം അഭിമാനപൂരിതമാകുകയാണു വേണ്ടത്. പിള്ളേച്ചന്മാരും സ്ത്രീ പീഢകരും നല്‍കുന്ന നക്കാപിച്ചകള്‍ , സ്ഥാനമാനങ്ങള്‍ എന്നിവ താണുവണങ്ങി കൈപ്പറ്റി വാലാട്ടി നില്‍ക്കേണ്ട മാടമ്പി വീട്ടിലെ കാവല്‍ക്കാരാണ് പത്രപ്രവര്‍ത്തകര്‍ എന്ന സത്യം വിസ്മരിച്ചുകൂട. അതായത് ഉടമ അടിമ ബന്ധം നിലനില്‍ക്കേണ്ടത് പത്രപ്രവര്‍ത്തക എത്തിക്സിന്റെ സാമ്പത്തിക വിജയത്തിന്റെ അടിത്തറയാണ്. മാത്രമല്ല, അടിമ എതിക്സ് നശിച്ചുപോയാല്‍ ദേശത്തെ ഗവണ്മെന്റുകള്‍ ആടിയുലയാനും രാജ്യം അസ്ഥിരപ്പെടാനും കാരണമാകും. മലയാളിയായ ഒരു ഇംഗ്ലീഷ് പത്രപ്രവര്‍ത്തകന്‍ ഇയ്യിടെ ടു ജി സ്പെക്ട്രം ഇടപാടിനെക്കുറിച്ചുള്ള രഹസ്യാങ്ങള്‍ വകുപ്പ് മന്ത്രിയുടെ താണുകേണുള്ള അപേക്ഷപോലും അവഗണിച്ച് പ്രസിദ്ധീകരിച്ചതിന്റെ എത്തിക്സില്ലായ്മയുടെ ഫലമായി ഉണ്ടായ കഷ്ടപ്പാടുകളും തലവേദനകളും ഏവര്‍ക്കും അറിയാവുന്നതാണല്ലോ.
ബഷീര്‍ വള്ളിക്കുന്നിന്റെ തറവാടിത്വമുള്ള പത്രപ്രവര്‍ത്തക എത്തിക്സിന്റെ ഗുട്ടന്‍സ് മലയാളത്തിന്റെ ഒരേയൊരു സാംസ്ക്കാരിക മുഖപത്രമായ ചന്ദ്രികയില്‍ ഇന്നലെ പ്രസിദ്ധീകരിച്ചു എന്നതുതന്നെ അദ്ദേഹത്തിന്റെ ഉന്നതമായ ചിന്താശേഷിക്കും, മൂല്യബോധത്തിനും, കുലീന എത്തിക്സിനും ലഭിച്ച മഹത്തായ അംഗീകാരമാണെന്ന് പറയാം.

അടിമത്വത്തിന്റേയും, സ്വജന പക്ഷപാതിത്വത്തിന്റേയും, വര്‍ഗ്ഗീയ ചിന്തയുടേയും, അധികാരദല്ലാള്‍ സംസ്ക്കാരത്തിന്റേയും അന്യായ ന്യായങ്ങള്‍ കൊണ്ട് ബൂലോകത്തെധന്യമാക്കുന്ന ബഷീര്‍ വള്ളിക്കുന്നിന് ചിത്രകാരന്റെ അഭിനന്ദനങ്ങള്‍ !!!!

വള്ളിക്കുന്നിന്റെ പോസ്റ്റില്‍ ചിത്രകാരന്‍ എഴുതിയ കമന്റ് താഴെ കൊടുക്കുന്നു:

chithrakaran:ചിത്രകാരന്‍ said...

ഹഹഹഹ..... കൊള്ളാലോ ബഷീര്‍ വള്ളിക്കുന്ന് :) റിപ്പോര്‍ട്ടര്‍ ടി.വിയുടെ ചെറ്റത്തരം കണ്ടുപിടിക്കാനിറങ്ങിയ ബഷീര്‍ വള്ളിക്കുന്നിന്റെ ചെറ്റത്തരമാണല്ലോ ഈ പോസ്റ്റിലൂടെ വെളിവായിരിക്കുന്നത് !! ജയില്‍ നിയമങ്ങളേയും, കോടതികളേയും, ജനങ്ങളേയും കബളിപ്പിച്ചുകൊണ്ട് കുറ്റവാളികളുടെ ഉടമസ്തതയിലുള്ള രാഷ്ട്രീയ പാര്‍ട്ടികള്‍ സര്‍ക്കാര്‍ സംവിധാനങ്ങള്‍ ദുരുപയോഗം ചെയ്ത് ഒരു ജയില്‍ പുള്ളിയായ മാടമ്പിക്ക് ജയില്‍ശിക്ഷക്കു പകരം പഞ്ചനക്ഷത്ര സുഖചികിത്സ നല്‍കുമ്പോള്‍, ആ സത്യം കണ്ടുപിടിച്ച് തെളിവുസഹിതം ജനങ്ങള്‍ക്കു മുന്നില്‍ അവതരിപ്പിച്ച റിപ്പോര്‍ട്ടര്‍ ടിവിയെ ചെറ്റകളായി വിശേഷിപ്പിച്ച് സായൂജ്യമടയുക എന്നതൊക്കെ ചെറ്റത്തരത്തേക്കാള്‍ എത്രയോ നിന്ദ്യമായ മൂല്യച്ഛ്യുതിയാണല്ലോ ബഷീര്‍ വള്ളിക്കുന്നെ !!! ഒരു വയറ്റുപ്പിഴപ്പ് ജേണലിസത്തിന്റെ രൂക്ഷമായ നാറ്റം പിള്ളയെ കുളിപ്പിച്ച് ഡ്രസ്സ്ചെയ്യിപ്പിക്കുന്ന ഈ പോസ്റ്റില്‍ അനുഭവപ്പെടുന്നുണ്ട്.ചിത്രകാരന്റെ ആശംസകള്‍ !!!

October 2, 2011 12:41 PM

“മാരകമായ” അജ്ഞാത രോഗത്തിനടിപ്പെട്ട് ജയില്‍ വാസമെന്ന പേരില്‍ ഒരു മഹാപാവം മുന്‍‌മന്ത്രിയും 300 കോടിയിലേറെ തറവാട്ടു സ്വത്തുള്ള വിനീതനുമായ ഒരു എളിയ രാഷ്ട്രീയ പ്രവര്‍ത്തകന്‍ നക്കാപ്പിച്ച അഴിമതിയുടെ പേരില്‍ ജയിലില്‍ കിടക്കുമ്പോള്‍ പി.എ. മാനേജര്‍,മേക്കപ് ആര്‍ട്ടിസ്റ്റുകള്‍,കാലുതിരുമ്മല്‍ ശിങ്കിടികള്‍ , മൊബൈല്‍ ഫോണുകള്‍, ഏസി, ഫ്രിദ്ജ് മുതലായവ ഉണ്ടാകുമെന്നത് സാധാരണമാണെന്നിരിക്കെ എത്തിക്സില്ലാത്ത ചെറ്റ പത്രപ്രവര്‍ത്തകരും വരിക്കാരില്ലാത്ത ടിവി.ചാനലുകളും വന്ദ്യവയോധികനായ ആ മഹാപാവത്തെ ചതിച്ച് സത്യം ജനങ്ങളോട് വിളിച്ചുപറഞത് അക്ഷന്തവ്യമായ അപരാധം തന്നെയാകുന്നു. ചിത്രകാരന്റെ കമന്റു ഭരണിയിലെ പോസ്റ്റ് ലിങ്ക്: ബഷീര്‍ വള്ളിക്കുന്ന് ചെറ്റയോ തറവാടിയോ ? ചിത്രകാരന്റെ ഈ വിഷയത്തിലുള്ള ഒരു വീഡിയോ പോസ്റ്റ് : പിള്ളയുടെ ജയില്‍ വാസ നാടകം പൊളിഞ്ഞു !റിപ്പോര്‍ട്ടര്‍ ടി.വിയുടെ ഔദ്ദ്യോഗിക നിലപാട് അറിയിക്കുന്ന വീഡിയോ താഴെ:

ചിത്രകാരന്റെ ബ്ലോഗ് ബ്ലോക്കിയിരിക്കുന്നു !

2011-10-01T17:29:00.001+05:30

ഗൂഗിളിനെ ആരോ കൈവിഷം കൊടുത്തു മയക്കിയതാണോ എന്നറിയില്ല, എന്തായാലും ഇന്നലെ വൈകീട്ടുമുതല്‍ (30.9.11) ചിത്രകാരന്റെ പ്രധാന ബ്ലോഗ് സുരക്ഷാകാരണങ്ങളാല്‍ ബ്ലോക്കിയിരിക്കുന്നതായി കാണുന്നു. ജീമെയിലിനോ, ബസ്സിനോ, ഗൂഗിള്‍ പ്ലസ് അക്കൌണ്ടുകള്‍ക്കോ പ്രശ്നമൊന്നുമില്ല. എല്ലാം ഭംഗിയായി വര്‍ക്കുന്നുണ്ട്.
ബ്ലോക്കിയതിനുള്ള കാരണം താഴെ കോപ്പി പേസ്റ്റുന്നു :
...............................................................................................

What happened when Google visited this site?

Of the 5 pages we tested on the site over the past 90 days, 2 page(s) resulted in malicious software being downloaded and installed without user consent. The last time Google visited this site was on 2011-09-30, and the last time suspicious content was found on this site was on 2011-09-30.Malicious software is hosted on 1 domain(s), including vermondprime.ru/.
1 domain(s) appear to be functioning as intermediaries for distributing malware to visitors of this site, including thattakam.com/.
This site was hosted on 1 network(s) including AS15169 (Google Internet Backbone).

Has this site acted as an intermediary resulting in further distribution of malware?

Over the past 90 days, chithrakarans.blogspot.com did not appear to function as an intermediary for the infection of any sites.

Has this site hosted malware?

No, this site has not hosted malicious software over the past 90 days.

How did this happen?

In some cases, third parties can add malicious code to legitimate sites, which would cause us to show the warning message.

...................................................................................
2009 ല്‍ ചിത്രകാരന്റെ ബ്ലോഗുകള്‍ ഒന്നു ബ്ലോക്കിക്കിട്ടുന്നതിനു വേണ്ടി തിരുവനന്തപുരം ആസ്ഥാനമായുള്ള ചില ജാതി-മത-വര്‍ഗ്ഗീയവാദികളായ ബ്ലോഗര്‍മാര്‍ സംഘടിതമായി നന്നായി ശ്രമിച്ചിരുന്നു. ചിത്രകാരന്റെ ബ്ലോഗുകളുടെ സ്ക്രീന്‍ഷോട് അടക്കം ചേര്‍ത്ത് , ആ ബ്ലോഗിനെക്കുറിച്ച് ഗൂഗിളിനു പരാതി അയക്കേണ്ട വിധം വിവിധ സ്റ്റെപ്പുകളായി വിവരിച്ച് ഒരു ജാതിക്കോമരം ബ്ലോഗ് പോസ്റ്റ് പബ്ലീഷ് ചെയ്യുകയും, ചിത്രകാരനെതിരെ കേസെടുക്കാന്‍ പരമാവധി അദ്ധ്വാനിക്കുകയും ചെയ്തിരുന്നു. അതിന്റെ ഫലമായി ഗൂഗിള്‍ ബ്ലോഗ് അക്കൌണ്ട് പൂട്ടിക്കാനായില്ലെങ്കിലും, വേഡ് പ്രസ്സിലുണ്ടായിരുന്ന അക്കൌണ്ട് അവര്‍ക്ക് പൂട്ടിക്കാനായിരുന്നു. കൂടാതെ കേസ് എടുപ്പിച്ച് കുറച്ച് വിഷമതകള്‍ സൃഷ്ടീക്കാനുമായി. എന്നാല്‍ ആ സംഘടിത പ്രവര്‍ത്തനത്തിന്റെ കുറച്ചു താമസിച്ചുള്ള ഇഫക്റ്റാണോ ഇപ്പോഴത്തെ ബ്ലോക്ക് എന്ന് ചിത്രകാരന്‍ സംശയിക്കുന്നു.
ചിത്രകാരന്റെ ബ്ലോഗിനെ ബാധിച്ചിരിക്കുന്ന പ്രശ്നവും പ്രശ്ന പരിഹാരത്തിനുള്ള വഴിയും പിടിയില്ലാത്തതിനാല്‍ ഇങ്ങനെയൊരു പ്രശ്നമുണ്ടായിരിക്കുന്നു എന്ന് ബൂലൊഗരെ അറിയിച്ചുകൊള്ളുന്നു. ചിത്രകാരന്റെ ബ്ലോഗിലെ ഭാഷ മാന്യതകൂടിയ സവര്‍ണ്ണ തങ്കലിപികളാക്കിക്കൊണ്ട് ഒരു പരിഹാരം താല്‍പ്പര്യപ്പെടുന്നില്ല. ഏതു ജാതിമത വര്‍ഗ്ഗീയ കൊമരങ്ങള്‍ക്ക് ഭ്രാന്തെളക്യാലും, ബ്ലോഗ് സ്ഥിരമായി ബ്ലോക്യാലും കുഴപ്പമില്ല. ഭാഷ മാറ്റുന്ന പ്രശ്നമില്ല :) ഇതൊന്നുമല്ല പ്രശ്നമെങ്കില്‍, .... വല്ല വൈറസ് പ്രശ്നവുമാണെങ്കില്‍... സാങ്കെതിക ജ്ഞാനമുള്ള സുഹൃത്തുക്കള്‍ ഒരു കൈ സഹായിക്കുക !

പിള്ളയുടെ ജയില്‍ വാസ നാടകം പൊളിഞ്ഞു !

2011-09-29T22:09:00.000+05:30

പത്രപ്രവര്‍ത്തനത്തില്‍ ചരിത്രപരമായ ഒരു നാഴികക്കല്ലായി ബാലകൃഷ്ണപ്പിള്ളയുടെ അസ്ലീല ജയില്‍ വാസം ഒരു ഫോണ്‍ സംഭാഷണത്തിലൂടെ ജനങ്ങള്‍ക്ക് മുന്നിലവതരിപ്പിച്ചതില്‍ ചിത്രകാരന്റെ വക ഒരു ലോഡ് അഭിവാദ്യങ്ങള്‍ റിപ്പോര്‍ട്ടര്‍ ടിവിക്കും ലേഖകനും അര്‍പ്പിച്ചുകൊള്ളുന്നു. നമ്മുടെ നാട് ഇത്രയും കാലം നന്നാകാതെ തുടരുന്നതിനുള്ള കാരണം നമ്മുടെ രാഷ്ട്രീയക്കാരാണെന്നത് നമ്മുടെ ഒരു തെറ്റിദ്ധാരണയാണ്. വാസ്തവത്തില്‍ നമ്മുടെ പത്രമാധ്യമങ്ങളുടെയും പത്ര പ്രവര്‍ത്തകരുടേയും എച്ചില്‍ പട്ടി സ്വഭാവത്തിന്റെ ഭാഗമായാണ് നമ്മുടെ നാട് സാംസ്ക്കാരികമായും, രാഷ്ട്രീയമായും, സാമൂഹ്യമായും ഇങ്ങനെ അധോഗതി പിടിച്ചു കിടക്കാന്‍ ഇടവന്നത് എന്നാണു സത്യം. ആ പത്രപ്രവര്‍ത്തക എച്ചില്‍ പട്ടി പാരമ്പര്യത്തേയാണ് റിപ്പോര്‍ട്ടര്‍ ടി.വി. തകര്‍ത്തുകളഞ്ഞിരിക്കുന്നത്.കാരണം, നമ്മുടെ രാഷ്ട്രീയ പ്രവര്‍ത്തകരുടെ സകല നിയമവിരുദ്ധ, ജനവിരുദ്ധ പ്രവര്‍ത്തനങ്ങളെക്കുറിച്ചും പത്രക്കാര്‍ക്ക് പകല്‍ വെളിച്ചത്തിലെന്നപോലെ അറിവുള്ളതാണ്. പക്ഷേ, രാഷ്ട്രീയ നേതാക്കളുടെ വ്യക്തിബന്ധം പരമപ്രധാനമായ പിടിപാടായും ജേണലിസ്റ്റെന്ന സീനിയോറിറ്റിയായും കൊണ്ടുനടക്കുന്ന പത്രപ്രവര്‍ത്തകര്‍ സത്യങ്ങളെ ജനങ്ങളില്‍ നിന്നും മറച്ചുപിടിക്കുന്നത് രാഷ്ട്രീയക്കാരോട് തങ്ങളുടെ വിശ്വസ്തതയായി കണക്കാക്കി കൊണ്ടുനടക്കുകയായിരുന്നു ഇതുവരെ. വിഷ്വല്‍ മീഡിയയുടെ ആവിര്‍ഭാവം വരെ പറഞ്ഞ വാര്‍ത്ത വിഴുങ്ങാനുള്ള പ്രത്യേക ആനുകൂല്യം തന്നെ പത്രക്കാര്‍ രാഷ്ട്രീയക്കാര്‍ക്കു നല്‍കിയിരുന്നു. പത്രമുതലാളിമാര്‍ അധികാരത്തിലും വാണിജ്യ വ്യവസായങ്ങളിലും സാംസ്ക്കാരിക രംഗത്തും നിര്‍ണ്ണായക സ്വാധീനശക്തിയായത് രാഷ്ട്രീയക്കാരുമായുള്ള ഈ സ്വകാര്യബാന്ധവം കാരണമായിരുന്നല്ലോ. മത്സരത്തിന്റെ ഫലമായാണെങ്കിലും, ജനങ്ങളുടെ കണ്ണും, കാതും, ബോധവുമായി ജാഗ്രതായ്യോടെയും സത്യസന്ധതയോടെയും പ്രവര്‍ത്തിക്കേണ്ടവരാണ് പത്രമാധ്യമങള്‍ എന്ന സത്യം ഉയര്‍ത്തിപ്പിടിക്കാന്‍ റിപ്പ്പൊര്‍ട്ടര്‍ ടി.വിക്കായത് ടെക്നോളജിയുടെ വളര്‍ച്ചകൊണ്ടും, ജനങ്ങളുടെ ഭാഗ്യക്കോണ്ടും സംഭവിച്ച നന്മയാണ്. എല്ലാ പത്ര മാധ്യമങ്ങളും ഇനി നിലനില്‍ക്കണമെങ്കില്‍ റിപ്പോര്‍ട്ടര്‍ ടി.വി.കാണിച്ച പൊതുജന പ്രതിബദ്ധത ഉയര്‍ത്തിപ്പിടിക്കേണ്ടി വരും. ആ നല്ല നാളെയുടെ സൂചന ആദ്യം നല്‍കിയതിന് ചിത്രകാരന്‍ റിപ്പോര്‍ട്ടര്‍ ടി.വിയോട് നന്ദി പറയുന്നു...!!!മാടമ്പികളും, ജന വിരുദ്ധരും, കള്ളന്മാരും, സ്ത്രീപീഢകരും , സ്വജന പക്ഷപാതികളും, രാജ്യദ്രൊഹികാളുമായ രാഷ്ട്രീയക്കാരെ ജനങ്ങള്‍ക്കുമുന്നില്‍ തനി സ്വരൂപം അവതരിപ്പിച്ച് അവരുടെ കള്ള വിഗ്രഹങ്ങളെ തകര്‍ത്തു കളയേണ്ടത് ജനാധിപത്യത്തിന്റെ വളര്‍ച്ചക്ക് അനിവാര്യമായ പ്രവര്‍ത്തനമാണ്. രാഷ്ട്രീയ നേതാക്കളുടേയും ഉദ്ധ്യോഗസ്ത ദുഷ്പ്രഭുക്കളുടേയും മനസാക്ഷി സൂക്ഷിപ്പുകാരായി വിളങ്ങുന്ന ജേണലിസ്റ്റുകളെ വിചാരന ചെയ്യാന്‍ സൈബര്‍ മാധ്യമങ്ങളിലെ എഴുത്തുകാരും മുന്നൊട്ടുവരേണ്ടതുണ്ട്.നികേഷ് കുമാറിന്റെ ബസ്സ് പോസ്റ്റിലേക്കുള്ള ലിങ്ക്.

മല്ലിക സാരാഭായ് Mallika Sarabhai

2011-09-27T22:21:00.000+05:30

തീര്‍ച്ചയായും കണ്ടിരിക്കേണ്ടത്....
"നരസിംഹ"മോഡിയുടെ നരാധമ മുഖം വെളിവാക്കുന്ന, മല്ലിക സാരാഭായിയുടെ അഭിമുഖം. ഇന്ത്യാവിഷന്‍ മുഖാമുഖം പരിപാടിയില്‍...

ലൈംഗീക വിദ്യാഭ്യാസവും മനോഹരമാക്കാം !

2011-09-26T20:05:00.002+05:30

കോലഞ്ചേരിയില്‍ കൃസ്ത്യാനികളുടെ ജാതിവഴക്ക് !

2011-09-19T09:25:00.000+05:30

വെള്ളക്കാരായ മരപ്പണി-ആശാരിമാരുടെ ദൈവമായ യേശു കൃസ്തു പ്രത്യേകിച്ച് ജാതിചിന്തയൊന്നുമില്ലാത്ത ഒരു മഹാപാവം ദൈവമാണെന്ന് നമുക്കേവര്‍ക്കുമറിയാം.(ചിത്രകാരന്റെ പ്രത്യേക ഗുണനിലവാര സര്‍ട്ടീഫികറ്റ് നേടിയ അപൂര്‍വ്വം ദൈവങ്ങളിലൊരാളാണ് മൂത്താശാരി ജോസപ്പിന്റെയും മറിയച്ചേടത്തിയുടേയും മോനായി കാലിത്തൊഴുത്തില്‍ അവതരിച്ച ജനകീയ ദൈവമായ യേശു കൃസ്തു എന്നതും ഇത്തരുണത്തില്‍ പ്രസ്താവ്യമാണ്.ആശാരിചെക്കന്റെ പുരാണം കൂടുതലറിയാന്‍ വായിക്കുക: ചാണ്ടിച്ചേട്ടന്റെ ദുസ്വപ്നം... ..നര്‍മ്മ ഭാവന)

മട്ടലില്‍ ഉടുമ്പിനെ കെട്ടിയതുപോലെ കുരിശില്‍ കിടന്നുറങ്ങുന്ന ശീലക്കാരനായ ഈ ആശാരിച്ചെക്കന്‍ രണ്ടായിരം വര്‍ഷം മുന്‍പാണ് മനുഷ്യന്മാരെ രക്ഷിക്കാനായി ഇറങ്ങിപ്പുറപ്പെട്ട് കുരിശിലേറ്റപ്പെട്ടതെന്ന് പറയപ്പെടുന്നു. സായിപ്പിന്റെ ഔദ്യോഗിക മതമായി കേരളത്തിലെത്തിയ നസ്രാണികളുടെ നാഥനായ ഈ വിശ്വകര്‍മ്മജന്‍ ഇപ്പോള്‍ ഭീകരമായ ഒരു ആത്മീയ പ്രതിസന്ധി അഭിമുഖീകരിക്കുകയാണെന്നു പറയാം. ജാതീയതയുടെ സ്വന്തം ഭ്രാന്താലയമായ കേരളത്തില്‍ ദൈവപുത്രനായ ആശാരിച്ചെക്കനും ജാതിയില്‍ ചേരാതിരിക്കാനാകില്ലല്ലോ. സ്ഥലത്തെ ശൂദ്രന്മാരുടെ പാരമ്പര്യം അവകാശപ്പെടുന്നവരും പെരുന്ന ആസ്ഥാനമായി ലോകത്തിന്റെ തലസ്ഥാനം അനുവദിച്ചു കിട്ടണമെന്ന് ആഗ്രഹിക്കുന്നവരുമായ കൃസ്ത്യാനികളിലെ നായര്‍ ലോബിയും, ഇന്ത്യന്‍ കല-ശാസ്ത്ര-വിജ്ഞാന മണ്ഡലത്തിന്റെ കുലപതികളായിരുന്ന വിശ്വകര്‍മ്മജരുടെ പിന്മുറക്കാരില്‍ നിന്നും കൃസ്തുമതം സ്വീകരിച്ചവരുടെ അവര്‍ണ്ണ വിഭാഗവും കോലഞ്ചേരിയിലെ ഒരു പള്ളിയുടെ പേരിലുള്ള അവകാശ തര്‍ക്കം ജാതി വഴക്കായും, ജാതി തിരിഞ്ഞ നിരാഹാര സമരമായും ആഘോഷിച്ചു കൊണ്ടിരിക്കുകയാണ്.

യേശു നായരും, യേശു ആശാരിയുമായി വേര്‍ത്തിരിഞ്ഞ് യേശുകൃസ്തുവിന്റെ പേരില്‍ പുരോഹിതര്‍ നടത്തുന്ന ഈ അധികാര വഴക്ക് വിശ്വാസത്തിന്റെ അസ്ലീലമാനങ്ങള്‍ അനാവരണം ചെയ്യുന്ന പേക്കൂത്താകുമ്പോള്‍ യേശുകൃസ്തുവിന്റെ ജാതി സര്‍ട്ടീഫികറ്റ് ആശാരിനായര്‍ എന്ന് പുനര്‍ നാമകരണം ചെയ്ത് പ്രശ്നം പരിഹരിക്കാന്‍ സര്‍ക്കാര്‍ ഇടപെടണമെന്ന് ചിത്രകാരന്‍ ആവശ്യപ്പെടുന്നു. ഈ പൌരോഹിത്യമൈരുകള്‍ക്ക് വിശ്വാസമല്ല, സ്വത്താണ് ദൈവം, അതിന്റെ ഇന്ത്യന്‍ അടയാളമായ ജാതിയും!!!

മോഡിമാരെ നിര്‍വീര്യമാക്കാന്‍ !

2011-09-18T19:11:00.000+05:30

ഗൂഗിള്‍ ബസ്സില്‍ രാവണനെക്കുറിച്ചു നടന്ന ചര്‍ച്ചയില്‍ ചിത്രകാരനെഴുതിയ കമന്റ് താഴെ കൊടുക്കുന്നു. (ബസ്സ് ലിങ്ക്)
(കൈപ്പള്ളിയുടെ ബസ് ലിങ്ക്)
പാവം രാവണന്‍ !!! നിര്‍ദ്ദോഷിയായ രാവണനെ ഇനിയും വൃഥാനിഗ്രഹിക്കുന്നതിനു മുന്‍പ് രാവണനെ നിര്‍മ്മിച്ച രാഷ്ട്രീയത്തെക്കുറിച്ച് നാം അറിയെണ്ടിയിരിക്കുന്നു. മന്ദ ബുദ്ധിയും, ഷണ്ഢനും, ഒന്നിനും കൊള്ളാത്ത ഒരു അന്തോണിച്ചനുമായ ശ്രീരാമേട്ടനെ മഹാനായ പോരാളിയായി ചിത്രീകരിച്ച് പര്‍വ്വതീകരിക്കുന്നതിനായി പതിവില്‍കവിഞ്ഞ എണ്ണം തലകളും കയ്യുകളും ഫെവീക്കോളുകൊണ്ട് ഒട്ടിച്ചു ചേര്‍ത്ത് രാവണന്റെ ശരീരം വികലമാക്കേണ്ടതും, അത്ഭുതകരമാക്കേണ്ടതും ബ്രാഹ്മണ സവര്‍ണ്ണ രാഷ്ട്രീയത്തിന്റെ വര്‍ഗ്ഗീയ അജണ്ടയുടെ ആവശ്യമായിരുന്നു. ശ്രീരാമേട്ടന്‍ പപ്പായ പറിക്കുന്നതുപോലെ രാവണേട്ടന്റെ തലയെടുത്താല്‍ രാവണന്‍ നിസാരനായിരുന്നെന്നും, നിസാരനായിരുന്ന രാവണനെ കൊന്ന രാമെട്ടന്‍ വെറുമൊരു കൊട്ടേഷന്‍ സംഘത്തലവനായിരുന്നെന്നും ആര്‍ക്കും പിടികിട്ടും. ഇങ്ങനെ കയ്യോടെ പിടിക്കപ്പെട്ടാല്‍ വിഗ്രഹവല്‍ക്കരിക്കേണ്ട ശ്രീരാമേട്ടന്റെ വിഷ്ണുരൂപം തകര്‍ന്നു വീഴും. അതൊഴിവാക്കാനാണ് രാവണനെ ശിവ ഭക്തനാക്കുന്നതും, ശിവനേ പോലും മന്ത്രം കൊണ്ട് വിറപ്പിക്കുന്നവനായും ബിംബവല്‍ക്കരിക്കുന്നത്. സത്യത്തില്‍ ശ്രീലങ്കയിലെ ബൌദ്ധ ധര്‍മ്മ വിശ്വാസികളെ തോല്‍പ്പിച്ച് ലങ്ക അധീനതയിലാക്കുന്ന ബ്രാഹ്മണ അഭിലാക്ഷത്തിന്റെ പ്രതീകാത്മക സാക്ഷാത്ക്കാരമാണ് രാവണ നിഗ്രഹത്തിലൂടെ സവര്‍ണ്ണ വര്‍ഗ്ഗീയത ഈ പുരാണ കഥയില്‍ കുത്തിത്തിരുകി ചേര്‍ത്തിരിക്കുന്നത്. ഇതിലെ വാനരപ്പട സവര്‍ണ്ണ മതത്തിലേക്ക് അടിമകളായി പ്രവേശിച്ച ദക്ഷിണേന്ത്യയിലെ ആദിവാസി ജനവിഭാഗങ്ങളായിരിക്കണം. വാനരന്മാരെന്ന് ഇകഴ്ത്തിയിട്ടുപോലും ആത്മാഭിമാനത്തിനു വൃണപ്പെടാതിരുന്ന ഈ ജനങ്ങളാണ് പിന്നീട് ശൂദ്രരായും, (കേരളത്തില്‍ നായരായും) സവര്‍ണ്ണ ഹിന്ദുമതത്തിന്റെ പതാകവാഹകരായി ദക്ഷിണേന്ത്യയില്‍ കാണപ്പെടുന്നത്.

രാവണനെ വെറുതെ വിടാന്‍ ഈ അറിവു മതിയാകുമെന്നു തോന്നുന്നു. ശ്രീരാമേട്ടനിലാണ് തിന്മയുടെ വര്‍ഗ്ഗീയ വിഷം സംഭരിച്ചുവച്ചിരിക്കുന്നത്. ആ ബിംബം വിമര്‍ശനത്തിലൂടെ തകര്‍ക്കുന്നതിലൂടെ മാത്രമേ മോഡിമാരെ നിര്‍വീര്യമാക്കാനാകു

സൈബര്‍ മീറ്റിന് അഭിനന്ദനങ്ങള്‍ !

2011-09-11T22:58:00.001+05:30

കുടുംബത്തിലുണ്ടാക്കി വിളംബിയ ഒരു ഓണസദ്യ പോലെ ഹൃദ്യവും ഊഷ്മളവുമായ ഒരു അനുഭവമായെന്നാണ് കണ്ണൂര്‍ സൈബര്‍ മീറ്റിനെക്കുറിച്ച് ചിത്രകാരനു തോന്നുന്നത്. ഗള്‍ഫില്‍ നിന്നും അല്‍പ്പദിവസത്തെ ലീവിനു വരുന്ന പ്രവാസിയുടെ സ്നേഹ പ്രകടനത്തിന്റേയും, ആത്മാര്‍ത്ഥതയുടേയും നിര്‍മ്മലതയാണ് ഈ സൈബര്‍ മീറ്റിനെ അസാധാരണമാക്കുന്നത്. സൈബര്‍ മീറ്റ് സെപ്തമ്പര്‍ 11 നായിരുന്നെങ്കിലും, തലേ ദിവസത്തെ ബ്ലോഗര്‍മാരുടെ സമാഗമമായിരുന്നു മീറ്റിനെ ഹൃദ്യവും അവിസ്മരണീയവുമാക്കിയ ഘടകം എന്നു പറയാം. കണ്ണൂരില്‍ നിന്നും 25 കി.മീ. ദൂരെയുള്ള പ്രകൃതിരമണീയമായ മാടായിപ്പാറയില്‍ ഒത്തുചേര്‍ന്ന് പിറ്റേ ദിവസത്തെ സൈബര്‍ മീറ്റിനായി ഓണസദ്യയൊരുക്കിയ നാടകക്കാരന്‍ ബിജു കൊട്ടിലയുടെ നേതൃത്വത്തിലുള്ള സംഘത്തിന്റെ കൈപ്പുണ്യം 70ഓളം ബ്ലോഗര്‍മാരും, 20 ഓളം ബ്ലോഗ് പഠിതാക്കളും വിഭവ സമൃദ്ധിയില്‍ സുഭിക്ഷമായി ആസ്വദിച്ചുണ്ടു.
ബ്ലോഗര്‍മാര്‍ മീറ്റു തുടങ്ങി, പരസ്പ്പരം പരിചയപ്പെട്ടും, സ്വന്തം കഴിവുകള്‍ മടികൂടാതെ പ്രകടിപ്പിച്ചും മീറ്റ് സജീവമാക്കുമ്പോഴും, ആതിഥേയര്‍ മാടായിപ്പാറയില്‍ നിന്നും ഭക്ഷണ പാത്രങ്ങള്‍ തട്ടാതേയും, മുട്ടാതേയും, തുളുമ്പാതേയും മീറ്റ് ഊട്ടുപുരയിലെത്തിക്കാനുള്ള ശ്രമത്തിലായിരുന്നു. കാരണം കണ്ണൂരില്‍ നിന്നും മാടായിപ്പാറയിലേക്കുള്ള വഴിയില്‍ പലയിടത്തും റോഡ് ഇല്ലെന്നുതന്നെ പറയാം. ഈ സംഗതികളൊന്നുമറിയാതെ, ... ചിത്രകാരനടക്കമുള്ള ബ്ലോഗര്‍മാര്‍ ഷെരീഫ് കൊട്ടാരക്കരയുടെ കാര്‍മ്മികത്വത്തില്‍ മീറ്റിന്റെ സൌഹൃദ കൂട്ടായ്മയില്‍ ലയിച്ചിരിക്കുകയായിരുന്നു. മുരളി മുകുന്ദന്‍ ബിലാത്തിപ്പട്ടണത്തിന്റെ മാജിക്ക് രഹസ്യ അനാവരണം എല്ലാവര്‍ക്കും നന്നേ ബോധിച്ചു. ഓണ സദ്യക്കുശേഷം ഡി.പ്രദീപ് കുമാര്‍ ബ്ലോഗ് പഠിതാക്കള്‍ക്ക് ബ്ലോഗ് പാഠങ്ങള്‍ ലളിതമായി വിവരിച്ചുകൊടുക്കുകകൂടി ചെയ്തതിനു ശേഷമാണ് മീറ്റ് അവസാനിച്ചത്. വൈകുന്നേരം വരെ എല്ലാവരേയും പിടിച്ചു നിര്‍ത്തണമെന്നുണ്ടായിരുന്നെങ്കിലും, കണ്ണൂരില്‍ നിന്നും മാഹിവരെ റോഡില്ലാത്ത അവസ്ഥയാണെന്നതിനാല്‍ നേരത്തെ മീറ്റ് അവസാനിപ്പിക്കാന്‍ നിര്‍ബന്ധിതമാകുകയായിരുന്നു.കുറെ ബ്ലോഗര്‍മാരെ നേരില്‍ കാണാനായി എന്ന വ്യക്തിപരമായ സന്തോഷം ഈ മീറ്റിന്റെ നേട്ടമാണ്. വ്യക്തിപരമായ കാരണങ്ങളാല്‍ കണ്ണൂര്‍ സൈബര്‍ മീറ്റിന്റെ സംഘാടകത്വത്തില്‍ നിന്നും ചിത്രകാരന് ഒഴിഞ്ഞു നില്‍ക്കേണ്ടി വന്നതില്‍ സംഘാടകര്‍ക്കുണ്ടായ വിഷമത്തിന് ക്ഷമ ചോദിച്ചുകൊണ്ടും, മീറ്റ് ഭംഗിയായി നടത്തിയ സംഘാടകരെ അഭിനന്ദനങ്ങാളറിയിച്ചും തല്‍ക്കാലം നിര്‍ത്തട്ടെ !

മറ്റു പോസ്റ്റുകളിലേക്കുള്ള ലിങ്കുകള്‍ :

http://entevara.blogspot.com/2011/09/blog-post.htmlhttp://sheriffkottarakara.blogspot.com/2011/09/blog-post_13.htmlhttp://rkdrtirur.blogspot.com/2011/09/blog-post_11.htmlhttp://ponmalakkaran.blogspot.com/2011/09/blog-post.htmlhttp://mini-minilokam.blogspot.com/2011/09/blog-post.htmlhttp://vidhuchoprascolumn.blogspot.com/2011/09/blog-post_12.htmlhttp://easajim.blogspot.com/2011/09/blog-post_14.htmlhttp://chithrablogam.blogspot.com/2011/09/blog-post.htmlhttp://viswamanavikamvayanasala.blogspot.com/http://rejipvm.blogspot.com/2011/09/blog-post_12.htmlhttp://commentjar.blogspot.com/2011/09/blog-post.htmlhttp://shalabamai.blogspot.com/2011/09/blog-post.html

ഇന്ത്യക്കാരന്‍ എന്തുകൊണ്ടു നന്നാകുന്നില്ല ?

2011-08-27T11:18:00.001+05:30

കമ്പ്യൂട്ടറും, മറ്റു സാങ്കേതിക സൌകര്യങ്ങളും ഇത്രയും വികസിച്ചിട്ടും, ആരൊക്കെയാണ് ഇന്ത്യക്കാര്‍, ഓരോരുത്തരും എവിടെയാണ്, എന്തു ചെയ്യുന്നു, അവര്‍ ഓരോരുത്തരുടേയും സാംബത്തികവും ശാരീരികവും, സാമൂഹികവുമായ അവസ്ഥ എന്താണ്, എന്നതൊന്നും ഒരു ജനാധിപത്യ രാഷ്ട്രമായിട്ടും നമ്മുടെ ഗവണ്മെന്റിന്റെ ചിന്താവിഷയമേ ആകുന്നില്ല. ഭിക്ഷ ലഭിക്കാനുള്ള കണക്കു പുസ്തകമായ റേഷന്‍ കാര്‍ഡേ പലര്‍ക്കും ലഭിച്ചിട്ടൂള്ളു. സത്യത്തില്‍ ജനത്തിന്റെ എണ്ണം പോലും അധികാരികള്‍ ചമയുന്ന പൊലാടിമക്കള്‍ക്കറിയില്ല.

ജനങ്ങളെ പിഴിഞ്ഞും, ഓടിച്ചു പിടിച്ചു പിടിച്ചു പരിച്ചും പണമുണ്ടാക്കി, രഷ്ട്രീയക്കാരനും, ഉദ്ദ്യോഗസ്തരും വീതം വച്ചെടുക്കുന്ന സംവിധാനത്തേയാ‍ണ് ഇന്ത്യയില്‍ സര്‍ക്കാര്‍ എന്ന പദത്തിന്റെ അര്‍ത്ഥം. ഇതിനെ ജനാധിപത്യമെന്ന് പ്രചരിപ്പിക്കാന്‍ പത്ര മാധ്യമങ്ങള്‍ക്കും മറ്റു മീഡിയകള്‍ക്കും കോര്‍പ്പറേറ്റുകല്‍ക്കും, കോണ്ട്രാക്റ്റര്‍മാര്‍ക്കും, ജാതി-മതമേലാളന്മാര്‍ക്കും, കൂട്ടിക്കൊടുപ്പുകാര്‍ക്കും, വിദേശ ഏജന്റുമാര്‍ക്കും, മാസപ്പടിപോലെ ജനങ്ങളെ കൊള്ളയടിച്ച പണവും രാജ്യത്തിന്റെ പൊതു സ്വത്തും അവിഹിത താല്‍പ്പര്യങ്ങളോടെ നിയമവിധെയമാക്കി എത്തിച്ചുകൊടുക്കുക എന്നതാണ് ഭരണത്തെക്കുറിച്ചുള്ള നമ്മുടെ കാഴ്ച്ചപ്പാട്.

അധികാരം ജനങ്ങളെ ബഹുമാനിക്കാതിരിക്കുമ്പോള്‍... ഗൌനിക്കാതിരിക്കുമ്പോള്‍.... ജനങ്ങള്‍ ഭരിക്കപ്പെടേണ്ടവര്‍ മാത്രമാണെന്ന് വിശ്വസിക്കുമൊള്‍ സംഭവിക്കുന്ന സ്വാഭാവികമായ മൂല്യത്തകര്‍ച്ചയുടെ പെരുമാറ്റ വൈകല്യങ്ങളായെ ജനങ്ങളുടെ നിയമ ലംഗനത്തെ കാണേണ്ടതുള്ളു. മൂല്യബൊധം ഉയര്‍ത്തുന്ന സാംസ്ക്കാരിക, സമ്മൂഹ്യ വളര്‍ച്ചനേടുക, കോടതിമുതല്‍ സാധാ പോലീസുകാരന്‍ വരെ... രാഷ്ട്രീയ പ്രവര്‍ത്തകര്‍ മുതല്‍ മന്റ്രിയും രഷ്ട്രപതിയും വരെയുള്ളവര്‍ ഒരോ ഇന്ത്യന്‍ പൌരനേയും വ്യക്തി ബഹുമാനത്തോടെ മാത്രം അഭിമുഖീകരിക്കുകയും, അഭിസംബോധന ചെയ്യുകയും അതില്‍ ആത്മാര്‍ത്ഥത പുലര്‍ത്താനുള്ള സാംസ്ക്കാരികവും ജനാധിപത്യപരമായ അവബോധം നേടുക എന്നതൊക്കെയാണ് ആദ്യം ചെയ്യെണ്ടത്. അതിനു നമുക്ക് തടസ്സമാകുന്നത് പഴയ രാജഭരണത്തേയും, നാടുവാഴിത്തത്തേയും, മാടമ്പിത്വത്തെയും മഹത്വപ്പെറ്റുത്തുന്ന സാംസ്ക്കാരിക രാഷ്ട്രീയ ബിംബങ്ങള്‍ സത്യസന്ധമായ ചരിത്ര പുനസ്ഥാപനത്തിലൂടെ തല്ലിയുടക്കുക എന്നതാണ്. ദാര്‍ശനികരും, ചരിത്രകാരന്മാരും, ഭാഷാഗവേഷകരും, സാഹിത്യകാരന്മാരും, രാഷ്ട്രമീമാംസകരും, മനശ്സാസ്ത്രജ്ഞരും, സാ‍മൂഹ്യപ്രവര്‍ത്തകരും , രാഷ്ട്രീയപ്രവര്‍ത്തകരും ആ സാംസ്ക്കാരിക നവോത്ഥാന പ്രവര്‍ത്തനത്തില്‍ അണിചേരേണ്ടതുണ്ട്. അതിനായി ദാര്‍ശനിക തേജസ്സുകള്‍ നമ്മുടെ സമൂഹത്തില്‍ ഉദിച്ചുയരേണ്ടതുണ്ട്. നമ്മുടെ മനസ്സിന്റെ അടിമത്വ ബ്ലോക്കുകള്‍ തകര്‍ക്കുക എന്നതാണ് നാം ചെയ്യേണ്ട ആദ്യപാപം !!!! ഇഷ്ടമല്ലെങ്കിലും നാം അതു ചെയ്തേ പറ്റു. ഇദി ചിത്രകാര ചിന്തകള്‍ ! :)

ബസ്സില്‍ നടക്കുന്ന ഒരു ചര്‍ച്ചയില്‍ ചിത്രകാരന്‍ എഴുതിയ കമന്റാണ് മുകളില്‍ ചേത്തത്. ബസ്സിലേക്കുള്ള ലിങ്ക്.

ക്ഷേത്രത്തിലൊളിപ്പിച്ച നിധിയും വിശുദ്ധകള്ളന്മാരും (വീഡിയോ)

2011-08-24T00:34:00.001+05:30

അവശിഷ്ട രാജവാലുകളും ക്ഷേത്രത്തില്‍ സൂക്ഷിച്ച കൊള്ള നിധിയും !

2011-08-21T20:13:00.000+05:30

ജഗതിയുടെ റിയാലിറ്റി ഷൊ ചിന്തകള്‍ jagathi sreekumar

2011-08-16T22:18:00.000+05:30

ജഗതി ശ്രീകുമാര്‍ റിയാലിറ്റി ഷോകളെക്കുറിച്ച് ഏഷ്യനെറ്റ് സ്റ്റാര്‍ സിങ്ങര്‍ വേദിയില്‍ വച്ച് തന്റെ ചിന്തകള്‍ പങ്കുവച്ചതിന്റെ വീഡിയോ സൂക്ഷിക്കാനായാണ് ഈ പോസ്റ്റ്. ഇതേക്കുറിച്ച് നല്ലൊരു ബ്ലോഗ് പോസ്റ്റ് കണ്ടു. അതിന്റെ ലിങ്ക് ഇവിടെ ചേര്‍ക്കുന്നു : മഞ്ച് സ്റ്റാര്‍ സിങ്ങര്‍ : തീ തുപ്പി ജഗതി, വടി കൊടുത്ത് അടിവാങ്ങി രഞ്ചിനി.

വളിയിടുന്ന പപ്പനാവന്‍ !!

2011-08-12T18:06:00.004+05:30

പപ്പനാവന്‍ വളിവിട്ടതാകും !!! അതോ പപ്പനാവന്റെ പേരില്‍ തന്ത്രിയോ, ശാന്തിയൊ, രാജ്യമില്ലാത്ത രാജാവോ, വെറ്റില പ്രശ്നവും, സ്വര്‍ണ്ണ പ്രശ്നവും, ദേവപ്രശ്നവും നടത്തുന്ന മറ്റു വല്ല മന്ത്രവാദികളുമൊ വളി വിട്ടതാകുമോ ദേവേച്ഛയായി വ്യാഖ്യാനിക്കപ്പെട്ടിരിക്കുക ? വിഢിത്തവും, ഭ്രാന്തും സമൂഹത്തില്‍ ഇത്രമേല്‍ ബഹുമാനിക്കപ്പെടുന്നുണ്ടെന്നത് സഹതാപകരം തന്നെ. !!!

ശിവസെന പോലുള്ള വര്‍ഗ്ഗീയ സംഘടനകള്‍ക്ക് ഭക്തരുടെ പിന്തുണയോടെ ഈശ്വരേച്ഛക്കെന്ന പേരില്‍ ഗവണ്മെന്റിനേയും, കോടതിയേയും ധിക്കരിച്ച് വളരാനും അടുത്ത തവണയെങ്കിലും അനന്തപുരിയില്‍ താമര വിരിയിപ്പിക്കാനുമൊക്കെയുള്ള താന്ത്രികമായ ഗൂഢാലോചന ഈ വളിക്ക് പിന്നില്‍ നടന്നിട്ടുണ്ടെന്ന് നിശ്ചയം. വെറും മന്ത്രവാദികളായ പുരോഹിതന്മാരെയും, മാടമ്പികളായ രാജ കിങ്കരന്മാരേയും രാജ്യത്തിന്റെ ക്ഷേത്ര സ്വത്തുക്കളില്‍ നിന്നും ആട്ടിയകറ്റാന്‍ നാം ഇതുവരെ ഒന്നും ചെയ്യാതിരുന്നതുകൊണ്ടുള്ള ജനങ്ങളെ പൊട്ടന്‍‌മാരാക്കുന്ന ദേവന്റെ അഭിപ്രായങ്ങളാണ് വളികളായി ജ്യോത്സ്യന്മാരില്‍ നിന്നും പുറത്തേക്കു വന്നുകൊണ്ടിരിക്കുന്നത് !!! ഈ വിഢി നാടകം അവസാനിപ്പിക്കാന്‍ ജനങ്ങള്‍ ഉണരുകയല്ലാതെ മറ്റു മാര്‍ഗ്ഗമില്ല.

കുണ്ടിയിലൊട്ടിക്കുന്ന സവര്‍ണ്ണ ജാതി വാലുകള്‍ !

2011-08-10T11:51:00.001+05:30

സവര്‍ണ്ണതയോട് ഏറ്റുമുട്ടി പരാജയപ്പെട്ട പുരോഗമന പ്രസ്ഥാനങ്ങളുടെ പടിയിറക്കം മനസ്സിലാക്കി, അധോഗമന പ്രസ്ഥാനത്തിന്റെ എച്ചില്‍ പടയായ സവര്‍ണ്ണ ഹൈന്ദവ ജാത്യാഭിമാനികള്‍, ഇടക്കാലത്ത് ഉപേക്ഷിച്ചിരുന്ന നായര്‍, മേനൊന്‍,നമ്പ്യാര്‍, കുറുപ്പ്, വര്‍മ്മ, പൊതുവാള്‍, മാരാര്‍, വെള്ളോടി, ഏറാടി, അടിയോടി, ഇളയത്, ....തുടങ്ങിയ ശൂദ്ര ജാതിവാലുകള്‍ (സര്‍നൈം എന്ന് സംസ്കൃത പദം) തങ്ങളുടെ ആനത്തഴമ്പുള്ള കുണ്ടികളില്‍ നട്ടെല്ലിന്റെ ഭാഗമായി തോന്നത്തക്കവിധം എറാള്‍ഡെറ്റുകൊണ്ട് ഒട്ടിച്ച് സിനിമ,റേഡിയോ, ടീവി തുടങ്ങിയ മാധ്യമങ്ങളിലും, പത്രങ്ങള്‍ ആനുകാലികങ്ങള്‍ തുടങ്ങിയ അച്ചടി മാധ്യമങ്ങളിലും കൂത്താടിക്കൊണ്ടിരിക്കുകയാണല്ലോ. മാധ്യമ രംഗത്തേക്ക് പ്രവേശിക്കുന്നവര്‍ക്ക് ജാതിവാലില്ലെങ്കില്‍ കഴിവു കുറഞ്ഞവരെന്നു ഗണിക്കപ്പെടും എന്നൊരു ധാരണ പരത്തും വിധം ശക്തമാണ് ശൂദ്രവാലന്മാരുടെ വാല്‍ പ്രദര്‍ശനവും വാലിന്റെ പേരിലുള്ള സംഘം ചേരലും, സ്വജന പക്ഷപാതങ്ങളും, വര്‍ഗ്ഗീയ ചര്‍ച്ചകളും.

ജനാധിപത്യത്തിന്റേയും, ആവിഷ്ക്കാര സ്വാതന്ത്ര്യത്തിന്റേയും, അവസര സമത്വത്തിന്റേയും നൂതന മാധ്യമമായ ഇന്റെര്‍ നെറ്റില്‍ പരംബരാഗത മാധ്യമങ്ങളിലുള്ളതിനേക്കാള്‍ ജാത്യാഭിമാനികള്‍ വാലുവച്ച് തങ്ങളുടെ കുടുംബമാഹാത്മ്യത്തിന്റെ തണല്‍ വിരിച്ചു നില്‍ക്കുന്നത് കാണാനാകുന്നു എന്നത് വിദ്യാസംബന്നര്‍ക്കിടയിലെ സാമൂഹ്യ-സാംസ്ക്കാരികബോധത്തിന്റെ അധപ്പതനമായി മനസ്സിലാക്കേണ്ടതുണ്ട്. ന്യൂമീഡിയയില്‍ അവസര സമത്വത്തിലധിഷ്ടിതമായ ആവിഷ്ക്കാര സ്വാതന്ത്ര്യം മനസ്സിലാക്കി സാധാരണ ജനം ഇടിച്ചുകേറാനാരംഭിച്ചാല്‍ ഇപ്പോള്‍ ജാതിവാലന്മാരായി പരിലസിക്കുന്ന പൊങ്ങച്ച ശുംഭന്മാര്‍ക്ക് ജാതിവാലു മാത്രമല്ല, നട്ടെല്ലുകൂടി മൂടോടെ അറുത്തെറിഞ്ഞ് ഓടേണ്ടിവരും.

പഞ്ചാരയടിക്കാന്‍ നെറ്റിലെ സൌഹൃദ കൂട്ടായ്മകളില്‍ കയറുന്ന ചീളു ചെക്കന്മാരും, ജാതിവാലുള്ള അച്ചികളും മാധ്യമ രംഗത്ത് ഫാഷനായിമാറിയിരിക്കുന്ന ജാതിവാല്‍ ആസനത്തിലെ ആലിന്റെ തണലായി ഉപയോഗപ്പെടുത്തുന്നതും കാണാവുന്നതാണ്. ചാറ്റാനും പാറ്റാനും വന്നവരാണെങ്കിലും ജാതിവാല്‍ കുണ്ടിയില്‍ തിരുകി വക്കുന്നതോടെ ഇവറ്റകള്‍ക്കും എഴുത്തുകാരുടെ (ബ്ലോഗര്‍,ബസ്സര്‍) കുലീനത ലഭിക്കുന്നുണ്ടത്രേ !!!

സവര്‍ണ്ണ ജാതിപ്പേര്‍ എന്നാല്‍ ബ്രാഹ്മണ ബീജം അധാര്‍മ്മികമായി ഒലിച്ചിറങ്ങിയ വഴികളെക്കുറിച്ചുള്ള ഭൂതകാലത്തിന്റെ ഓര്‍മ്മപ്പെടുത്തലുകളാണെന്ന് സമൂഹം അംഗീകരിക്കുകതന്നെ ചെയ്യും. ന്യൂമീഡിയ തന്നെയായിരിക്കും അതിന്റെ വേദിയാകുക.

ഗൂഗിള്‍ ബസ്സില്‍ നടക്കുന്ന ജാതി മത വര്‍ഗ്ഗീയതകള്‍ക്കെതിരായ ചര്‍ച്ചയുടെ ഭാഗമാണ് ഈ പോസ്റ്റ്.
ബസ്സിലേക്കുള്ള ലിങ്ക് :
1) പ്രദീപിന്റെ ബസ്സ് പോസ്റ്റ്.
2) ചിത്രകാരന്റെ ബസ്സ് പോസ്റ്റ്
3) എം.എസ്.പട്ടേരി മെക്കാട്ടിന്റെ ബസ്സ്

കുപ്പീല്‍ കേറാത്ത നിരീശ്വര ദൈവം ! ഫോട്ടോ കോപ്പി ചിത്രകല !!

2011-08-05T23:34:00.002+05:30

ഗൂഗിള്‍ ബസ്സില്‍ രവിവര്‍മ്മയുടെ ഫോട്ടോകോപ്പി ചിത്രകലയെ ഇന്നും നെനെഞ്ചിലേറ്റുന്ന ബസ്സര്‍മാരെ പ്രകോപിപ്പിക്കാന്‍ എഴുതിയ ഒരു കമന്റ് ഇവിടേയും സൂക്ഷിച്ചവക്കുന്നതാണ്.
ഉന്മേഷിന്റെ ബസ്സിലേക്കുള്ള ലിങ്ക്.
ഈ പ്രപഞ്ചം നിലനില്‍ക്കാന്‍ ഒരു ഒടേതമ്പുരാന്റെ ആവശ്യമില്ലെന്ന് ദൈവനിഷേധികള്‍ വിശ്വാസികളെ ബോധ്യപ്പെടുത്താന്‍ പാടുപെടുന്നതിനു ഏതാണ്ട് തുല്യമായ പ്രയത്നമാണ് ആധുനിക ചിത്രകലയെക്കുറിച്ച് രവിവര്‍മ്മയുടെ (ക്രാഫ്റ്റിന്റെ) ആരാധകരെ ബോധ്യപ്പെടുത്താനും ആവശ്യമായി വരുന്നത്. ഫലം നാസ്തി !!! കാരണം, ചിത്രങ്ങളെക്കുറിച്ച് അറിയുന്നവര്‍ തങ്ങളുടെ സൌന്ദര്യശാസ്ത്രത്തെ സ്വരൂപിക്കുന്നത് 25000 വര്‍ഷം മുന്‍പുള്ള ചില ഗുഹാചിത്രത്തില്‍ നിന്നും തുടങ്ങി അതിന്റെ രൂപപരിണാമങ്ങളിലൂടെ ആധുനികതയിലെത്തുമ്പോള്‍.... ക്രാഫ്റ്റ് വിശ്വാസി നൂറുകൊല്ലം മുന്‍പുള്ള തന്റെ ചിത്ര ജ്ഞാനവുമായി ആധുനിക ചിത്രകലയെ താരതമ്യം ചെയ്ത് പുതിയ ചരക്ക് കൊള്ളില്ലെന്ന് തീരുമാനിച്ചു കഴിഞ്ഞിരിക്കും !!
കടലിനെ നമുക്ക് ഉള്ളം കയ്യില്‍ കോരിയെടുക്കാം, ഒരു ഗ്ലാസ്സിലോ, ബക്കറ്റിലോ, വലിയ ടാങ്കിലോ കോരിയെടുക്കാം. പക്ഷേ, കടലിന്റെ സമഗ്രത എത്ര വലിയ പാത്രം കൊണ്ടു കടല്‍ മുക്കിയെടുത്താലും ലഭിക്കാത്തതുപോലെ... എത്ര ആവര്‍ത്തി പറഞ്ഞാലും വിശ്വാസിക്ക് ദൈവമില്ലെന്ന് ബോധ്യപ്പെടാത്തതുപോലെ... മുന്നോട്ടു നീങ്ങും. കടലിനെ നമ്മുടെ മനസ്സുകൊണ്ട് ഉള്‍ക്കൊള്ളാനെ കഴിയു. അതുതന്നെ, കടലിനെക്കുറിച്ചുള്ള നമ്മുടെ അറിവിന്റെ വ്യാപ്തിയോളമേ കഴിയു... പിന്നേയും കടല്‍ പുറത്തുകിടന്നെന്നുവരും. എന്നാലും നമ്മുടെ അറിവുവച്ച് കടലിനെ നമുക്ക് ഉള്‍ക്കൊള്ളാനാകും. പാത്രങ്ങളില്‍ ഇല്ലാത്ത കടലിനെ മനസ്സുകൊണ്ട് ഉള്‍ക്കൊള്ളാന്‍ നമ്മുടെ മനസ്സ് നമ്മള്‍ സ്വയം വലുതാക്കുകയേ നിവൃത്തിയുള്ളു.

(ഹമ്പട ഞാനേ.... ഇതാണു ബക്കറ്റിലില്ലാത്ത ചിത്രകല, കുപ്പീല്‍ കേറാത്ത നിരീശ്വര ദൈവം ! :)) ചര്‍ച്ച തുടരട്ടെ.... ഇതൊരു തമാശയായി കണ്ടാല്‍ മതി.

ശശി തരൂരിന്റെ ശിഖണ്ഡി ബുദ്ധന്‍ !

2011-08-05T23:14:00.000+05:30

ശശിതരൂരിന്റെ പുസ്തകത്തിന്റെ മലയാള പരിഭാഷ പുറത്തിറക്കിയ ഡി.സി.ബുക്സ് കവര്‍ചിത്രമായി നല്‍കിയ ബുദ്ധന്റെ ചിത്രത്തെക്കുറിച്ചുള്ള ഒരു വിയോജിപ്പ് പോസ്റ്റ് വായിച്ചപ്പോള്‍ ചിത്രകാരനു തോന്നിയ അഭിപ്രായം താഴെ ചേര്‍ക്കുന്നു.
ആ പോസ്റ്റിലേക്കുള്ള വഴിക്കായി ലിങ്കില്‍ അമര്‍ത്തുക:

ഡീസീ ബുക്സും ശ്രീബുദ്ധനും

chithrakaran:ചിത്രകാരന്‍ said...: ഹഹഹഹ...... ഏതോ ഷാംബു പരസ്യത്തിനു മോഡല്‍ ചെയ്ത ഒരു ഹലുവ പെണ്ണിന്റെ തലയും ശരീരവും ഇയര്‍ പ്ലഗ്ഗും മൊബൈല്‍ ഫോണുമായിരിക്കുന്ന ബുദ്ധനെ ചിത്രീകരിക്കുന്നതില്‍ ബുദ്ധന്റെ ദര്‍ശനങ്ങളോടുള്ള അനാദരവൊന്നും കാണേണ്ടതില്ലെന്നാണ് ചിത്രകാരന്റെ മതം. ഇന്ത്യ എന്ന പുരാതന സംസ്ക്കാരത്തെ ചിത്രീകരിക്കാന്‍ ബുദ്ധനോളം ദാര്‍ശനിക ഗരിമയുള്ള മറ്റൊരുരൂപമില്ലെന്ന് ഡി.സി.ബുക്ക്സുകാരന്‍ തിരിച്ചറിയുന്നു എന്നതുതന്നെ ചരിത്ര സാംസ്ക്കാരികമായ പ്രബുദ്ധതയാണ്. പിന്നെ, ശശി തരൂരിനെപ്പോലൊരു ശ്രേഷ്ടനായ ആധുനിക ഇന്ത്യക്കാരന്റെ ചിന്തകളെ കോറിയിടാന്‍ പുരാതനത്വത്തില്‍ നിന്നുള്ള ആധുനിക തരൂരിലേക്കുള്ള ഒരു സമഗ്രത ചിത്രീകരിക്കപ്പെടുന്നത് ഉചിതവുമാണ്. ഇന്ത്യന്‍ പ്രധാനമന്ത്രിയൊക്കെയായി തിരഞ്ഞെടുക്കപ്പെടാന്‍ പൈതൃകവാലുകളുടേയോ ചരടുവലികളുടേയോ സഹായം ആവശ്യമില്ലാത്ത യോഗ്യനായ വ്യക്തിയാകുമ്പോള്‍ തന്റെ പുസ്തകം വില്‍ക്കപ്പെടാനുള്ള മാര്‍ക്കറ്റിങ്ങ് ബോധവും ശശിതരൂരിനുണ്ടാകുമെന്ന് നാം പ്രതീക്ഷിക്കേണ്ടതാണ്.(ആശയം അയാളുടെതാകാനാണു സാധ്യത) ഫലത്തില്‍ കവര്‍ ചിത്രം ചിത്രകാരനു ക്ഷ്യ ബോധിച്ചിരിക്കുന്നു.താങ്കളുടെ വീക്ഷണത്തിന് ബുദ്ധധര്‍മ്മത്തെ മതപരമല്ലാതെ ഒരു ദര്‍ശനമായി കണ്ട് ബഹുമാനിക്കുന്ന ആത്മാര്‍ത്ഥമായ വാക്കുകള്‍ എന്ന നിലയില്‍ തീര്‍ച്ചയായും പ്രസക്തിയുണ്ട്. പക്ഷേ, അതിനേക്കാള്‍ പ്രാധാന്യം ഇന്ത്യയായി ബുദ്ധനെ കണ്ടു എന്ന പ്രസാധകന്റെ പ്രബുദ്ധതക്ക് നല്‍കേണ്ടിയിരിക്കുന്നു. ഈ കവര്‍ചിത്രം ശ്രദ്ധയില്‍ കൊണ്ടുവന്ന താങ്കളോട് നന്ദിയും സന്തോഷവും അറിയിക്കട്ടെ.; August 3, 2011 10:24 AM

സുനിത കൃഷ്ണന്റെ നന്മ കേരളത്തിലേക്കും !

2011-07-31T21:36:00.001+05:30

ഇന്നത്ത മാതൃഭൂമി(31.7.11)സണ്ഡേ സപ്ലിമെന്റില്‍ സുനിതാകൃഷ്ണന്റെ കേരളത്തിലേക്കുള്ള വരവിന്റെ മുന്നോടിയായുള്ള ഒരു അഭിമുഖ ലേഖനം വായിച്ചു.ലേഖനം സ്കാന്‍ ചെയ്ത് ഇവിടെ സൂക്ഷിച്ചിരിക്കുന്നു. സുനിത കൃഷ്ണനെക്കുറിച്ചുള്ള ചിത്രകാരന്റെ മുന്‍ പോസ്റ്റ് : സുനിത കൃഷ്ണന്‍ എന്ന മഹതി

കണ്ണൂരിലെ “കണ്ടി“കള്‍

2011-07-29T00:23:00.000+05:30

മലയാളത്തില്‍ കണ്ണൂരിനു മാത്രമായ ധാരാളം വാക്കുകളും പ്രയോഗങ്ങളുമൊക്കെയുണ്ടെന്നത് ഇപ്പോള്‍ മലയാളികള്‍ക്ക് ഏതാണ്ട് അറിവുള്ള കാര്യമാണ്‍. അതിലൊന്നാണ് “കണ്ടി“ പടി, പടിപ്പുര, കഴല്‍, ഇല്ലിപ്പടി, ഗേറ്റ് തുടങ്ങിയ പദങ്ങള്‍ കൊണ്ട് ഉദ്ദേശിക്കുന്ന ഏതാണ്ട് അതേ സംവിധാനം തന്നെയാണ് കണ്ണൂരില്‍ കണ്ടിയെന്ന പേരില്‍ അറിയപ്പെടുന്നത്. ഈ സംവിധാനങ്ങളൊന്നുമില്ലെങ്കിലും, പഴയ കണ്ണൂര്‍ക്കാരന് വീട്ടുപറമ്പിലേക്കുള്ള പ്രവേശന ഭാഗത്തെ കണ്ടി എന്നുതന്നെയാണ് വിളിക്കുക എന്നും ഓര്‍ക്കണം.

“നീങ്ങള്‍ കണ്ടിക്കിലിരിക്കുന്നത് ഞാന്നലെ കണ്ടിനി” എന്നു കേട്ടാല്‍ അത്ര വിഷമിക്കാനൊന്നുമില്ലെന്ന് കണ്ടിയെ പരിചയപ്പെടുന്നതുവരെ മനസ്സിലാക്കാന്‍ പ്രയാസമുണ്ടായേക്കാം.(നിങ്ങാള് വീട്ടുപടിക്കല്‍ നില്‍ക്കുന്നത് ഞാന്‍ ഇന്നലെ കണ്ടിരുന്നു)

വീട്ടു പറമ്പിലേക്കുള്ള പ്രവേശന മാര്‍ഗ്ഗത്തില്‍ നാല്‍ക്കാലികള്‍ക്ക് പ്രവേശിക്കാന്‍ വിഷമമുള്ള രീതിയില്‍ കല്ലുകൊണ്ട് നിര്‍മ്മിക്കുന്ന ഒരുതരം ഗേറ്റും, ഇരിപ്പിടവുമാണ് കണ്ടി. പൊതുവെ ഉയര്‍ന്നിരിക്കുന്ന പറമ്പിലേക്ക് കുറച്ച് സ്റ്റെപ്പുകളും, മുകളിലായി ഇരിപ്പിടത്തോടുകൂടിയ കണ്ടികള്‍ മനോഹരമായ കാഴ്ച്ചയും, പുരുഷ പ്രജകളുടെ വെടിപറഞ്ഞിരിക്കാനുള്ള സംവിധാനങ്ങാളുമാണ്. സാമൂഹ്യമായ ബന്ധങ്ങള്‍ക്കും, സൌഹൃദങ്ങള്‍ക്കും, അഭിമാനബോധത്തിനുമെല്ലാം നിലപാടുതറയായി നിന്നിരുന്ന പഴയകാലത്തെ കണ്ടികള്‍ ഇപ്പോള് ജനം പൂര്‍ണ്ണമായി ഉപേക്ഷിച്ച അവസ്ഥയിലാണ്. പരിഷ്ക്കാരവും മതിലുകളും വന്നതോടെ ചില പഴയ വീടുകള്‍ക്കു മുന്നില്‍ മാത്രമേ കണ്ടികള്‍ നിലനില്‍ക്കുന്നുള്ളു. ചിത്രകാരന്റെ ചെറിയ “ഠ”വട്ടത്തില്‍ നിന്നും അങ്ങനെ കിട്ടിയ ചില കണ്ടികളുടെ ചിത്രങ്ങള്‍ താഴെ ചേര്‍ക്കുന്നു. വിശേഷപ്പെട്ട കണ്ടികളൊന്നും ഇക്കുട്ടത്തിലുണ്ടാകില്ല, കൂടുതല്‍ കണ്ടികള്‍ കണ്ടിട്ടുള്ളവര്‍ ഭാവിയിലേക്കായി ചിത്രങ്ങള്‍ സംഭാവന ചെയ്താന്‍ ചിത്രകാരന്റെ പരാമര്‍ശം ഇടയാകുമെന്ന പ്രതീക്ഷയിലാണ്‍ സിംഹവാലന്‍ കുരങ്ങുപോലെ അപ്രത്യക്ഷമാകുന്ന കണ്ടികളുടെ ഏതാനും ചിത്രങ്ങള്‍ പോസ്റ്റുന്നത്.

മുസ്ലീങ്ങളും എഴുത്തശ്ശന്‍ സമൂഹവും കേരളത്തെ രക്ഷിക്കുക !

2011-07-27T18:01:00.000+05:30

കേരളത്തിലെ എക്കാലത്തേയും ഉല്‍പ്പതിഷ്ണുക്കളും, പുരോഗമന വാദികളുമായിരുന്ന ഈഴവരും (തിയ്യര്‍) കൃസ്ത്യാനികളും ഹൈന്ദവീകരിക്കപ്പെട്ട് സവര്‍ണ്ണ ശൂദ്രവര്‍ഗ്ഗീയതയായ നായര്‍ ജാതീയതയുടെ കീഴാളത്വത്തില്‍ അഭയം പ്രാപിച്ചിരിക്കുകയാണല്ലോ. സാമ്പത്തികമായ മാനദണ്ഢങ്ങള്‍ മാത്രം മുന്‍‌നിര്‍ത്തിയുള്ള ഇവര്‍ അഭയം പ്രാപിച്ച സവര്‍ണ്ണ അടിമത്വത്തിന്റെ നുകങ്ങള്‍ കേരളത്തെ മൂല്യരഹിതമായ ഭാവിയിലേക്കാണു നയിക്കുക എന്നതില്‍ സംശയമില്ല.കമ്മ്യൂണിസ്റ്റ് പാര്‍ട്ടികളുടെ സവര്‍ണ്ണവല്‍ക്കരണത്തോടെ അണികള്‍ ചെങ്കൊടികളേന്തിയ സംഘി സഹയാത്രികരായിരിക്കുന്നു എന്നുകൂടി ഓര്‍ക്കുമ്പോഴാണ് നമ്മുടെ സാംസ്ക്കാരികവും രാഷ്ട്രീയവുമായ അധപ്പതനത്തിന്റെ ആഴം മനസ്സിലാക്കാനാകു. ഈഴവരുടേയും, കൃസ്ത്യാനികളുടേയും ആത്മഹത്യാപരമായ ഈ നിലപാടുകളെ തിരുത്താനുള്ള ആത്മബോധവും, ആത്മാഭിമാനവും ചരിത്രത്തില്‍ നിന്നും ചികഞ്ഞെടുത്ത് കേരളത്തിന്റെ പ്രബുദ്ധത വീണ്ടെടുക്കാന്‍ ഇനി എഴുത്തശ്ശന്‍ സമുദായവും, മുസ്ലീങ്ങളും മുന്നിട്ടിറങ്ങേണ്ടിവരുമെന്നു തോന്നുന്നു. കാരണം, ഇവരുടെ കൈകളിലേ ഇപ്പോള്‍ ദുരഭിമാനങ്ങളുടെ കറുത്ത ശീലകൊണ്ട് മൂടിക്കെട്ടാത്ത കാഴ്ച്ചശക്തിയുള്ളു.

ഇന്നത്തെ മാതൃഭൂമി പത്രത്തില്‍(27.7.2011) അഖില കേരള എഴുത്തശ്ശന്‍ സമാജത്തിന്റെ വൈസ് പ്രസിഡന്റ് പ്രൊ.ടി.ബി.വിജയകുമാറും, ജനറല്‍ സെക്രട്ടറി അഡ്വ.പി.ആര്‍.സുരേഷും “ശ്രീനാരായണ ഗുരുവിനെ അപമാനിക്കുന്ന പാഠപുസ്തക ഭാഗങ്ങള്‍ നീക്കം ചെയ്യണമെന്ന്” ആവശ്യപ്പെട്ടുകൊണ്ടുള്ള പ്രസ്താവന പുറപ്പെടുവിച്ചിരിക്കുന്നു.

ക്രിസ്ത്യാനികളെ കേരളത്തില്‍ നിന്നും ഓടിക്കണമെന്ന് ആഹ്വാനം ചെയ്യുന്ന “ക്രിസ്തുമത ചേദനം” എഴുതിയ ശൂദ്രന്മാരുടെ ഒരേയൊരു നവൊത്ഥാന ആത്മീയഅത്താണിയായ ചട്ടമ്പിസാമിയെ കേരളത്തിന്റെ പുരോഗമപ്രസ്ഥാനത്തിന്റെ മാനവിക പ്രകാശമായ ശ്രീനാരായണഗുരുവിന്റെ ചുമലില്‍ കയറ്റിവക്കാനുള്ള സവര്‍ണ്ണ അജണ്ടയുടെ ഭാഗമായുള്ള പാഠപുസ്തകങ്ങളിലൂടെയുള്ള ചരിത്ര തമസ്ക്കരണത്തെ ചെറുക്കേണ്ടിയിരിക്കുന്നു.

കുണ്ടലിനി പനി kundalini Hysteria

2011-07-25T19:01:00.001+05:30

പന്നിപ്പനി, എലിപ്പനി, ചിക്കങുനിയ പനി, കുണ്ടലിനി പനി .....
പണ്ടുകാലത്ത് സവര്‍ണ്ണ ഹിന്ദുമതം വ്യാപകമായി ഉപയൊഗിച്ചിരുന്നതും, ഇപ്പോള്‍ ബിസിനസ്സ് സ്വാമിമാര്‍ തങ്ങളുടെ സാമ്രാജ്യം വിസ്തൃതിപ്പെടുത്തുന്നതിനായി പ്രചരിപ്പിച്ചു വരുന്നതുമായ കുണ്ടലിനി പനിയുടെ ഒരു വീഡിയോ.
ഹിസ്റ്റീരിയ വിക്കിയില്‍

കെ.എം.ഷാജി, പ്രബുദ്ധ രാഷ്ട്രീയക്കാരന്‍ K.M.Shaji

2011-07-24T12:13:00.000+05:30

നമുക്ക് ധാരാളം രാഷ്ട്രീയക്കാരുണ്ട്. എല്‍.ഐ.സി., കെ.എസ്.എഫ്.ഇ ഏജന്റുമാരെപ്പോലെയും...ബ്രോക്കര്‍മാരെപ്പോലെയും, താന്തോന്നി മാടമ്പികളെപ്പോലെയും, തനി കൂട്ടിക്കൊടുപ്പ് മാമന്മാരെപ്പോലെയും, പക്ക കച്ചകപടക്കാരെപ്പോലെയുമൊക്കെ ആടിത്തിമര്‍ക്കുന്ന എട്ടുകാലിമമ്മൂഞ്ഞുകളാണ് 90 ശതമാനവും. 98 ശതമാനം എട്ടുകാലി മമ്മൂഞ്ഞു പോലുള്ള ജനങ്ങളില്‍ നിന്നും കൂടുതല്‍ മെച്ചപ്പെട്ട രാഷ്ട്രീയ നേതാക്കള്‍ ഉണ്ടാകുമെന്നും പ്രതീക്ഷിക്കാനാകില്ലല്ലോ. ജാതി-മത-വര്‍ഗ്ഗീയ ശക്തികളുടേയും , വിദേശത്തുനിന്നും ഇറക്കുമതി ചെയ്ത ഉത്പ്പന്നങ്ങളായ ജനാ‍ധിപത്യം, സോഷ്യലിസം, കമ്മ്യൂണിസം തുടങ്ങിയ ആശയങ്ങളുടെ മൊത്ത/ചില്ലറവില്‍പ്പന കച്ചവടക്കാരുടെ പാര്‍ട്ടികളുടെയും ഇരുട്ടുപരത്തുന്ന കമ്പോള സാന്നിദ്ധ്യത്തില്‍ നിന്നും വ്യത്യസ്തമായി അത്യപൂര്‍വ്വമായി ആത്മാ‍ര്‍ത്ഥതയും സത്യസന്ധതയും കൈമുതലായുള്ള രാഷ്ട്രീയ പ്രവര്‍ത്തകരും ഒരു വെള്ളിരേഖപോലെ നമ്മുടെ സമൂഹത്തില്‍ രാഷ്ട്രീയ ചക്രവാളങ്ങളില്‍ പ്രത്യക്ഷപ്പെടാറുണ്ട്. അത്തരമൊരു വെള്ളിരേഖയാണ് കേരളത്തിലെ മാപ്ലാരുടെ സംഘടനയായ മുസ്ലീം ലീഗിന്റെ യുവജന വിഭാഗത്തെ നയിക്കുന്നയാളും കണ്ണൂരിലെ അഴിക്കോട് മണ്ഢലത്തിന്റെ എം.എല്‍.എ.യുമായ കെ.എം.ഷാജി എന്ന ധീരനായ രാഷ്ട്രീയപ്രവര്‍ത്തകന്‍.

നസ്രാണികളുടെ സവര്‍ണ്ണ കേരള കോണ്‍ഗ്രസ്സുകളിലും, കാക്കമാ‍രുടെ കാക്കത്തൊള്ളായിരം പാര്‍ട്ടികളിലും, സവര്‍ണ്ണ സംഘികള്‍ക്കിടയിലും വിവരമുള്ളവര്‍ക്ക് സ്ഥാനമുണ്ടാകില്ലല്ലോ എന്ന മുന്‍‌വിധിയാല്‍ ഈ വക വര്‍ഗ്ഗീയ കക്ഷികളുടെ പ്രസംഗങ്ങളും, വാര്‍ത്തയുമൊക്കെ വഴിവക്കത്തെ സര്‍വ്വരോഗ സംഹാരകമായ മയിലെണ്ണ വില്‍പ്പനക്കാരുടെയും പാംബാട്ടി ഏലസ്സു വില്‍പ്പനക്കാരുടേയും വിഢികളെ പാട്ടിലാക്കാനുള്ള അഭ്യാസപ്രകടനങ്ങാളായേ ഇത്രയും കാലം ചിത്രകാരന്‍ കാരുതിയിരുന്നുള്ളു. എന്നാല്‍, ഒന്നോ രണ്ടോ വര്‍ഷം മുന്‍പ് കണ്ണൂരിലെ സ്റ്റേഡിയം കോപ്ലക്സിനു മുന്നിലെ വര്‍ഗ്ഗീയ പച്ച സ്റ്റേജില്‍ നിന്നും ഒരു വിദ്ധ്വാന്‍ ഇസ്ലാമിക വര്‍ഗ്ഗീയതക്കെതിരെ സംസാരിക്കുന്നത് ... പരമാവധി അവഗണിച്ചിട്ടുപോലും ശ്രദ്ധയില്‍ പെട്ടു. അങ്ങനെയാണ് കെ.എം.ഷാജി എന്ന മനുഷ്യനെ കാണുന്നതും കേള്‍ക്കുന്നതും. കേരളത്തിലെ പുരോഗമന പാര്‍ട്ടികളില്‍ പോലും ഇല്ലാത്ത ശുദ്ധിയും, മഹത്വവും, സുതാര്യമായ കാഴ്ച്ചപ്പാടും, ദൈര്യവും, സത്യസന്ധതയുമുള്ള രാഷ്ട്രീയ പ്രവര്‍ത്തകനാണ് കെ.എം.ഷാജിയെന്ന് ബോധ്യപ്പെടാന്‍ ആ പ്രസംഗം മതിയായിരുന്നു. അന്ന് പ്രസംഗിച്ച കാര്യങ്ങളൊന്നും ഓര്‍മ്മയില്ലെങ്കിലും ഷാജിയെന്ന പേര്‍ ഓര്‍മ്മിച്ചുവക്കാന്‍ കഴിഞ്ഞു.( ജലോപരിതലം പോലുള്ള ചിത്രകാരന്റെ ഓര്‍മ്മയില്‍ ഒരു പേരെങ്കിലും തങ്ങി നിന്നതില്‍ ആ പ്രസംഗത്തിന്റെ മൂര്‍ച്ചയും ശക്തിയും സുതാര്യതയും പ്രധാന പങ്കുവഹിച്ചിരിക്കണം.)

ഇത്രയും എഴുതിയത് “ബസ്സില്‍‘ കെ.എം..ഷാജിയുടെ നല്ലൊരു പ്രസംഗത്തിന്റെ വീഡിയോ ആരൊക്കെയോ ഷെയര്‍ ചെയ്തതിനെത്തുടര്‍ന്ന് ചിത്രകാരനും കാണാന്‍ സാധിച്ചതുകൊണ്ടുണ്ടായ സന്തോഷം കാരണമാണ്. പ്രസ്തുത പ്രസംഗം പരമാവധി മലയാളികള്‍ കാണേണ്ടതും, വീണ്ടും വീണ്ടും കാണേണ്ടതും, മാനവിക സ്നേഹത്തിന്റെ പേരില്‍ പ്രചരിപ്പിക്കേണ്ടതുമായതിനാല്‍ ഇതോടൊപ്പം ചേര്‍ത്ത് കമന്റു ഭരണിയില്‍ സൂക്ഷിക്കുകയാണ്. കാരണം, നമ്മുടെ രാഷ്ട്രീയ പ്രവര്‍ത്തകര്‍ക്കിടയില്‍ സ്വന്തമായ ദാര്‍ശനിക കാഴ്ച്ചപ്പാടുള്ളവര്‍ വളരെ അപൂര്‍വ്വമാണ്. പലര്‍ക്കും സത്യം പറയാനുള്ള മരുന്നില്ല. പലരുടെ കയ്യിലുമുള്ള ചരക്ക് വൈദേശികമായ ആശയ സംഹിതകളുടെ ഫോട്ടോസ്റ്റാറ്റ് കോപ്പികള്‍ മാത്രമാണ്. സ്വന്തം വിയര്‍പ്പു പറ്റാത്ത അത്തരം വൈദേശിക ചരക്കുകളായ ആശയങ്ങള്‍ നമ്മുടെ അറീവിന്റെ ഭാഗമായിരിക്കാനേ യോഗ്യമായിട്ടുള്ളു. നമ്മുടെ രാഷ്ട്രീയം നിര്‍മ്മിക്കേണ്ടത് നമ്മുടെ വിയര്‍പ്പുമണമുള്ള സമൂഹ യാഥാര്‍ത്ഥ്യങ്ങളില്‍ നിന്നും സത്യസന്ധതയോടെയാണ്. സത്യസന്ധമായ കാഴ്ച്ചപ്പാ‍ടും വിശാലമായ മാനവിക ബോധവും ശക്തമായ ബുദ്ധിശക്തിയും ഉള്ളവര്‍ക്കു മാത്രമേ നമ്മുടെ എല്ലാ ജനവിഭാഗങ്ങാളേയും ഉള്‍ക്കൊള്ളുന്ന ഒരു ജനാധിപത്യബോധമായ രാഷ്ട്രീയത്തിലേക്ക് നമ്മേ ഉയര്‍ത്താനാകു. കെ.എം.ഷാജിയുടെ വാക്കുകളില്‍ അത്തരം നന്മകളും, പൌരുഷമുള്ള ശക്തികളും സമതുലിതമായി മേളിച്ചതായി ചിത്രകാരനു കാണാനാകുന്നു.
അതുകൊണ്ടുതന്നെ, ജാതി, മത,പാര്‍ട്ടി, ദേശപരമായ എല്ലാ ഭേദഭാവങ്ങളും വെടിഞ്ഞ് ഈ മനുഷ്യന്റെ ചിന്തകളെ സമൂഹത്തിലേക്ക് , നമ്മുടെ ഒരോരുത്തരുടേയും മനസ്സിലേക്ക് കടത്തിവിടാന്‍ നാം മനസ്സിന്റെ മതില്‍ക്കെട്ടുകള്‍ പൊളിച്ചുകളയേണ്ടിയിരിക്കുന്നു. കാരണം, ഇയ്യാള്‍ ഏതു ജാതിക്കാരനായാലും, മതക്കാരനായാലും, പാര്‍ട്ടിക്കാരനായാലും നന്മ നിറഞ്ഞ മനുഷ്യനാണ്, നമ്മളും !!!

വേണം വേശ്യാലയങ്ങള്‍, ഹോട്ടലുകളെപ്പോലെ !

2011-07-20T18:33:00.001+05:30

ഏതൊരു അങ്ങാടിയിലും ഒന്നോ രണ്ടോ ഹോട്ടലോ ചായക്കടയോ സാധാരണമാണ്.
സദാചാരികളും മര്യാദ രാമന്മാരുമായ നമുക്ക് ഭക്ഷണം വീടുകളില്‍ നിന്നുതന്നെ ലഭിക്കുന്നുണ്ടെന്നിരിക്കേ മുക്കിനു മുക്കിനു ഹോട്ടലുകളെന്തിന് എന്ന് ആരും ചോദിക്കാറില്ല.
നമ്മുടെ പ്രാദേശിക ഭരണ സ്ഥാപനങ്ങളോ സംസ്ഥാന സര്‍ക്കാരോ പൊതുസ്ഥലങ്ങളില്‍
ആവശ്യത്തിനു വൃത്തിയുള്ള ടോയ്ലറ്റുകള്‍ നിര്‍മ്മിച്ചു പരിപാലിക്കുന്നതില്‍ കഴിവുകെട്ടവരാണെന്ന് നമുക്കറിയാം. സര്‍ക്കാരിന്റെ ആ കഴിവുകേടിനെപ്പോലും പരിഹരിക്കുന്നത് നമ്മുടെ ഹോട്ടലുകളാണ്. ഈ ഹോട്ടലുകള്‍ പോലെ എന്തുകൊണ്ട് നല്ല വേശ്യാലയങ്ങള്‍ വേണമെന്ന് നമുക്ക് തോന്നുന്നില്ല ? ആരോഗ്യകരമായും, വൃത്തിയോടെയും, അന്തസ്സോടെയും നടത്തപ്പെടുന്ന വേശ്യാലയങ്ങള്‍ക്ക് സമൂഹത്തിന്റെ സാംസ്ക്കാരിക രാഷ്ട്രീയ അഭിവൃദ്ധിക്കായി മഹനീയ സംഭാവന നല്‍കാനാകുമെന്ന സത്യം നമുക്ക് അംഗീകരിക്കാനാകില്ലെന്നു മാത്രമല്ല, ചിന്തിക്കാന്‍ കൂടി സാധിക്കില്ല. അത്രയും ഭീരുത്വം പേറുന്നതാണ് നമ്മുടെ സമൂഹ മനസാക്ഷി.

ചിത്രകാരനും ആ ഭീരുത്വത്തിന്റെ ഭാഗമാണ്. 46 വയസ്സായിട്ടും ഒരു വേശ്യാലയ സന്ദര്‍ശനത്തിന്
യോഗമോ, ഭാഗ്യമോ/നിര്‍ഭാഗ്യമോ ഉണ്ടായിട്ടില്ല. മാത്രമല്ല കലശാലായ അറപ്പും, അയിത്തബോധവുമുള്ളതിനാല്‍ ശ്രമിച്ചിട്ടുമില്ല :) എന്നാല്‍, എല്ലാവരും ഒരുപോലാകുമെന്ന് കരുതാന്‍ പാടില്ലല്ലോ. ഈ വക പ്രശ്നങ്ങളൊന്നുമില്ലാത്തതും,
സെക്സില്ലാതെ വിശന്നു പൊരിയുന്നവരുമായവരെ നമ്മുടെ സമൂഹത്തില്‍ മാത്രമല്ല, നെറ്റിലടക്കം ധാരാളമായി കാണേണ്ടിവരുന്നുണ്ട്. അവരുടേത് വലിയൊരു സമൂഹമാണ്. ആ സമൂഹത്തില്‍ സ്ത്രീകളും പുരുഷന്മാരുമെല്ലാമുണ്ട്. ധനികരും ദരിദ്രരുമുണ്ട്. അവരും നമ്മുടെ ഭാഗമാണ്.

സമൂഹത്തില്‍ കുറ്റകൃത്യങ്ങള്‍ പെരുകുന്നതിനും, വര്‍ഗ്ഗീയത വളരുന്നതിനും, രാഷ്ട്രീയം അക്രമ പ്രകടനങ്ങളായി അധപ്പതിക്കുന്നതിനും,സ്ത്രീപീഢനങ്ങള്‍ക്കും, ബാല പീഢനങ്ങാള്‍ക്കും, പൊതുമുതല്‍ നശിപ്പിക്കുന്നതിനും, ബീവറേജസിനു മുന്നിലെ നീണ്ട ക്യൂവിനും, വ്യക്തിബഹുമാനമില്ലായ്മക്കും ലൈഗീക ദാരിദ്ര്യം കാരണമാകുന്നുണ്ട് . ലൈംഗീകത മനസ്സിന്റെ വിശപ്പാണ് . ഇണചേരലിലൂടെ മനുഷ്യനു ലഭിക്കുന്ന സാന്ത്വനത്തെ സത്യസന്ധതയോടെ അംഗീകരിക്കാന്‍ നമ്മുടെ സമൂഹം വളരേണ്ടതുണ്ട്. മാന്യമായി നമുക്ക് സമൂഹത്തില്‍ ജീവിക്കാന്‍ നാം മാത്രം നന്നായാല്‍ പോര. നമ്മുടെ വിശപ്പു മാറിയാലും അന്യന്‍ വിശന്നിരിക്കുന്നുണ്ടെങ്കില്‍ അവിടെ അസമാധാനം ഒരു തീപ്പൊരിക്കായി കാത്തിരിക്കുന്നുണ്ട്. എന്നാല്‍ ഭക്ഷണത്തിനായുള്ള വിശപ്പിനേക്കാള്‍ എത്രയോ ആയിരം മടങ്ങ് ശക്തമാണ് ഇണചേരാനാകാത്തതിന്റെ വിശപ്പെന്ന സത്യം നാം തിരിച്ചറിയേണ്ടതുണ്ട്. ഒരു പക്ഷേ, ആ വിശപ്പിന്റെ പൊട്ടിത്തെറികളാണ് നമ്മുടെ വാര്‍ത്താമാധ്യമങ്ങളുടെ മുഖ്യമായ വാര്‍ത്താവിഭവങ്ങളിളേറെയും. നമ്മള്‍ സദാചാരികളായിരുന്ന് കൊത്തിത്തിന്നുന്നതും ഇണചേരാനാകാതെ പരവശപ്പെടുന്ന മനുഷ്യന്റെ വിചാരരഹിതമായ പ്രവൃത്തികളുടെ ശവശരീരങ്ങളെയാണ്. നമ്മൂടെ നിലവിലുള്ള മാടമ്പി സംസ്ക്കാരപ്രകാരം ശവം തീനികളായ സദാചാരി സംസ്ക്കാരം മാന്യമായി തോന്നാം.
എന്നാല്‍ നമുക്ക് ജനാധിപത്യവ്യവ്സ്ഥയില്‍ ഇന്നല്ലെങ്കില്‍ നാളെ പ്രവേശിക്കേണ്ടതുണ്ട്.
അതായത് പുരോഗതി പ്രാപിക്ക്ക്കേണ്ടതുണ്ട്. അതിനായുള്ള ആത്മശുദ്ധീകരണത്തിനായി, ജനാധിപത്യബോധത്തിനായി, വ്യക്തിസ്വാതന്ത്ര്യത്തിനായി നമ്മുടെ സമൂഹത്തെക്കുറിച്ച് ആഴത്തില്‍ പഠിക്കേണ്ടതുണ്ട്.
അതിന്റെ ഭാഗമായി നാം ചിന്തിക്കാന്‍ ഭയപ്പെടുന്ന അടിസ്ഥാന വിഷയങ്ങള്‍ പോലും വസ്തുനിഷ്ടമായി വിശകലനം ചെയ്യേണ്ടതുണ്ട്.
നമ്മുടെ സമൂഹത്തിലെ തിന്മയെ സ്വാന്തനിപ്പിച്ച് ക്രിയാത്മകമാക്കാന്‍ ശേഷിയുള്ള വേശ്യകളുടെ
മാന്യതയും, അന്തസ്സും, സാമൂഹ്യ അംഗീകാരവും ഏറ്റവും പ്രധാനപ്പെട്ട ഘടകമാണെന്ന തിരിച്ചറിവാണ് നമുക്കാദ്യം ഉണ്ടാകേണ്ടത്. വിപ്പ്ലവകരമായ ആ തിരിച്ചറിവ് ചിന്താശീലര്‍ക്കിടയിലെങ്കിലും ഉണ്ടാകേണ്ടിയിരിക്കുന്നു.

ലൈംഗീകത സമൂഹത്തിന്റെ ഹൃദയപ്രവര്‍ത്തനമാകുമ്പോള്‍, അതിനു മാന്യത നല്‍കേണ്ടത് സമൂഹത്തിന്റെ ആരോഗ്യത്തിന്റെ ഒഴിച്ചുകൂടാനാകാത്ത ആവശ്യമാണ്.

ഈ വിഷയവുമായി ബന്ധപ്പെട്ട ഒരു പോസ്റ്റിലേക്കുള്ള ലിങ്ക് താഴെ:
നളിനി ജമീലയുടെ ആത്മകഥ/സീതായണം

ഇന്ത്യക്കാരുടെ സ്വര്‍ണ്ണഭ്രാന്തും വേള്‍ഡ് ഗോള്‍ഡ് കൌണ്‍സിലും

2011-07-18T23:20:00.001+05:30

ദാരിദ്ര്യവും, ശുചിത്വമില്ലായ്മയും, സാമൂഹിക അസന്തുലിതാവസ്ഥയും, കൊടികുത്തിവാഴുന്ന ഇന്ത്യയിലാണ് ലോകത്തില്‍ ഏറ്റവും കൂടുതല്‍ സ്വര്‍ണ്ണം സൂക്ഷിക്കപ്പെട്ടിരിക്കുന്നത് എന്നത് ലജ്ജാകരമായ ഒരു സാമൂഹ്യ സൂചകമാണ്. ലോക സ്വര്‍ണ്ണ ഖനി ഉടമകളുടെ സംഘടനയായ വേള്‍ഡ് ഗോള്‍ഡ് കൌണ്‍സില്‍ എത്ര അനായാസമായാണ് ഇന്ത്യന്‍ കുടുബ തീരുമാനങ്ങളില്‍ ഇടപെടുന്നതെന്ന് എന്ന് കാണാന്‍പോലും നമുക്കാകുന്നില്ല !! നമ്മുടെ പൊങ്ങച്ച സംസ്ക്കാരം അത്രക്ക് നമ്മേ അന്ധരും അടിമകളുമാക്കിയിരിക്കുന്നു.ഇന്നത്തെ മാതൃഭൂമി (18.7.11)പത്രത്തിലെ ധനകാര്യം പേജില്‍ കണ്ട ഒരു വാര്‍ത്തയാണ് മുകളില്‍ സ്കാന്‍ ചെയ്തു ചേര്‍ത്തിരിക്കുന്നത്. വേള്‍ഡ് ഗോള്‍ഡ് കൌണ്‍സില്‍ നമ്മുടെ വിശ്വാസങ്ങളെയും ഭക്തി ബലഹീനതകളേയും സ്വര്‍ണ്ണ വില്‍പ്പനക്കുള്ള വഴികളായി പരിവര്‍ത്തനം ചെയ്യുന്നതിന്റെ ഉദാഹരണമായ അക്ഷയ തൃതീയയെക്കുറിച്ച് ഒരു പോസ്റ്റ് ലിങ്ക് : അക്ഷയതൃതീയക്കുപിന്നിലെ ഭൂതം!

കേരളത്തിലെ നസ്രാണി ജനാധിപത്യം

2011-07-18T15:27:00.001+05:30

ശനിയാഴ്ച്ചത്തെ മാതൃഭൂമി ദിനപ്പത്രത്തില്‍ (16.7.2011) കേരള ഗവണ്മെന്റിന്റെ സുപ്രീം കോടതി വക്കീലന്മാരായി നിയമിക്കപ്പെട്ട നാലുപേരുടെ ചിത്രവും വാര്‍ത്തയും കണ്ട് ചിത്രകാരന്‍ ആനന്ദപുളകിതനായിരിക്കുന്ന വിവരം മാളോരെ അറിയിച്ചുകൊള്ളുന്നു. അഞ്ചുവര്‍ഷത്തേക്ക് നിയമിതരായ കേരള സംസ്ഥാനത്തിലെ ജനങ്ങളുടെ ഈ നാലു വക്കീലന്മാരില്‍ പ്രഥമ ദൃഷ്ട്ര്യാ 75 ശതമാനവും നസ്രാണികളാണെന്ന് കരുതേണ്ടിയിരിക്കുന്നു. ഒരു ജനാധിപത്യ വ്യവസ്ഥയില്‍ തിരഞ്ഞെടുക്കപ്പെടുന്ന സര്‍ക്കാര്‍ ഭരിക്കുന്ന സംസ്ഥാനത്തില്‍ , ആ സംസ്ഥാനത്തെ രാജ്യത്തെ പരമോന്നത നീതിപീഠത്തിലേക്ക് തിരഞ്ഞെടുക്കപ്പെട്ട അല്ലെങ്കില്‍ നോമിനേറ്റ് ചെയ്യപ്പെട്ട വക്കീലന്മാര്‍ക്കിടയില്‍ കേവലം വളരെ ചെറിയ മത ന്യൂനപക്ഷത്തില്‍ നിന്നുമുള്ള 75% പ്രാതിനിധ്യം സംഭവിച്ചു പോയതിലെ സാമൂഹ്യ അനീതി നമ്മുടെ ജനാധിപത്യ ബോധത്തെ ലജ്ജിപ്പിക്കേണ്ടതല്ലേ ?
അതോ കേരള സംസ്ഥാനത്തില്‍ ഹിന്ദുക്കളും മുസ്ലീങ്ങളും ഇപ്പോള്‍ വക്കീല്‍ പണിക്ക് തയ്യാറാകാത്തതുകൊണ്ടുള്ള സാമൂഹ്യ അസമത്വമായിരിക്കുമോ കാരണം ? പണ്ട് നമ്മുടെ നാട്ടില്‍ പ്രധാനപ്പെട്ട സാമൂഹ്യ മണ്ഡലങ്ങളിലെല്ലാം പട്ടന്മാരുടെ അയ്യരുകളിയായിരുന്നു. അതിനു ശേഷം നായന്മാരുടെ ശൂദ്രക്കളിയായി. ഇപ്പോള്‍ പട്ടമ്മാരേയും നായന്മാരേയുമെല്ലാം പിന്നിലാക്കിക്കൊണ്ട് നസ്രാണി ലോബിയുടെ റബ്ബര്‍ കോണ്‍ഗ്രസ്സ് കളിയായെന്നാണോ മനസ്സിലാക്കേണ്ടത്.

എന്തായാലും ശരി, സാമൂഹ്യ നീതിയും, സാമാന്യ മര്യാദകളും ലംഘിച്ചുകൊണ്ടുള്ള ജനാധിപത്യവിരുദ്ധമായ ഈ കാഴ്ച്ചപ്പാടും മാടമ്പി ഭരണവും അവസാനിപ്പിക്കാന്‍ ജനങ്ങള്‍ പ്രതികരിക്കണം. സുപ്രീം കോടതിയിലേക്കുള്ള കാര്യങ്ങളില്‍ പോലും സാമൂഹ്യ നീധി പാലിക്കാനാകുന്നില്ലെങ്കില്‍ പിന്നെന്തിനാ നമുക്ക് ഒരു ജനാധിപത്യ ഗവണ്മെന്റ് ??? കരക്കാര്‍ ഉത്സവം നടത്തുന്നതുപോലെ അച്ചായന്മാരും, പെരുന്ന ശൂദ്രന്മാരും മാറിമാറി അങ്ങു ഭരിച്ചാല്‍ പോരേ ? വോട്ടെടുപ്പു ചിലവൊക്കെ ലാഭിക്കാം.

ശബരിമല അയ്യപ്പന്റെ ഉറക്കുപാട്ട് !!

2011-07-12T00:06:00.001+05:30

ശബരിമല അയ്യപ്പനേയും അയ്യപ്പ ഭക്തരേയും പാട്ടുപാടി ബോധംകെടുത്തി

ഉറക്കാനുപയോഗിക്കുന്ന “ഹരിവരാസനം” ഉറക്കുപാട്ടിന്റെ യുട്യൂബ് വീഡിയോ :)

ദശാബ്ദങ്ങളിലൂടെ നിരന്തരമായി ശബരിമലയിലെ മകരജ്യോതി എന്ന തട്ടിപ്പ് തുറന്നുകാണിക്കാന്‍ യുക്തിവാദികള്‍ യത്നിച്ചതിന്റെ ഫലമായി കഴിഞ്ഞവര്‍ഷം മകര വിളക്ക്, മകര ജ്യോതി എന്നീ പേരുകളില്‍ നടത്തപ്പെടുന്ന ദിവ്യാത്ഭുതം മനുഷ്യനിര്‍മ്മിതമായ തട്ടിപ്പാണെന്ന് കോടതി സമക്ഷം തന്നെ ഭക്തി വ്യവസായികള്‍ക്ക് സമ്മതിക്കേണ്ടി വന്നു.(മനുഷ്യരെ കൊല്ലുന്ന മകരവിളക്ക് !) ഏതാണ്ട് അതിനു സാമ്യമായ മറ്റൊരു ഭക്തരെ വിഢികളാക്കുന്ന ഏര്‍പ്പാടായ “ഹരിവരാസനം” എന്ന പൂജാവിധിയായിമാറിയ സിനിമാപാട്ടിനെക്കുറിച്ച് ബ്ലോഗര്‍ എതിരന്‍ കതിരവന്‍ കീറിമുറിച്ച ഒരു പഠനം തന്നെ നടത്തിയിരിക്കുന്നു. ബുദ്ധവിഹാരമായിരുന്ന ശബരിമലയിലെ ശാസ്താവിനെ മഹാവിഷ്ണുവിന്റേയും ശിവന്റേയും പ്രകൃതിവിരുദ്ധ ലൈംഗീക ബന്ധത്തില്‍ നിന്നുമുണ്ടായ സന്താനമായ ഹിന്ദു ദൈവമാക്കാനുള്ള ഐതിഹ്യരചനയുടെ ഭാഗമായുള്ള സിനിമാപാട്ടിനെ എതിരന്‍ കതിരവന്‍ ഒരോ വാക്കിനേയും പരിശോധിച്ച് അര്‍ഥശൂന്യമായ മനോഹര ശബ്ദങ്ങളുടെ മയക്കുവിദ്യയുടെ ദൃഷ്ടാന്തമായി അവതരിപ്പിച്ചിരിക്കുന്നു. യുക്തിഹീനവും, അബദ്ധജഢിലവുമായ സംസ്കൃതവാക്കുകളുടെ കൂട്ടിച്ചേര്‍ക്കലിലൂടെ ശബരിമല അയ്യപ്പനെത്തന്നെ മറക്കുന്ന ഹരിവരാസനം കേള്‍ക്കുന്നതിലൂടെ ശബരിമല അയ്യപ്പന്‍ ബോധംകെട്ട് ഉറങ്ങിപ്പോകും എന്ന് ഭക്തി വ്യവസായത്തിന്റെ ഉടമകള്‍ക്ക് നല്ല ഉറപ്പുണ്ടായിരിക്കും. ഇടതുപക്ഷ വിശ്വാസികളും, പുരോഗമനചിന്താഗതിക്കാരും, യുക്തിവാദികളും, നിരീശ്വരവാദികളും തീര്‍ച്ചയായും വായിച്ചിരിക്കേണ്ട അപൂര്‍വ്വമായ കാഴ്ച്ചപ്പാടാണ്
ഹരിവരാസനത്തിന്റെ കമ്പോളയുക്തി എന്ന ലേഖനം.ബുദ്ധിമാന്ദ്യത്തില്‍ നിന്നും രക്ഷപ്പെടാന്‍ ആഗ്രഹിക്കുന്ന ഭക്തര്‍ക്കും ലേഖനം ഉപകാരപ്പെടും. എതിരങ്കതിരവന്റെ ബ്ലോഗില്‍ ചിത്രകാരനെഴുതിയ കമന്റ് താഴെ:

chithrakaran:ചിത്രകാരന്‍ said...: സമൂഹത്തിന്റെ അടിയുറച്ച വിശ്വാസങ്ങളുടെ തൂണുകളായി മാറിയ സംസ്കൃത ശബ്ദങ്ങള്‍കൊണ്ടുള്ള ഇത്തരം അവിയലുകളും പൊള്ളയായ ശബ്ദഹാരങ്ങളും കണ്ടെത്തുക എന്നത് മഹനീയമായ നിരീക്ഷണശേഷിയാണ്. അടിമത്വത്തിന്റെയും അന്ധവിശ്വാസത്തിന്റേയും ഇരുമുടിക്കെട്ടുകള്‍ താങ്ങിനില്‍ക്കുന്ന ഭക്തി വ്യവസായത്തെ അതിന്റെ തനിസ്വരൂപത്തില്‍ നഗ്നമായി കാണാന്‍ ശേഷിനല്‍കുന്നതാണ് ഹരിവരാസനത്തിന്റെ കമ്പോള യുക്തി എന്ന ഈ ലേഖനം. പ്രിന്റ് മീഡിയകളിലും കവര്‍സ്റ്റോറിയായി പ്രസിദ്ധീകരിക്കപ്പെടേണ്ട ഒരു ഗവേഷണ പ്രഖ്യാപനം തന്നെയാണിത്. വിശാല ഹിന്ദുത്വവും ഹൈന്ദവ വര്‍ഗ്ഗീയതയുമായി വികസിക്കുന്ന ഭക്തിവ്യവസായത്തിന്റെ നാള്‍വഴികള്‍ അറിയാനോ പരിശോധിക്കാനോ ശേഷിയില്ലാത്ത ഇടതുപക്ഷ പ്രസ്ഥാനങ്ങള്‍ക്കും, യുക്തിവാദഭക്തര്‍ക്കും,നിരീശ്വര ദൈവവിശ്വാസികള്‍ക്കുമൊക്കെ കണ്ണുതുറക്കാന്‍ ഇടനല്‍കുന്ന ലേഖനം ! ചിത്രകാരന്റെ അഭിവാദ്യങ്ങള്‍ !!!; Monday, July 11, 2011 11:14:00 PM GMT+05:30

പോലീസും കോടതിയും അടിമവേഷം കെട്ടുമ്പോള്‍ !!

2011-07-09T20:27:00.003+05:30

(ദി ഹിന്ദുവിലെ വാര്‍ത്താചിത്രം 8.7.11)

നമ്മുടെ ജനാധിപത്യ ഗവണ്മെന്റിന്റെ അഭിമാനം കാക്കേണ്ട കോടതിയും, പോലീസുമൊക്കെ ആരാധനാലയങ്ങളില്‍ കയറുമ്പോള്‍ സ്വന്തം തുണിയുരിയുന്നു എന്നത് വാര്‍ത്തകളിലൂടെയും ചിത്രങ്ങളിലൂടെയും നാം ഇപ്പോള്‍ കാണാന്‍ തുടങ്ങിയിരിക്കുന്നു. സവര്‍ണ്ണ ജാതീയതയുടെ അടിമത്വ നുകത്തിനകത്തേക്ക് കയറി നില്‍ക്കുന്നത് എന്തോ ലോകോത്തര അംഗീകാരമൊ സൌഭാഗ്യമോ ആണെന്ന മട്ടിലാണ് തിരുവനന്തപുരം പത്മനാഭക്ഷെത്രത്തില്‍ ഒളിപ്പിച്ചുവച്ച നിധിയുടെ കണക്കെടുക്കാന്‍ പോയ സര്‍ക്കാര്‍ ഉദ്ദ്യോഗസ്തന്മാരുടെ വിചാരം !!
പത്മനാഭക്ഷേത്രത്തില്‍ കേറാന്‍ യൂണിഫോമഴിച്ച് മേല്വസ്ത്രമില്ലാതെ നില്‍ക്കുന്ന പോലീസിനേയും, കോടതി നിയൊഗിച്ച ജസ്റ്റിസുമാരെയുമൊക്കെ നാം ടി.വിയിലൂടെ കാണേണ്ടിവരുന്നു. തങ്ങളുടെ ജാതിവാലും, കുലമഹിമയുമെല്ലാം ഓര്‍ത്ത് പത്മനാഭനുമുന്നില്‍ മുണ്ടഴിച്ച് നില്ക്കാന്‍ ഔദ്ദ്യോഗിക യൊഗമുണ്ടായത് എന്തോ മുന്‍- ജന്മ സുകൃതമാണെന്നൊക്കെയാണ് ഇവരുടെ ഭാവം !!
അതേക്കുറിച്ച് ബസ് ചര്‍ച്ചയില്‍ ചിത്രകാരന്‍ എഴുതിയ കമന്റ് താഴെ ചേര്‍ക്കുന്നു.1 ബസ്സിലേക്കുള്ള ലിങ്ക് ഇവിടെ.2 (ക്ലിക്കുക)
3മറ്റൊരു ബസ്സ് ലിങ്ക്.
നമ്മുടെ മതപ്പോലീസിനും,മത കോടതിക്കുകും, മത ഗവണ്മെന്റിനുമൊക്കെ മദമിളകിയാല്‍ മതാചാരപ്രകാരമെ ആരധനാലയങ്ങളില്‍ പ്രവേശിക്കു. സ്വന്തം ജോലി ചെയ്യാന്‍ ചെല്ലുന്ന പോലീസ് തങ്ങളുടെ യൂണിഫോമില്‍ നിന്നും ഒരു തരിപോലും അഴിച്ചുമാറ്റേണ്ട ആവശ്യമില്ല. ആരധനാലയങ്ങളിലെ മന്ത്രവാദികള്‍ ആവശ്യപ്പെടുന്നതുപോലെ വസ്ത്രം മാറാന്‍ പോലീസെന്താ നാടക നടന്മാരോ ??? ഇങ്ങനെയാണെങ്കില്‍ പോലീസ് പര്‍ദ്ദയം ളോഹയും കൌപീനം മാത്രവുമൊക്കെ അണിഞ്ഞ് പല ആരാധനാലയങ്ങളിലും പുലികളി നടത്തേണ്ടിവരുമല്ലൊ.

അധികാര സ്ഥാനങ്ങളില്‍ മന്ദബുദ്ധികളും അടിമകളുമൊക്കെ കയറിയിരിക്കുന്നതുകൊണ്ടാണ് പോലീസിനും കോടതിക്കുമൊക്കെ ഇങ്ങനെ കേവലം മന്ത്രവാദികളായ ക്ഷേത്ര ശാന്തിക്കാര്‍ക്കു മുന്നില്‍ ഓച്ഛാനിച്ചു നില്‍ക്കാനും, ഫാന്‍സിഡ്രസ്സ് അണിയാനും വിഢികളാകാനും യോഗമുണ്ടാകുന്നത്.

വിശ്വാസികള്‍ ഏതു വിഢിവേഷം കെട്ടി വേണമെങ്കിലും ക്ഷേത്രങ്ങളില്‍ പോകട്ടെ, അന്യര്‍ക്ക് പരാതിയില്ലാത്തിടത്തോളം പ്രശ്നമൊന്നുമില്ല. എന്നാല്‍, പോലീസും കോടതിയുമൊക്കെ ക്ഷേത്രത്തില്‍ കേറുമ്പോല്‍ മേല്‍മുണ്ടഴിച്ച് അരയില്‍ ചുറ്റിയും യൂണിഫോമഴിച്ച് വിധേയത്വം കാണിച്ചും ആടിമത്വത്തിന്റെ വേഷമാടുന്നത് വിവരമോ ആത്മാഭിമാനമോ ജനാധിപത്യ വ്യവസ്ഥയോടുള്ള ഉത്തരവാദിത്വമൊ ഇല്ലാത്തതും ഭരണഘടനയോടും ജനങ്ങളോടുമുള്ള നിന്ദയാണ്. മൈരുകള്‍ക്ക് ഒഫ്ഫീഷ്യല്‍ ടൈമിലല്ലാതെ അത്തരം വേഷം കെട്ടാന്‍ ചിത്രകാരന്റെ സമ്മതം ആവശ്യമില്ല. എന്നാല്‍, ഡ്യൂട്ടിയുടെ ഭാഗമായി ആരാധനാലയത്തിലല്ല, ഏതു വേശ്യാലയത്തില്‍ പോയാലും വേണ്ടില്ല ഔദ്ദ്യോഗിക വേഷം ഉണ്ടായിരിക്കണം. ഒരു ജനാധിപത്യ വിശ്വാസി എന്ന നിലയില്‍ ഏതൊരു പൌരനും സര്‍ക്കാര്‍ ഭൃത്യന്മാരായ പോലീസുകാരുടെയും, കോടതിയുടേയും വിഢിവേഷകെട്ടലിനെതിരെ ഇവര്‍ക്കെതിരെ നിയമ നടപടി സ്വീകരിക്കാനുള്ള അവകാശമുണ്ട്. നമ്മുടെ ഭക്ത ശിരോമണികളായ കോടതികള്‍ അംഗീകരിച്ചാലും ഇല്ലെങ്കിലും. കാരണം, ഇത് അടിസ്ഥാനപരമായ ജനാധിപത്യബോധത്തിന്റെ ഭാഗമാണ്.

ക്ഷേത്രത്തിലൊ, മറ്റേത് ആരാധനാലയത്തിലോ ഔദ്ദ്യോഗിക ആ‍വശ്യത്തിന്റെ ഭാഗമായി കോടതിയോ, പോലീസോ യൂണിഫോം ധരിച്ച് കയറിയാല്‍ ഭക്തന്മാരോ തന്ത്രി-ശാന്തിമാരോ പോലീസു ചമയുകയാണെങ്കില്‍ പിന്നെ എന്തു ജനാധിപത്യം ? ക്ഷേത്ര മുതല്‍ കക്കുന്ന ഒരു തന്ത്രിയെ ക്ഷേത്രത്തിനകത്തു വച്ച് അറസ്റ്റു ചെയ്യാന്‍ തന്ത്രി ആവശ്യപ്പെടുന്ന വേഷം ധരിക്കണമെന്നുവന്നാല്‍ പിന്നെന്തിനാണ് പൊതുജനം സര്‍ക്കാരിനു ടാക്സുകൊടുത്ത് ഈ സവര്‍ണ്ണ കുറ്റിച്ചൂലുകളായ ഉദ്ദ്യോഗസ്തന്മാരെ നിയൊഗിക്കുന്നത് ? ശമ്പളവും കിമ്പ്ലവുമൊക്കെ ആരാധനാലയങ്ങളില്‍ നിന്നു തന്നെ വാങ്ങ്യാപ്പോരേ ??

ഇനി യൂണിഫോമിട്ടു പോലീസു കേറിയതിനാല്‍ ക്ഷേത്രം അശുദ്ധമായെന്ന് ഒരു മന്ത്രവാദിയായ തന്ത്രി വിധിച്ചാല്‍, അശുദ്ധിക്ക് ശാസ്ത്രീയ തെളിവു നല്‍കാന്‍ കഴിയാത്ത കാലത്തോളം കോടതിയും പോലീസുമെല്ലാം എന്തിന് തന്ത്രിയുടെ(മന്ത്രവാദിയുടെ) വാക്കുകള്‍ക്ക് വിലകല്പിക്കണം ?? അയിത്തമായാലോ അശുദ്ധമായാലോ തന്ത്രിയുടെ ചിലവില്‍ തന്ത്രിക്ക് കുളിച്ചു ശുദ്ധിവരുത്തുകയൊ, ഗോമൂത്രം പാനം ചെയ്ത് ശരീരം വിശുദ്ധമാക്കുകയൊ, പുണ്യാഹം തളിച്ച് ക്ഷേത്രവും റോഡുമൊക്കെ നീറ്റാക്കുകയൊ ചെയ്യാവുന്നതാണല്ലൊ. നമ്മുടെ വയലാര്‍ രവിയുടെ കുടുമ്പം ക്ഷേത്രത്തില്‍ കേറിയതിന്റെ പേരില്‍ അത്തരം ശുദ്ധികര്‍മ്മമൊക്കെ ചെയ്തിട്ടില്ലെ ? അതുപോലെ ചെയ്യെട്ടെന്നെ. അല്ലാതെ , പോലീസും കോടതിയുമൊക്കെ അടിയാന്മാരായി തുണിയുരിഞ്ഞ് അരയില്‍ കെട്ടി ഓച്ഛാനിക്കണമെന്നു പറഞ്ഞാല്‍ പോലീസിനും കോടതിക്കും നാണമില്ലെങ്കിലും ഒരു ജനാതിപത്യ രാജ്യത്തിലെ ജനങ്ങള്‍ക്ക് നാണക്കേടാകില്ലെ !!! ആത്മാഭിമാനത്തിനു പകരം ജാത്യാഭിമാനം പുലര്‍ത്തുന്ന സമൂഹമായതിനാലാണ് നമുക്ക് ഈ തോന്ന്വാസത്തെ ശക്തമായി അപലപിക്കാന്‍ പോലും സാധിക്കത്തത്. ലജ്ജാവഹം ഈ ജനാധിപത്യം!!!

ക്ഷുരകന്മാരും ഈഴവരാണ് !!!

2011-07-08T22:33:00.004+05:30

സാമൂഹ്യ സമത്വം യാഥാര്‍ത്ഥ്യമാകണമെന്ന് ആത്മാര്‍ത്ഥമായ ആഗ്രഹമുണ്ടെങ്കില്‍ സമൂഹത്തിന്റെ അടിത്തട്ട് സമൂഹത്തിന്റെ ഉപരിതലത്തിലേക്ക് ഉയര്‍ത്തപ്പെടുകയും, ആ ഉയര്‍ച്ചയെ സമൂഹത്തിന്റെ ഉപരിതലം ഭേദഭാവമില്ലാതെ ഉള്‍ക്കൊള്ളാനും അംഗീകരിക്കാനും സാംസ്ക്കാരികമായി വളരേണ്ടതുമുണ്ട്. ജാതീയമായ ഹിന്ദുമതം എന്നര്‍ത്ഥമുള്ള സവര്‍ണ്ണരിലെ ഉപരിവിഭാഗമായ നമ്പൂതിരിമാരെപ്പോലെ, ജാതിയില്ലാത്തവരെന്ന അര്‍ത്ഥത്തില്‍ അവര്‍ണ്ണരെന്നു വിളിക്കപ്പെടുന്ന ജനവിഭാഗത്തിലെ ഈഴവരും(തിയ്യരും) ജാതിചിന്താപരമായി മേല്‍ജാതിക്കാരാണെന്നു പറയാം.
(ജാതിയില്ലാത്ത അവര്‍ണ്ണര്‍ക്കിടയിലും എങ്ങനെ ജാതിയുണ്ടായെന്ന് നമുക്ക് വാദത്തിനു ചോദിക്കാം. രണ്ടായിരത്തിലധികം വര്‍ഷക്കാലം സവര്‍ണ്ണതയുടെ ഭരണ ആധിപത്യത്തില്‍ കഴിഞ്ഞുകൂടിയ സമൂഹം എത്ര അവര്‍ണ്ണ മൂല്യങ്ങള്‍ മുറുകെപ്പിടിച്ചാലും ജാതിയുടെ/സവര്‍ണ്ണ സ്വാധീനത്തില്‍ നിന്നും രക്ഷപ്പെടാനകില്ലെന്നത് ചരിത്രം പറയുന്നു.) ജാതീയമായ സവര്‍ണ്ണ ഹിന്ദുമതത്തെ പ്രതിരോധിച്ചു നിന്ന ബുദ്ധജൈന പാരമ്പര്യമുള്ള അവര്‍ണ്ണര്‍ക്കിടയിലും നൂറ്റാണ്ടുകളും, സഹസ്രാബ്ദങ്ങളും കൊണ്ട് വിഭാഗീയതയും, ജാതി ചിന്തയും ശക്തിപ്പെടുകയും, അതിന്റെ ഫലമായി ഉണ്ടായ ഏറെക്കുറെ തൊഴില്‍ പേരുകളുമായി ബന്ധപ്പെട്ട ജാതിപ്പേരുകളാണ് അവര്‍ണ്ണരുടേത്. തൊഴിലിന്റെയും അദ്ധ്വാനത്തിന്റേയും മഹനീയത അടിമത്വത്തിന്റെ പര്യായമാക്കി നശിപ്പിക്കുകയും, അവര്‍ണ്ണരെ കീഴടക്കുകയും ചെയ്യുന്നതിനായി ഹിന്ദുമതം അടിച്ചേല്‍പ്പിച്ച ജാതിപ്പേരുകാളാണ് അവര്‍ണ്ണരുടേത്. അതില്‍ ഏറ്റവും താഴെക്കിടയില്‍ പെട്ടുപോയ തൊഴില്പേര് ക്ഷുരകന്മാരുടേത്. കാരണം, അവര്‍ ബുദ്ധമതത്തോട് ഏറ്റവും അടുത്തുനില്‍ക്കുകയോ, ബുദ്ധമതത്തിന്റെ പ്രാതിനിധ്യമായി കണക്കാക്കപ്പെടുകയോ ചെയ്തതിന്റെ പ്രതികാരംകൊണ്ടായിരിക്കണം ഏറ്റവും താഴേക്ക് ചവിട്ടിത്താഴ്ത്തപ്പെട്ടത്.

ഈ ചരിത്രസത്യം തിരിച്ചറീഞ്ഞ് ക്ഷുരകരെ ഈഴവര്‍ തങ്ങളുടെ സ്വസമുദായമായി അംഗീകരിക്കാന്‍ തയ്യാറാകേണ്ടതാണ്. ക്ഷുരകന്മാരുടെ പേരിനു കൂടെയുള്ള ഈഴവ ശബ്ദങ്ങള്‍ ഒരേ ജാതിയായി അംഗീകരിക്കാനുള്ള തെളിവുകളാണ്. ഈഴവാത്തി, കാവു തിയ്യ, ഇവരുമായി വിവാഹബന്ധമടക്കമുള്ള സമബന്ധം പുലര്‍ത്തുന്ന വെളക്കിത്തല നായര്‍ എന്നിവരെ അവര്‍ണ്ണ ബ്രാഹ്മണരായ ഈഴവര്‍ക്ക് ഒരേ ജാതിയായി ഉള്‍ക്കൊള്ളാനായാല്‍ പിന്നെ, അവര്‍ണ്ണരില്‍ ആ പേരു സൂചിപ്പിക്കുന്നതുപോലെത്തന്നെ ജാതി നിലനില്‍ക്കില്ല. ഒരു അവര്‍ണ്ണ അവബോധവും സാംസ്ക്കാരികാരികതയും ഉടലെടുക്കാന്‍ ഇതു കാരണമാകുകയും ചെയ്യും. ഈ അവര്‍ണ്ണ ബോധത്തിന്റെ വികാസത്തിലൂടെ സവര്‍ണ്ണ ദ്രോഹത്തില്‍ നിന്നും രക്ഷപ്പെടാന്‍ മുസ്ലീം മതം സ്വീകരിച്ചവരേയും, അതുപോലെ കൃസ്ത്യാനികളായവരേയും തങ്ങളുടെ പൈതൃക സമൂഹത്തിന്റെ ഭാഗമായി കാണാനും, നമ്പൂതിരിയും നായരുമടക്കമുള്ള സവര്‍ണ്ണരെത്തന്നെ ബ്രാഹ്മണരുടെ ഭീഷണിക്കുമുന്നില്‍ പിടിച്ചുനില്‍ക്കാനാകാതെ സവര്‍ണ്ണ ഹിന്ദുമതം സ്വീകരിക്കേണ്ടിവന്ന ബൌദ്ധ/ജൈന അവര്‍ണ്ണസമൂഹത്തിന്റെ ഭാഗമായി കണ്ട് സ്നേഹിക്കാനും നമ്മുടെ സമൂഹത്തിന് കഴിയുന്നതാണ്.

സമീപഭാവിയിലൊന്നും സംഭവിക്കാനിടയില്ലാത്ത ചിത്രകാരന്റെ സ്വപ്നങ്ങളാണെങ്കിലും, (അവര്‍ണ്ണര്‍ ബൌദ്ധ/ജൈന പാരമ്പര്യമുള്ളവരാണെന്നേ ആരും അരിഞ്ഞുതുടങ്ങിയിട്ടില്ല , അപ്പഴ ഈ ചിത്രകാരന്റെ ഓരോ പിടികിട്ടാത്ത സ്വപ്നങ്ങള്‍ :))) ഇത്തരമൊരു ചിന്ത സമൂഹത്തിലേക്ക് കടത്തിവിട്ടില്ലെങ്കില്‍ നമ്മുടെ സമൂഹത്തിലെ ജാതിചിന്ത നശിക്കാനുള്ള പ്രവര്‍ത്തനങ്ങള്‍ ഉണ്ടാകില്ല. ഇപ്പോള്‍ നാം ചിന്തിച്ചു തുടങ്ങിയാല്‍ പത്തിരുപത് വര്‍ഷം കഴിഞ്ഞാലെങ്കിലും അതിന്റെ ചലനങ്ങള്‍ ആരംഭിച്ചേക്കാം :)
അവര്‍ണ്ണരുടെ അടിത്തട്ടായ അംബട്ടാന്മാരും, മേല്‍ത്തട്ടായ ഈഴവരും ഒരൊറ്റ ജാതിയായാല്‍ അതിനിടക്കുള്ള ആശാരി,മൂശാരി, തട്ടാന്‍, കൊല്ലന്‍, കല്ലാശാരി തുടങ്ങിയ വിശ്വകര്‍മ്മജരും,ഇതര അവര്‍ണ്ണ ജാതികളുമെല്ലാം ലയിച്ച് തങ്ങളുടെ ബൌദ്ധപാരമ്പര്യത്തില്‍ അഭിമാനിച്ച് ജാതിയില്ലാത്ത ഒറ്റ സമൂഹമായാല്‍ രണ്ടായിരം വര്‍ഷക്കാലമായി പുരോഗതിയോ ശാസ്ത്രീയ മുന്നേറ്റങ്ങളോ ഇല്ലാതിരുന്ന നമ്മുടെ സമൂഹത്തില്‍ വിപ്ലവകരമായ മുന്നേറ്റങ്ങളുണ്ടാകുമെന്നത് തീര്‍ച്ചയാണ്.
ക്ഷുരകന്മാരും ഈഴവരാണെന്ന സാംസ്ക്കാരികവും ചരിത്രപരവുമായ അവബോധത്തില്‍ സമൂഹത്തിനു എത്താനായാലേ പട്ടികജാതി പട്ടിക വര്‍ഗ്ഗങ്ങളും ഈ നാടിന്റെ ഉടമകളായ അവര്‍ണ്ണരുടെയും സവര്‍ണ്ണരുടേയും അമ്മവീട്ടുകാരാണെന്ന സത്യം നമുക്ക് സത്യസന്ധമായി ഉള്‍ക്കൊള്ളാനാകു.

ഈ വിഷയത്തില്‍ ഇത്രയും എഴുതാന്‍ കാരണമായത് “മലയാളം” ഓണ്‍ലൈനില്‍ “ലാല്‍ - ശ്രീനി വിദ്വേഷം : മലയാളസിനിമയിലെ നായര്‍- ഈഴവ ലോബിയുടെ കലഹം?” എന്ന B Abubakr ന്റെ ലേഖനം വായിച്ചതുകൊണ്ടുണ്ടായ ആവേശമാണ്. ആ പോസ്റ്റില്‍ ചിത്രകാരന്‍ എഴുതിയ കമന്റ് താഴെ കൊടുക്കുന്നു :

രസകരമായ നിരീക്ഷണം :)

ബാര്‍ബറെ ഈഴവ ജാതിക്കാരനെന്നു വിശേഷിപ്പിച്ചാല്‍ പൊതുവെ ഈഴവര്‍ക്ക് പൊള്ളും. കാരണം ബാര്‍ബര്‍ അവര്‍ണ്ണര്‍ക്കിടയിലെ ഏറ്റവും ചവിട്ടിത്താഴത്തപ്പെട്ട ജാതിയാണെന്നതുതന്നെ. അതുകൊണ്ടുതന്നെ ബാര്‍ബറെ ഈഴവനായിത്തന്നെ വിശേഷിപ്പിക്കണം എന്നാണു ചിത്രകാരമതം !!! ക്ഷുരകന്മാര്‍ക്ക് കേരളത്തിലെ ജനങ്ങള്‍ക്കിടയില്‍ ഏതാണ്ട് ഇന്നത്തെ ബ്രാഹ്മണരുടെ സ്ഥാനം തന്നെയുണ്ടായിരുന്നു എന്നാണു ചരിത്രം. ബുദ്ധ ജൈന മതങ്ങളിലെ പുരോഹിതനും കാര്‍മ്മികനുമെല്ലാമായിരുന്നു ക്ഷുരകന്‍. രാജാക്കന്മാര്‍ക്ക് കിരീടധാരണം നടത്തണമെങ്കില്‍ പോലും അന്ന് തല മുണ്ട്ഡനം ചെയ്യേണ്ടതുണ്ട്. എതൊരു ശുഭകരമായ കാര്യത്തിനും തല മുണ്ട്ഡനം ചെയ്യുന്നത് സാധാരണ ജനങ്ങള്‍ക്കിടയിലും ഒഴിച്ചുടാനാകാത്ത ചടങ്ങായിരുന്നു. ഇപ്പോള്‍ പഴനിയില്‍ പോയി വരി നിന്ന് തലവരണ്ടി മഞ്ഞളുതേച്ച് വെള്ളാപ്പള്ളിമാര്‍ അനുഷ്ഠിക്കുന്ന മുണ്ട്ഡന വഴിപാടുകളും ആ ബുദ്ധമത വിശ്വസത്തിന്റെ ഭാഗം തന്നെ. (പഴനി ഒരു ബുദ്ധ/ജൈന വിഹാരമാണെന്നതില്‍ സന്ദേഹം വേണ്ട). ബൌദ്ധ കേന്ദ്രങ്ങളായിരുന്ന കാവുകളോടും അമ്പലങ്ങളോടും ചേര്‍ന്നു നിന്നിരുന്ന പരികര്‍മ്മികളായിരുന്നു അമ്പട്ടാന്മാര്‍. ഉത്തരേന്ത്യയില്‍ നിന്നും വന്ന പാലി ആര്യപാര്യമ്പര്യമുള്ളവര്‍. കാവു തിയ്യര്‍, ഈഴവ വാത്തിമാര്‍(വാത്തി എന്നാല്‍ പുരോഹിതന്‍), വിളക്കിത്തല നായന്മാര്‍ (ബുദ്ധമതം ഉപേക്ഷിച്ച് നമ്പൂതിരിയുടെ കൂടെപ്പോയ ഈഴവ വാത്തിമാര്‍) ഒസ്സാന്മാര്‍(ബുദ്ധമത വിട്ട് ഇസ്ലാം മതം സ്വീകരിച്ച ക്ഷുരകന്‍) തുടങ്ങിയ പാരമ്പര്യ ക്ഷുരകവൃത്തിയിലേര്‍പ്പെടുന്ന മനുഷ്യരെ ശ്രദ്ധിക്കുക. ദാരിദ്ര്യത്തിന്റേയും, അപമാനത്തിന്റേയും ചുളിവുകളും നിഴലും വേദനയും മുഖത്തുണ്ടാകുമെങ്കിലും അവര്‍ണ്ണരില്‍ മികച്ച ഉത്തരേന്ത്യന്‍ ശാരീരിക ലക്ഷണങ്ങള്‍ ഇപ്പോഴും ഈ ചവിട്ടിത്താഴ്ത്തപ്പെട്ടവരില്‍ കാണാം. (കുറഞ്ഞ തോതില്‍ അപവാദങ്ങളുണ്ടാകാം.)

അതുകൊണ്ടുതന്നെ ബാര്‍ബറെ തിയ്യനായി(ഈഴവനായി) സബോധന ചെയ്യുന്നത് അബുബക്കറിനു വന്ന തെറ്റാണെങ്കില്‍ പോലും അത് വിപ്ലവകരമായ ശരിയാണെന്നു മാത്രമല്ല, ചരിത്രപരമായ ഓര്‍മ്മപ്പെടുത്തല്‍കൂടിയായിരിക്കുന്നു.ചിത്രകാരന്റെ അഭിവാദ്യങ്ങള്‍ !!!

CNN Hero Anuradha Koirala അനുരാധ കൊയ്‌രാള

2011-06-30T20:58:00.002+05:30

പ്രവാചക തുല്യനായ കുഞ്ഞെലിയും ഒരുമ്പെട്ട തസ്നിബാനുവും !

2011-06-28T01:12:00.000+05:30

ജാതി-മത-സംഘടനാ വര്‍ഗ്ഗീയ കാഴ്ച്ചപ്പാടിലൂടെ നോക്കുമ്പോള്‍ ആങ്ങനെയാണ്. കള്ളനോ, കൊള്ളക്കാരനോ,കൊലപാതകിയോ, കള്ളക്കടത്തുകാരനോ, ചതിയനോ, സ്ത്രീപീഢകനോ, രാജ്യദ്രോഹിയോ, .... എന്തുതന്നെയോ ആകട്ടെ... അഞ്ചു നേരവും നിസ്ക്കരിക്കുകയും, സക്കാത്തുകൊടുക്കുകയും, അംബലത്തില്‍ പോകുകയും, വഴിപാടുകളും സംഭാവനയും നല്‍കുകയും, പള്ളീല്‍ പൊകുകയും,പള്ളീലച്ചന്റെ സ്വകാര്യ ആവശ്യങ്ങള്‍ സാധിച്ചു കൊടുക്കുകയും,പാര്‍ട്ടിക്ക് സംഭാവന നടത്തുകയും ചെയ്താല്‍ ... നമ്മുടെ സമൂഹത്തില്‍ എത്ര ദുഷ്ടനും സദാചാരിയും, സദ്ഗുണ സമ്പന്നനുമാകാം.ദുര്‍ഗുണാങ്ങളും,സാമൂഹ്യ വിരുദ്ധതയും അയാളുടെ യോഗ്യതയും ആണത്വത്തിന്റെ ലക്ഷണവുമായി വരവുവക്കപ്പെടും :) അങനെ ദുഷ്ടത കൂടി, ജനപ്രതിനിധികളും, മന്ത്രിയും,പ്രവാചക തുല്യനുമായവരൊക്കെ നമ്മുടെ സമൂഹത്തിലുണ്ട്.
എന്നാല്‍, ആരെങ്കിലും സത്യസന്ധരോ, ജനാധിപത്യ-മാനവിക മൂല്യങ്ങളില്‍ വിശ്വസിക്കുന്നവരായി സമൂഹത്തില്‍ സ്വന്തം കാലില്‍ നടു നിവര്‍ത്തി നിന്നാല്‍ അവരെ സദാചാര വിരുദ്ധരാക്കി തറവാടികളും, കുടുമ്പത്തില്‍ പിറന്നവരും, ജാതിമത സംഘടനകളുടെ വക്താക്കളും എല്ലാം തെരുവിലിറങ്ങുകയായി ! ഇത്രേം മനുഷ്യര്‍ അടിമകളായി ജാതി-മത-രാഷ്ട്രീയ സംഘടനകള്‍ക്കു പിന്നില്‍ അനുസരണയോടെ നില്‍ക്കുമ്പോള്‍ കൊതുകുപോലുള്ള ഒരു വ്യക്തി നട്ടെല്ലു നിവര്‍ത്തി ഒറ്റക്കു നില്‍ക്കുന്നത് സദാചാരികള്‍ക്ക് സഹിക്കാനാകില്ല. സമൂഹത്തിന്റെ വളര്‍ച്ചയുടെ ഭാഗമായുള്ള വ്യക്തി സ്വാതന്ത്ര്യദാഹത്തെ ഏതൊരു അടിമ വ്യവസ്ഥിതിയിലെ അധികാര വര്‍ഗ്ഗവും ഇങ്ങനെത്തന്നെയാണു നേരിടുക. എന്നിട്ടും സമൂഹത്തില്‍ ഒരുമ്പെട്ട തസ്നി ബാനുമാരും, റെയ്ഹാനമാരും, തസ്ലീമമാരും ഉണ്ടാകുന്നു എന്നത് പ്രതീക്ഷ നല്‍കുന്നു.
പുലരി എന്ന ബ്ലോഗില്‍ “തസ്നിബാനു - മഞ്ചേരി മുതല്‍ എന്‍ ജി ഒ കോർട്ടേഴ്സ് വരെ ” എന്നൊരു പൊസ്റ്റ് വായിച്ചു. ഒറ്റക്ക് നടു നിവര്‍ത്തി നിന്ന ഒരു പെണ്‍കുട്ടിയെ അവരുടെ തന്റേടത്തെ കരിവാരിത്തേച്ച് വികൃതമാക്കുന്നതിനായി , മഞ്ചേരിയില്‍ നിന്നും വലിച്ചു നീട്ടി, എറണാകുളത്തെ എഞ്ചിയൊ ക്വാര്‍ട്ടേഴ്സിലേക്ക് ചേര്‍ത്തുകെട്ടി സ്വഭാവദൂഷ്യവും, സദാചാരവിരുദ്ധതയും എഴുതിപ്പിടിപ്പിക്കാനുള്ള ഒരു ബ്ലോഗറുടെ കുടില ശ്രമം എന്ന് ആ പോസ്റ്റിനെ പറയാം. ചിത്രകാരന്‍ അവിടെ എഴുതിയ കമന്റ് താഴെ കൊടുക്കുന്നു.ഈ വിഷയത്തില്‍ ബസ്സില്‍ നടക്കുന്ന ഒരു ചര്‍ച്ചയുടെ ലിങ്ക്(ഇവിടെ ക്ലിക്കുക)

chithrakaran:ചിത്രകാരന്‍ said...: പരമ്പരാഗതമായ പാളങ്ങളിലൂടെ ജീവിച്ചാലേ ജീവിതമാകു എന്നത് മതപരമായ ഒരു അന്ധവിശ്വാസമാണ്. സ്വതന്ത്രമായ ഒരു ജീവിത കാഴ്ച്ചപ്പാടുണ്ടാകുക, ആ കാഴ്ച്ചപ്പാടിലൂടെ ജീവിക്കുക, അതിന്റെ ഭാഗമായുള്ള പരംബരാഗത മാമൂലുകള്‍ക്കെതിരേയും മതവര്‍ഗ്ഗീയതക്കെതിരേയും പൊതുമനസാക്ഷി ഉണര്‍ത്തുക, വ്യക്തിസ്വാതന്ത്ര്യത്തിനുവേണ്ടിയുള്ള സമരത്തില്‍ വ്യക്തിപരമായനഷ്ടങ്ങള്‍ സഹിക്കുക എന്നതെല്ലാം ഒരു സമൂഹത്തിന്റെ സ്വാതന്ത്ര്യത്തിലേക്കുള്ള പേറ്റുനോവാണെന്ന് മനസ്സിലാക്കാനുള്ള ബുദ്ധിവികാസം നാം പ്രകടിപ്പിക്കേണ്ടിയിരിക്കുന്നു. അല്ലെങ്കില്‍ നാം മനസ്സിലാക്കേണ്ടിയിരിക്കുന്നു. മതാന്ധതയോ, രാഷ്ട്രീയ പാര്‍ട്ടി അടിമത്വമോ ബാധിച്ചവര്‍ക്ക് സ്വന്തമായ ഒരു ജീവിതരീതി വികസിപ്പിക്കാനോ അതിനനുസരിച്ച് ജീവിക്കാനോ സ്വാതന്ത്ര്യമുണ്ടാകില്ല. ആ സ്വാതന്ത്ര്യത്തെക്കുറിച്ച് ചിന്തിക്കുന്നതേ അവരെ ഭയപ്പെടുത്തും. അടിമത്വം സുഖപ്രദമാണെന്ന് വിശ്വസിക്കുന്ന അവരിലൂടെ സമൂഹത്തിനു മുന്നേറാനാകില്ല. സമൂഹത്തിന്റെ ആ പ്രതിസന്ധി മറികടക്കാന്‍ സമൂഹത്താല്‍ സൃഷ്ടിക്കപ്പെടുന്നവരാണ് തസ്നിബാനുവും,അയ്യപ്പ നാസറും, കാസര്‍ഗോട്ടെ പര്‍ദ്ദയണിയാന്‍ ഇഷ്ടപ്പെടാത്ത റെയ്‌ഹാനയും,....മറ്റും മറ്റും. സമൂഹത്തിനുവേണ്ടി സ്വമേധയ കുരിശിലേറ്റപ്പെടാന്‍ തയ്യാറായി വരുന്നവരെ അവര്‍ക്കു കുടുമ്പജീവിതത്തിന്റെ സമാധാനം നഷ്ടപ്പെട്ടെ, അവരുടെ ജീവിതം പരാചയവും, സദാചാരവിരുദ്ധവുമാണേ.... എന്നെല്ലാം വിളിച്ചുകൂവി അസുരവല്‍ക്കരിക്കാനും, രാക്ഷസിയാക്കാനും ശ്രമിക്കുന്നത് സമൂഹത്തിലെ വര്‍ഗ്ഗീയശക്തികളാണ്... അല്ലെങ്കില്‍, തിന്മയുടെ അധികാര കേന്ദ്രങ്ങളായ മതങ്ങളാണ്. സാംസ്ക്കാരികോന്നമനത്തിനും, സാമൂഹ്യമായ വളര്‍ച്ചക്കും,ജനങ്ങളുടെ ബുദ്ധിപരമായ വികാസത്തിനും, ശാസ്ത്രാഭിമുഖ്യത്തിനും, അടിമത്വബോധം ഇല്ലാതാക്കുന്നതിനും ഒഴിച്ചുകൂടാനാകാത്ത വ്യക്തിസ്വാതന്ത്ര്യം നേടിയെടുക്കുന്നതിനുവേണ്ടിയുള്ള സമൂഹത്തിന്റെ ഒറ്റയാള്‍ സമരങ്ങളെ സമൂഹമനസാക്ഷി പിന്തുണക്കുകതന്നെ ചെയ്യും. മതവര്‍ഗ്ഗീയതയുടെ തൊഴുത്തിലെ സമാധാനപൂര്‍വ്വം കഴിഞ്ഞുകൂടുന്ന പര്‍ദ്ദക്കുള്ളിലെ സദാചാര നാട്യത്തേക്കാളും അല്ലെങ്കില്‍ മഠങ്ങളില്‍ തടവിലിടപ്പെടുന്ന കന്യാസ്ത്രീയുടെതിനേക്കാളും പവിത്രവും സത്യസന്ധവുമായ ജീവിതം തെരുവുവേശ്യക്കുപോലുമുണ്ട്. ജീവിതം ധന്യമാകുന്നത് സത്യസന്ധമായ ജീവിതാനുഭവങ്ങള്‍ കൊണ്ടാണ്. ആ സത്യസന്ധത ഇല്ലാത്തവരാണ് മതങ്ങളുടെ വ്യാജ സത്യസന്ധലേബലുകള്‍ക്കടിയില്‍ അടിമകളായോ കപടസദാചാരവാദികളായോ കഴിഞ്ഞുകൂടുന്നത്. തസ്നിബാനു വാസ്തവത്തില്‍ ഇവരുടെ രക്ഷകയാണ് !!! തസ്ലീമയെപ്പോലെ....; June 27, 2011 8:09 PM

മനോരോഗികളുടെ സ്വന്തം നാട് !

2011-06-24T12:05:00.000+05:30

ജാതി മതങ്ങളുടെയും “ഠ” വട്ടത്തിലെ രാഷ്ട്രീയകക്ഷികളുടെയും ഭക്തരും,അടിമകളും,കങ്കാണിമാരുമായ സദാചാര പോലീസിന് മനോരോഗ ചികിത്സ അവശ്യം തന്നെ !!! (വ്യക്തി ബഹുമാനത്തിന്റെ ആദ്യപാഠങ്ങള്‍ സ്ത്രീകള്‍തന്നെ നല്‍കട്ടെ. ചികിത്സക്ക് ആശംസകള്‍ !!)മാത്രുഭൂമിയില്‍ ഇന്നു -24.6.11‌- പ്രസിദ്ധീകരിച്ച മഡോണയുടെ നല്ലൊരു ലേഖനം ഇതോടൊപ്പം ചേര്‍ത്തിരിക്കുന്നു.

അന്യന്റെ ആത്മാഭിമാനത്തെ ബഹുമാനിക്കാത്ത സമൂഹം !

2011-06-22T17:03:00.000+05:30

സദാചാരത്തിന്റെ നൂല്‍പ്പാലത്തിലൂടെ ... അനുവാദം കൂടാതെ അന്യ വ്യക്തിയുടെ സ്വകാര്യതയിലേക്ക് അതിക്രമിച്ചുകടക്കുന്ന മനുഷ്യര്‍ കൊള്ളക്കാരെക്കാളും, മോഷ്ടാക്കളേക്കാളും നികൃഷ്ടമായ സംസ്ക്കാരമുള്ള ജാതിമത വര്‍ഗ്ഗീയ ഭരണം സ്വപ്നം കാണുന്ന വിഢികളാണ്.
(ഇന്നത്തെ- 22.6.11- മാതൃഭൂമി പത്രത്തില്‍ ഒന്നാം പേജില്‍ പ്രസിദ്ധീകരിച്ച വാര്‍ത്തയാണ് മുകളില്‍ സ്കാന്‍ ചെയ്തു ചേര്‍ത്തിരിക്കുന്നത്)

ഇതും മനുഷ്യരുടെ നേട്ടമാണെന്ന് കന്നുകാലികള്‍ എന്നു മനസ്സിലാക്കും ?

2011-06-21T22:12:00.001+05:30

നമ്മുടെ എഞ്ചിനീയര്‍മാരും ഡോക്റ്റര്‍മാരും എന്തുകൊണ്ടാണ് തുലാഭാരം നടത്തുന്ന വെറും കൂലികളാകുന്നത് ???
കൂടുതല്‍ വായിക്കാന്‍: രാത്രിയിലും പ്രവര്‍ത്തിക്കുന്ന സൗരോര്‍ജ്ജ നിലയം

നാണമില്ലാത്ത മലയാളികള്‍

2011-06-20T22:31:00.000+05:30

നിരാഹാര സമരം അശ്ലീലമാകുമ്പോള്‍ ... Irom Sharmila

2011-06-17T12:09:00.001+05:30

പത്തര വര്‍ഷമായി ഒരാള്‍ ഒരു ഗ്ലാസ് വെള്ളം പോലും കുടിക്കാതെ നിരാഹാരം കിടന്നിട്ടും മരിക്കുന്നില്ലെന്നത് ലോകത്ത് ഇന്നേവരെ സംഭവിച്ചുള്ള ആത്ഭുതങ്ങളെയെല്ലാം കവച്ചുവക്കുന്ന സംഭവമാണ്. നിരാഹാരം കിടക്കുന്നത് മരിക്കുന്നതിനു വേണ്ടിയാണ്. താന്‍ ആഗ്രഹിച്ച കാര്യം അധികാര സ്ഥാപനങ്ങളുടെ മാനുഷികത ഉയര്‍ത്തി, ആഗ്രഹ സാഫല്യം നേടുന്നതിനായുള്ള സ്വയം പീഢിത മാര്‍ഗ്ഗങ്ങളിലൊന്നാണ് നിരാഹാര സമരം. തുടങ്ങേണ്ട സമയം തുടങ്ങാനും, നിര്‍ത്തേണ്ട സമയത്ത് നിര്‍ത്താനും നിരാഹാര സത്യാഗ്രഹിക്ക് കഴിയാതെ പോയാല്‍ അതിനെ സമരമാര്‍ഗ്ഗം എന്ന് പറയാനാകില്ല. അതൊരു സഹതാപാര്‍ഹമായ ശാപമാര്‍ഗ്ഗമായിത്തീരും,... നിരാഹാരം കിടക്കുന്നവര്‍ക്കും, നിരാഹാര സമരം കാണുന്നവര്‍ക്കും.
ഈറോം ശാര്‍മ്മിളയുടെ നിരാഹാര സമരം വിജയിപ്പിച്ച് കൊടുക്കേണ്ടത് മാധ്യമങ്ങളുടെ ചുമതലയായിരുന്നെന്ന് നിലവിളിച്ച് കരയുന്നവരാണ് നമ്മള്‍. (വിജയകരമായി അസൂത്രണം ചെയ്ത ചില സമരങ്ങള്‍ക്കു ലഭിക്കുന്ന മീഡിയ കവറേജ് കണ്ടു കണ്ണു മഞ്ഞളിക്കുന്ന പ്രശ്നമാണിത്. അല്ലാതെ, മീഡിയയുടെ കുഴപ്പമല്ല. )
ഈറോം ശാര്‍മ്മിളയുടെ നിരാഹാര സമരം വിജയിക്കാത്തത് മാധ്യമങ്ങളുടെ മാത്രം കുഴപ്പമല്ല. സമരം നടത്തി വിജയിക്കാന്‍ കഴിവില്ലാത്തവര്‍ സമരം നടത്തരുത്. എത്രയോ വര്‍ഷം മുന്‍പ് പരാജയം സമ്മതിച്ച് നിര്‍ത്തേണ്ടീരുന്ന നിരാഹാര സമര അത്ഭുതമാണ് ഈറോ ശര്‍മ്മിളയുടേത്. അല്ലെങ്കില്‍ അന്തസ്സായി മരിക്കാമായിരുന്നു. മരിക്കാന്‍ ഭയമുള്ളവര്‍ ദയവായി നിരാഹാര സമരത്തിനിറങ്ങരുതായിരുന്നു. നിരാഹാര സമരം അശ്ലീലമാക്കുന്നതില്‍ ശര്‍മ്മിളക്കും രാംദേവ് ബാബമാര്‍ക്കും കാര്യമായ സംഭാവന നല്‍കാനായിട്ടുണ്ടെന്ന് ചുരുക്കം.
അശ്ലീലമായി മാറിയ ഈറോം ശര്‍മ്മിളയുടെ നിരാഹാര സമരം ഇനിയെങ്കിലും അവസാനിപ്പിക്കണമെന്ന് ചിത്രകാരന്‍ അഭ്യര്‍ത്ഥിക്കുന്നു.
ഒരു ബസ്സ് ലിങ്ക് : https://profiles.google.com/rakeshkonni/posts/5Epc3TyWWMb

മന്ത്രവാദികളായ നമ്പൂതിരിമാരുടെ തട്ടിപ്പുകള്‍ !!!

2011-06-17T01:02:00.002+05:30

പൂണൂലിട്ട് , മന്ത്രവാദമെന്ന തട്ടിപ്പുകുലത്തൊഴിലുമായി നടക്കുന്ന നമ്പൂതിരിമാരെ നമ്മുടെ സമൂഹത്തിന് ഇപ്പോഴും വളരെ ബഹുമാനമാണെന്നത് രസകരമായ യാഥാര്‍ത്ഥ്യമാണ്. ജനങ്ങളെ വഞ്ചിക്കുന്നതിനും കബളിപ്പിക്കുന്നതിനുമായി മന്ത്രവും തന്ത്രവും സംബന്ധവും നടത്തുകയും, ഇത്രയും തല്ലുകൊള്ളിത്തരം നടത്തിയിട്ടും സമൂഹത്തിലേ ഏറ്റവും ശ്രേഷ്ടരെന്ന സല്‍പ്പേരില്‍ കഴിഞ്ഞുകൂടുകയും ചെയ്യുന്ന നമ്പൂതിരിമാരെ സത്യത്തിലാരും തിരിച്ചറിയുന്നില്ലെന്നത് ലോകാത്ഭുതങ്ങളിലൊന്നായി കണക്കാക്കേണ്ടതാണ്. :) നമ്മുടെ സമൂഹത്തെ സഹസ്രാബ്ദങ്ങളായി കബളിപ്പിച്ചുകൊണ്ടിരിക്കുന്ന അല്ലെങ്കില്‍ ചൂഷണം ചെയ്തുകൊണ്ടിരിക്കുന്ന മന്ത്രവാദികളായ നമ്പൂതിരിമാരെ നന്നായൊന്നു പരിഹസിക്കാനുള്ള സാമാന്യബോധം പോലും ജനത്തിനില്ലാത്തതിന്റെ കാരണം കണ്ടുപിടിക്കേണ്ടിയിരിക്കുന്നു. എന്തിന്, നമ്മുടെ സര്‍വ്വശക്തനായ ദൈവത്തെ ചുട്ടെടുത്തതിനുശേഷം അന്തരീക്ഷത്തില്‍ പറത്താന്നുള്ള അത്ഭുതസിദ്ധീയുള്ള വീരശൂരപരാക്രമികളായ യുക്തിവാദികളും കമ്മ്യൂണിസ്റ്റ് സൈദ്ധാന്തികരും വരെ മന്ത്രവാദികളായ നമ്പൂതിരിമാര്‍ക്കു മുന്നില്‍ ഓച്ഛാനിച്ചേ നില്‍ക്കു. അതൊരു ശീലമായിപ്പോയി !!

ജനാധിപത്യഭരണം വരുന്നതോടെ ജനങ്ങള്‍ക്ക് ബുദ്ധിവികാസമുണ്ടാകുമെന്നും, ഭാവിയില്‍ തങ്ങളുടെ മന്ത്രവാദ കുലത്തൊഴില്‍ ഡിമാന്റില്ലാതെ കുറ്റിയറ്റുപോകുമെന്നും ദുസ്വപ്നം കണ്ടിരുന്ന നമ്പൂതിരിമാര്‍ ഇപ്പോള്‍ ആശ്വാസം കൊള്ളുകയാണ്. പ്രതീക്ഷിച്ചതുപോലെ ജനങ്ങള്‍ക്കു ബുദ്ധി വികസിക്കുന്നില്ലെന്നു മാത്രമല്ല, ഉള്ള ബുദ്ധിതന്നെ കുറഞ്ഞുവരികയുമാണ്. ഈ വിലയിരുത്തലിന്റെ ഭാഗമായി , മന്ത്രവാദികളായ നമ്പൂതിരിമാര്‍ ആധുനികശാസ്ത്രത്തിന്റെ നടത്തിപ്പും, പരീക്ഷണ നിരീക്ഷണങ്ങളുടെ സൈദ്ധാന്തികമായ വിശദീകരണ ജോലികളും സ്വയം എറ്റെടുത്ത് പാവം ബുദ്ധിയില്ലാത്ത ജനത്ത സഹായിക്കാമെന്ന് തീരുമാനിച്ചിരിക്കയാണ്. ഇന്ത്യന്‍ ബഹിരാകാശ ഗവേഷണ സ്ഥാപനങ്ങളിലും, ശാസ്ത്ര സാങ്കേതിക ഉപദേശക സമിതിയിലുമൊക്കെ നിലവിലുള്ള ശൂദ്ര മേധാവികളുടെ കസേരക്കു മുകളില്‍ മന്ത്രവാദികളായ നമ്പൂതിരിമാര്‍ക്ക് സംവരണം ചെയ്തിട്ടുള്ള ശാസ്ത്ര സൈദ്ധാന്തിക കസേര ഒഴിച്ചിടേണ്ടതിന്റെ ആവശ്യകതയിലേക്കാണ് കാര്യങ്ങാളുടെ പോക്ക് ! കേരളത്തിലെ മിക്ക പത്ര മാധ്യമങ്ങളും ശൂദ്രരായ ജേണലിസ്റ്റുകളുടെ ഭരണത്തിലായതിനാല്‍ മന്ത്രവാദികളായ നമ്പൂതിരിമാര്‍ അരുളിചെയ്യുന്ന ശാസ്തസത്യങ്ങള്‍ വള്ളിപുള്ളി നഷ്ടപ്പെടാതെ പഞ്ചാമൃതമായി ജനങ്ങളിലെത്തിച്ചുകൊള്ളും. അങ്ങനെ അതിരാത്ര മന്ത്രവാദങ്ങളും, പുത്രകാമേഷ്ടിയാഗങ്ങളും... എല്ലാമായി നമ്പൂതിരിമാര്‍ക്ക് ഖുശിയായി :)

പാഞ്ഞാളില്‍ ഇയ്യിടെ നടന്ന അതിരാത്രം എന്നപേരിലുള്ള നമ്പൂതിരിമാരുടെ മന്ത്രവാദ തട്ടിപ്പിനെ പൊളിച്ചടുക്കിക്കൊണ്ട് സൂരജിന്റെ പോസ്റ്റുകള്‍ പലയിടത്തായി വായിച്ചു. തീര്‍ച്ചയായും വായിക്കപ്പെടുകയും, സൂക്ഷിച്ചുവക്കുകയും ചെയ്യേണ്ടതായ ആ ലേഖനങ്ങളിലേക്കുള്ള ലിങ്കുകള്‍ താഴെ കൊടുക്കുന്നു :

ജനത്തെ വടിയാക്കുന്ന "അതിരാത്ര"ശാസ്ത്രം

Pseudo science in the name of 'Athirathram' | ജനത്തെ വടിയാക്കുന്ന "അതിരാത്ര"ശാസ്ത്രം | Ma

സൂരജിന്റെ ബസ്സ്

ഹുസൈനു പ്രണാമം ! M.F. Husain

2011-06-09T23:23:00.005+05:30

ഇന്ത്യയുടെ എറ്റവും മഹാനായ ചിത്രകാരനായിരുന്നു എം.എഫ്.ഹുസൈന്‍ . ഇന്ത്യയിലെ സവര്‍ണ്ണ ഹൈന്ദവ തീവ്രവാദികളുടെ സംഘടിതമായ ദ്രോഹം നൂറുകണക്കിന് കേസുകളായി അദ്ദേഹത്തിന്റെ ജീവിതം ദുസ്സഹമാക്കിയപ്പോള്‍ ഇന്ത്യ വിട്ടുപോകേണ്ടിവന്ന ഇന്ത്യയുടെ എക്കാലത്തേയും വലിയ ചിത്രകാരനായിരുന്നു എം.എഫ്.ഹുസൈന്‍. ബാലിശമായ പുരാണേതിഹാസങ്ങളെ ചരിത്രത്തിന്റെ സ്ഥാനത്ത് പ്രതിഷ്ഠിച്ച്, അതുമാത്രമാണ് ഇന്ത്യയുടെ ചരിത്രമെന്ന് വിശ്വസിക്കുകയും,പ്രചരിപ്പിക്കുകയും, ദുരഭിമാനം കൊള്ളുകയും ചെയ്യുന്ന സവര്‍ണ്ണ ഹിന്ദുക്കള്‍ അധികാരം കയ്യാളുന്ന ഇന്ത്യയില്‍ സത്യസന്ധനായ ഒരു ചിത്രകാരനെ ഉള്‍ക്കൊള്ളാനുള്ള ഹൃദയവികാസമുണ്ടാകില്ലെന്നത് സ്വാഭാവികമാണ്. സവര്‍ണ്ണ വര്‍ഗ്ഗീയത ശക്തിപ്പെടുത്തുന്നതിന്റെ ഭാഗമായി ഇസ്ലാമിക വിഗ്രഹങ്ങളെയും വികാരങ്ങളേയും മുസ്ലീം സമൂഹത്തേയും വേട്ടയാടിക്കൊണ്ടിരിക്കുന്ന സംസ്ക്കാരവിരുദ്ധ ഹൈന്ദവ സംഘടനകള്‍ എം.എഫ്.ഹുസൈന്റെ ദശാബ്ദങ്ങാള്‍ക്കു മുന്‍പുള്ള ചിത്രങ്ങളില്‍ ഹിന്ദുമത നിന്ദ അടിച്ചേല്‍പ്പിച്ച് , അതിനെതിരെ പ്രതിഷേധങ്ങളും കേസുകളുമായി ഹുസൈനെ ഗതിമുട്ടിക്കുന്ന ആസൂത്രിത നീക്കമാണ് നടത്തിയത്. സവര്‍ണ്ണ സംഘടനകള്‍ക്കു മുന്നില്‍ മുട്ടുമടക്കാന്‍ കൂട്ടാക്കാതിരുന്ന ഹുസൈന്‍ ഗള്‍ഫ് രാജങ്ങളിലേക്ക് മാറിത്താമസിക്കുകയും , അംഗീകാരം പോലെ ലഭിച്ച ഖത്തര്‍ പൌരത്വം സ്വീകരിക്കുകയും ചെയ്തു. സവര്‍ണ്ണ ഹിന്ദു മത സംഘടനകളുടെ ദ്രോഹം സഹിക്കവയ്യാതെ മാതൃരാജ്യവും, പൌരത്വവും ഉപേക്ഷിക്കേണ്ടിവന്ന എം.എഫ്.ഹുസൈനെ നഷ്ടപ്പെടുത്തുന്നതിലൂടെ ഇന്ത്യ ലോകത്തിനു മുന്നില്‍ പരിഹാസ്യയായെന്നു പറയാം. ബാബറി മസ്‌ജിദ് തകര്‍ത്തതുപോലൊരു നാണം കെട്ട ഫാസിസ്റ്റ് നടപടിയാണ് സവര്‍ണ്ണ ഹിന്ദു സംഘടനകള്‍ ഹുസൈനെ നാടുകടത്തിയതിലൂടെ ഉയര്‍ത്തിപ്പിടിച്ചത്.

കലണ്ടര്‍ ചിത്രകാരനായിരുന്ന രവിവര്‍മ്മ ഉണ്ടാക്കിയ പഴഞ്ചന്‍ ചിത്രകലാബോധത്തില്‍ നിന്നും മുക്തരാകാത്ത ഇന്ത്യക്കാരെ സംബന്ധിച്ച് എം.എഫ്.ഹുസൈന്റെ ചിത്രങ്ങളുടെ മൂല്യം ബോധ്യപ്പെടില്ല. ഫോട്ടോഗ്രാഫി ഇത്രയും വികസിച്ചു നില്‍ക്കുന്ന കാലഘട്ടമായിരുന്നിട്ടുപോലും ഫോട്ടോ പോലെ മിനുപ്പിച്ചും കൊഴുപ്പിച്ചും വരക്കുന്ന (വൃഥാവ്യായാമം)മാംസള ചിത്രങ്ങളാണ് മികച്ച ചിത്രങ്ങളെന്ന് കരുതുന്ന സൌന്ദര്യബോധത്തെ തകര്‍ത്തു കളയാനെങ്കിലും നാം കൂടെക്കൂടെ ഹുസൈന്റെ ചിത്രങ്ങള്‍ കാണുകയും പഠിക്കുകയും ചെയ്യേണ്ടിയിരിക്കുന്നു.

ഇന്ത്യയുടെ ഏറ്റവും പ്രശസ്തനും ഊര്‍ജ്ജസ്വലനുമായിരുന്ന മഹാനായ ചിത്രകാരന്‍ എം.എഫ്.ഹുസൈന്റെ ഓര്‍മ്മക്കു മുന്നില്‍ ചിത്രകാരന്റെ ആദരാജ്ഞലികള്‍ !

ബസ്സില്‍ നിന്നും കിട്ടിയ ഹുസൈന്റെ ചിത്രങ്ങള്‍(താഴെ കാണാം) ശേഖരിച്ചുവക്കാനെഴുതിയ പോസ്റ്റാണിത്.തീര്‍ച്ചയായും വായിക്കുകയും കാണുകയും ചെയ്യേണ്ടതായ ഹുസൈനെക്കുറിച്ചുള്ള ലേഖനത്തിന്റെ ലിങ്ക് (ഇവിടെ ക്ലിക്കുക)

1972:

പാര്‍ട്ടിക്ക് സവര്‍ണ്ണ മനോരോഗമോ ?

2011-06-03T17:28:00.000+05:30

പേരും ഭാവവും വിപ്ലവ പാര്‍ട്ടി, ... തൊഴിലാളി വര്‍ഗ്ഗ അധസ്ഥിത രക്ഷക പുരോഗമന പാര്‍ട്ടി .... എന്നൊക്കെയാണെങ്കിലും ഇ.എം.എസ്. നമ്പൂരിയുടെ (പണ്ടു കെ.ആര്‍.ഗൌരിയേയും ടി.വി.തോമസിനേയും കുടുമ്പം കലക്കി ദ്രോഹിച്ച മഹനീയ കുനിഷ്ട് പാരമ്പര്യം ഓര്‍ക്കുക) കുടിലസവര്‍ണ്ണ പ്രേതബാധയില്‍ നിന്നും പാര്‍ട്ടി രക്ഷപ്പെടുന്ന മട്ടില്ല. പാര്‍ട്ടി നേതൃത്വം ഉന്നതമൂല്യങ്ങളില്‍ നിന്നും പിന്നോട്ട് നടന്ന് അകലുകയും, അണികള്‍ ഒറ്റക്ക് പുരോഗമന വീഥി തിരഞ്ഞെടുക്കേണ്ടി വരികയുമാണ്. മാധ്യമ രംഗത്ത് വിസ്ഫോടനാത്മകമായ പുരോഗതി കൈവന്നിട്ടുള്ള ഇക്കാലത്ത് ഇനി പണ്ടേപ്പോലെ ഞൊണ്ടി ന്യായങ്ങള്‍ പറഞ്ഞ് പൊട്ടന്‍ കളിക്കാനാകില്ലെന്ന് അണികള്‍ക്കറിയാമെങ്കിലും ദന്തഗോപുരവാസികളായ പാര്‍ട്ടി നേതാക്കള്‍ക്ക് അറിയില്ലെന്നു തോന്നുന്നു. പാര്‍ട്ടി ഭാരവാഹികളെ പിടിച്ചുകൊണ്ടുപോയി വല്ല മനോരോഗ ചികിത്സാലയത്തിലും അഡ്മിറ്റ് ചെയ്യിപ്പിക്കേണ്ട ഗതികേട് അണികള്‍ക്കുണ്ടാകാതിരിക്കട്ടെ എന്ന് ആശിക്കാം.
പ്രണയ വിവാഹത്തെത്തുടര്‍ന്ന് പഞ്ചായത്ത് പ്രസിഡന്റ് സ്ഥാനം രാജിവക്കേണ്ടിവന്ന പാര്‍ട്ടി പ്രവര്‍ത്തകയായ മിനിമോള്‍ക്കും, ഭര്‍ത്താവ് ജയനും ചിത്രകാരന്റെ വിപ്ലവാഭിവാദ്യങ്ങള്‍ !!!!
(ഇതോടൊപ്പം ചേര്‍ത്തിരിക്കുന്ന പത്ര വാര്‍ത്ത ഇന്നത്തെ മക്തബ് പത്രത്തില്‍ നിന്നുള്ളതാണ്.)

പാണന്മാര്‍ pananmar

2011-05-27T23:57:00.003+05:30

'പണ്‍' എന്ന വാക്കില്‍ നിന്നും പദനിഷ്പത്തി. പണ്‍ എന്നാല്‍ രാഗം. പാണന്മാര്‍ ഗായകന്മാരുടെ വംശമത്രേ.(യേശുദാസന്‍ പാണനാണ് !) സംഘകാലത്തു പാണന്മാര്‍ക്ക് അയിത്തം കല്‍പ്പിച്ചിരുന്നില്ല. ഇവര്‍ ദൂതന്മാരായും പ്രവര്‍ത്തിച്ചിരുന്നു. തിരുവരങ്ങത്തു പാണനാരുടെ വംശപരമ്പരയില്‍പ്പെട്ടവരാണെന്ന് വിശ്വാസം. തുയിലുണര്‍ത്ത്, മന്ത്രവാദം(നമ്മുടെ നമ്പൂതിരിമാരുടെ ഇപ്പോഴത്തെ കുലത്തൊഴില്‍(|അതിരാത്രം- മന്ത്രവാദി നാടകം !!! Athirathram) -ചിത്രകാരന്റെ വക ! ‍), ഓലക്കുട ഉണ്ടാക്കല്‍ എന്നിവയാണു പാണന്മാരുടെ കുലത്തൊഴിലുകള്‍. തയ്യല്‍പ്പണി ചെയ്യുന്നവരും ഉണ്ട്. പ്രേതോച്ചാടനം, മന്ത്രവാദം എന്നിവയില്‍ ഏര്‍പ്പെട്ടു ജീവിച്ചുപോന്ന വര്‍ഗ്ഗമാണ് പാണന്മാര്‍. കേരളീയ സമൂഹത്തില്‍ കണിയാന്മാര്‍ക്കു(പണിക്കര്‍) തുല്യമായ സ്ഥാനം പാണന്മാര്‍ക്കുണ്ട്. താഴ്വരകളിലേക്ക് കുടിയേറിപ്പാര്‍ത്ത മലയന്മാരായിരിക്കണം പാണന്മാര്‍ എന്നൊരു വാദമുണ്ട്. 1891-ലെ മദ്രാസ് സെന്‍സസ് റിപ്പോര്‍ട്ടനുസരിച്ച് , ചില പ്രദേശങ്ങളില്‍ മലയന്മാര്‍ എന്നാണ് പാണന്മാര്‍ അറിയപ്പെടുന്നത്. (കേരളത്തിന്റെ സംസ്ക്കാരവും, മനപ്പൂര്‍വ്വം നശിപ്പിക്കപ്പെട്ട സാഹിത്യവും, മലയാള ഭാഷയും ആരംഭിക്കുന്നത് മലയന്മാരില്‍നിന്നുമാണ്. മല ആളുന്നവരുടെ ഭാഷയാണ് മലയാളമായിത്തീര്‍ന്നത് - ചിത്രകാരന്റെ നിരീക്ഷണം ! ) തെക്കന്‍ പ്രദേശങ്ങളില്‍ ‘കൊറവന്മാര്‍’ എന്നാണ് പാണര്‍ അറിയപ്പെടുന്നതെന്ന് അനന്തകൃഷ്ണയ്യര്‍ രേഖപ്പെടുത്തിയിട്ടുണ്ട്. പ്രാചീനമായ ദക്ഷിണഭാരത ജനവര്‍ഗ്ഗങ്ങളിലൊന്നാണ് പാണര്‍ സമുദായം.

എല്ലാ കേരളീയ ഗ്രാമങ്ങളിലും രണ്ടു മൂന്നു പാണക്കുടികളെങ്കിലും കാണും. മുറക്കല്ല്യാണം പാണന്മാര്‍ക്കിടയില്‍ സാധാരണമാണ്. വിധവക്ക് ഭര്‍തൃസഹോദരനെ വിവാഹം ചെയ്യാം.പാണന്മാര്‍ക്കിടയില്‍ പിതൃദായക്രമമാണ് നിലനിന്നുപോന്നിട്ടുള്ളത്.

കാളി, ചൊടലക്കറുപ്പന്‍, ചൊടലഭദ്രകാളി, യക്ഷി, ഗന്ധര്‍വ്വന്‍, ഹനുമാന്‍, പേച്ചി, ഊടറക്കറുപ്പന്‍, ചംഗിളിക്കറുപ്പന്‍, തുടങ്ങിയ ഭീകര ദേവതകളെയാണ് പാണര്‍ പരമ്പരയാ ആരാധിച്ചുപോരുന്നത്. ഇന്നിപ്പോള്‍ ഹൈന്ദവ ക്ഷേത്രങ്ങളിലാണിവര്‍ കൂടുതലും പോകുന്നത്. മാന്ത്രിക ബാല ചികിത്സയില്‍ നിഷ്ണാതരാണു പാണന്മാര്‍. ‘പാതാളഹോമം’ എന്നറിയപ്പെടുന്ന അനുഷ്ടാനത്തിലൂടെ പാണന്മാര്‍ ഭൂതപ്രേതബാധകള്‍ ഒഴിപ്പിക്കാറുണ്ടെന്ന് അറിയുന്നു.

പാണന്മാരുടെ അനുഷ്ടാനങ്ങളില്‍ പ്രധാനം തുയിലുണര്‍ത്ത്, പാണര്‍കളി എന്നിവയാണ്. തിന്മയെ ഉച്ചാടനം ചെയ്യാനും നന്മയെ തോറ്റിയുണര്‍ത്താനും ഉദ്ദിഷ്ടമാണ് തുയിലുണര്‍ത്ത്. കര്‍ക്കടകത്തിലും ചിങ്ങമാസത്തിലും തുയിലുണര്‍ത്തുപാട്ട് പതിവുണ്ട്. പാണനും പാണത്തിയും ചേര്‍ന്നാണ് തുയിലുണര്‍ത്തു പാടുന്നത്. (തുയില്‍ = ഉറക്കം). പണ്ട് മഹാവിഷ്ണു ( ബ്രാഹ്മണ സവര്‍ണ്ണ മതം മുന്നോട്ടുവക്കുന്ന ഹൈന്ദവ ദൈവങ്ങളുടെ ഹെഡോഫീസറായ നപുംസക ദൈവം-പണ്ട് മോഹിനിരൂപം ധരിച്ച് ശിവേട്ടനുമായി പ്രകൃതിവിരുദ്ധ ലൈഗീകതയിലൂടെ അയ്യപ്പനെ സൃഷ്ടിച്ച ആണും പെണ്ണും കെട്ട ആഭാസന്‍ ദൈവം ! - ചിത്രകാരന്റെ കാഴ്ച്ചപ്പാട് ) യോഗനിദ്രയിലാണ്ട് , പ്രപഞ്ചം അസ്തപ്രഭവും നിശ്ചലവുമായിത്തീര്‍ന്നെന്നും, ദേവന്മാര്‍ പോലും അദ്ധേഹത്തെ ഉണര്‍ത്താന്‍ ശ്രമിച്ചു പരാജയപ്പെട്ടുവെന്നും, തിരുവരങ്ങത്ത് (ശ്രീരാഗം) പാണനാര്‍ തുടികൊട്ടിപ്പാടി അദ്ദേഹത്തെ ഉണര്‍ത്തിയെന്നുമുള്ള ഐതിഹ്യം പ്രഖ്യാതമാണ്. പാണനാരുടെ വംശപരമ്പരയില്‍പ്പെട്ട പാണന്മാര്‍, തുയിലുണര്‍ത്തിനെ കുലധര്‍മ്മം ആയി ആചരിച്ചുപോരുകയാണെന്ന് വിശ്വസിക്കപ്പെടുന്നു. പാണന്മാര്‍ പലരും പഴയകാലത്ത് ഗായകരും കവികളുമൊക്കെ ആയിരുന്നുവെന്നകാര്യം ശരിയാണ്. തമിഴിലെ സംഘസാഹിത്യത്തില്‍ ഇതിനുള്ള തെളിവുകള്‍ ഉണ്ട്. ഔവ്വയാര്‍ എന്ന കവയിത്രി പാണത്തിയായിരുന്നു.

രണ്ടു പാണത്തികളും പത്തു പാണന്മാരും ചേര്‍ന്നു നടത്തുന്ന നൃത്തഗീതപ്രധാനമായ ദൃശ്യകലയാണ് പാണര്‍കളി. ഈ വംശീയ ദൃശ്യകല ഇന്ന് ഏറെക്കുറെ ലുപ്തപ്രചാരമായിക്കഴിഞ്ഞിരിക്കുന്നു.
.......................................................................................................................

ഡോ. നെല്ലിക്കല്‍ മുരളീധരന്‍ എഴുതിയ കേരള ജാതി വിവരണം എന്ന പുസ്തകത്തില്‍ നിന്നും ലഭിച്ച പാണരെക്കുറിച്ചുള്ള വിവരണമാണ് മുകളില്‍ ചേര്‍ത്തിരിക്കുന്നത്. വെറും പാണ്ഡിതവീക്ഷണം ഉപ്പിടാത്ത കഞ്ഞിപോലെ വായനക്കാര്‍ക്ക് താല്‍പ്പര്യം കുറക്കുമെന്നതിനാല്‍ ചിത്രകാരന്‍ രണ്ടോ മൂന്നോ സ്ഥലത്ത് ബ്രാക്കറ്റിട്ട് ആവശ്യമായ ഉപ്പ് ചേര്‍ത്ത് ചൂടാക്കാന്‍ ശ്രമിച്ചിട്ടുണ്ട്.കള്ള ചരിത്രങ്ങള്‍ ചമച്ച് സദാചാരികളും, സനാതനികളുമായി ബസ്സില്‍ ഗീര്‍വാണമടിക്കുന്ന സവര്‍ണ്ണ വര്‍ഗ്ഗീയവാദികള്‍(ജാതി-മത ഭ്രാന്തന്മാരും നമ്മുടെ സഹോദരങ്ങളാണ് !) ദുരഭിമാനം ആളിക്കത്തിച്ച് നമ്മുടെ സമൂഹത്തിലെ നാസി പടയാളികളാകാന്‍ വെമ്പുമ്പോള്‍ മനുഷ്യസ്നേഹികളും ചിന്തകരും വീണവായിച്ചും കഥകളികണ്ടും മത്തുപിടിച്ചിരുന്നുകൂട. സാംസ്ക്കാരികമായിത്തന്നെ സവര്‍ണ്ണ ഗൂഢതന്ത്രങ്ങള്‍ തുറന്നുകാണിക്കേണ്ടതുണ്ട്.
നമ്മുടെ സമൂഹം അധികാരത്തിന്റെ തണലിലുള്ള സവര്‍ണ്ണരുടെ ചരിത്രവും, സംസ്ക്കാരവും, സാഹിത്യവും,കലയും മാത്രമേ പുറത്തുകാണിക്കാന്‍ യോഗ്യമായിട്ടുള്ളു എന്ന വിശ്വാസം വച്ചുപുലര്‍ത്തുന്നതിനാല്‍ മറ്റ് ജനവിഭാഗങ്ങള്‍ സംസ്ക്കാരശൂന്യരായി ധ്വനിപ്പിക്കപ്പെടുന്നുണ്ട്. ഇതില്ലാതാക്കാന്‍ അവര്‍ണ്ണരുടെ ലഭ്യമായ ചരിത്രങ്ങളും പൊതുധാരയിലെത്തിക്കാന്‍ മാനവികമായും, ജനാധിപത്യപരമായും ചിന്തിക്കുന്ന സമൂഹം ശ്രദ്ധിക്കേണ്ടിയിരിക്കുന്നു. അതിന്റെ ഭാഗമായാണ് പാണരെക്കുറിച്ചു ലഭിച്ച ചെറിയൊരു വിവരം പോസ്റ്റാ‍ക്കുന്നത്.

വംശനാശംവന്ന കേരള ക്ഷത്രിയര്‍ !!

2011-05-23T20:52:00.002+05:30

ഹരീഷ് തൊടുപുഴയുടെ ഒരു ബസ്സ് പോസ്റ്റില്‍ കേരളത്തിലെ മിക്ക ജാതിക്കാരായ കുടിയന്മാരുടെ കൂടെയും കക്ഷി മദ്യപിച്ചിട്ടുണ്ടെന്ന് പറഞ്ഞിരുന്നു. അപ്പോള്‍ മത്തായി വിഷന്‍ എന്ന ബസ്സര്‍ക്ക് ഒരു സംശയം.... “ക്ഷത്രിയരായ കുടിയന്മാരെ ആരെയും കിട്ടിയില്ലേ” എന്ന് ! നമ്പൂതിരി സംബന്ധം നിന്നുപോയതിനാല്‍ ഏതാണ്ട് ഒരു അന്‍പതു കൊല്ലക്കാലമായി പുതിയ ക്ഷത്രിയര്‍ ജനിക്കാതായതിനെത്തുടര്‍ന്ന് വംശനാശം വന്ന ജാതിയാണ് കേരളത്തിലെ ക്ഷത്രിയര്‍ എന്ന ചരിത്ര വസ്തുത ഒരു റിഷെയര്‍ പോസ്റ്റിലൂടെ ചിത്രകാരന്‍ എഴുതി ചെര്‍ക്കുകയുണ്ടായി. അതാണ് താഴെ കൊടുത്തിരിക്കുന്നത് :

chithrakaran kerala - Buzz - Public - Muted

“Mathayi Vision - ക്ഷത്രിയരെ ആരേം കിട്ടീല്ലേ?5/22“

കേരളത്തില്‍ ക്ഷത്രിയരുടെ കൂടെയിരുന്ന് കള്ളു കുടിക്കണമെന്ന് ആരെങ്കിലും ആഗ്രഹിച്ചാല്‍ നടക്കാനിടയില്ല. കാരണം വിരലിലെണ്ണാവുന്ന ക്ഷത്രിയരെ കേരളത്തില്‍ ഇപ്പോള്‍ ജീവിച്ചിരിപ്പുള്ളു. ജീവിച്ചിരിക്കുന്നവര്‍ തന്നെ കിഴവന്മാരുമായി. ഒറിജിനല്‍ ക്ഷത്രിയര്‍ കേരളത്തിലില്ലാത്തതുകൊണ്ട് , പണ്ട് ആഢ്യന്‍ നമ്പൂതിരിമാര്‍ കഷ്ടപ്പെട്ട് രാജകൊട്ടാരങ്ങളില്‍ താമസിച്ച് ഉണ്ടാക്കിയിരുന്ന ക്ഷത്രിയന്മാരുടെ പ്രൊഡക്ഷന്‍ ഇപ്പോള്‍ നിന്നുപോയിരിക്കയാണല്ലോ. അതായത് നിലവിലുള്ള വര്‍മ്മകള്‍ എത്ര അദ്ധ്വാനിച്ചാലും ഉണ്ടാകുന്നത് വര്‍മ്മയാകില്ല , ശൂദ്രനാകും(നായര്‍,മേനോന്‍) ! പിന്നെ വര്‍മ്മ എന്നൊക്കെ ആര്‍ക്കും പേരിന്റെ പുറകെ വാലായി തൂക്കിയിടാന്‍ ജനാധിപത്യ ഭരണം അനുവദിക്കുന്നുണ്ടെന്നതിനാല്‍ ഡ്യൂപ്ലികേറ്റ് വര്‍മ്മകള്‍ക്ക് പഞ്ഞമില്ലെന്നുമാത്രം :)
ഞരളത്ത് രാമപൊതുവാളിന്റെ മകന്‍, ഞരളത്ത് ഹരിഗോവിന്ദന് അങ്ങാടിപ്പുറം തിരുമാന്താം കുന്ന് ഭഗവതി കാവില്‍ സോപാനം പാടാന്‍ പാടില്ലാത്തതും ഈ ശൂദ്ര പ്രശ്നം കൊണ്ടുതന്നെ. പൊതുവാളിന്റെ മകന്‍ ഒരിക്കലും പൊതുവാളാകില്ല, നായരേ ആകു. നായര്‍ ശൂദ്രനായതിനാല്‍ ക്ഷേത്ര സോപാനത്തില്‍ കയറി നില്‍ക്കാനോ പാടാനോ ഈ ജനാധിപത്യ കേരളത്തിലും അര്‍ഹനയിട്ടില്ലെന്ന് ചുരുക്കം. പൊതുവാളുടെ അമ്പലവാസിയായ ഭാര്യയെ ഒരു നമ്പൂതിരി ഗര്‍ഭിണിയാക്കിയാല്‍ മാത്രമേ പൊതുവാളു ജനിക്കു. അയാള്‍ക്കു മാത്രമേ സോപാനത്തില്‍ കേറാന്‍ അവകാശമുള്ളു. ഇതു സവര്‍ണ്ണ ജാതിയുടെ പ്രശ്നം മാത്രമല്ല, ജനാധിപത്യ സംവിധാനത്തില്‍ ഇന്നും നിലനില്‍ക്കുന്ന ജനാധിപത്യ വിരുദ്ധമായ ജാതി വിവേചനത്തിന്റെ പ്രശ്നം കൂടിയാണ്.
http://chithrakarans.blogspot.com/2011/05/blog-post_21.html
യേശുദാസന്‍ പാണനാണ് !Edit
ഹരീഷിന്റെ ബസ്സ് പോസ്റ്റിലേക്കുള്ള ലിങ്ക്.

മത്താപ്പിനെ ഞെക്കി പഴുപ്പിച്ചു !

2011-05-21T01:03:00.001+05:30

കോളേജില്‍ പഠിക്കുന്ന ഒരു കുട്ടി തനിക്കറിയാത്ത സാമൂഹ്യ യാഥാര്‍ത്ഥ്യങ്ങളുടെ വറചട്ടിയിലേക്ക് എടുത്തുചാടി,പറഞ്ഞുകേട്ട ജാത്യാഭിമാനത്തിന്റെ തീവ്രതയില്‍ നായര്‍ ജാതീയതയുടെ തനത് വര്‍ഗ്ഗീയ അഭ്യാസപ്രകടനങ്ങള്‍ നടത്തിയപ്പോള്‍ പരിചയമുള്ളവരെല്ലാം ആ കുട്ടിയെ പിന്തിരിപ്പിക്കാന്‍ ശ്രമിച്ചുകൊണ്ടിരുന്നു. പക്ഷേ, കുട്ടിയെന്നോ വലിയവരെന്നോ, പ്രശസ്തരെന്നൊ, അപ്രസസ്തരെന്നോ, ശക്തരെന്നോ, അശക്തരെന്നോ കണക്കാക്കാതെ ഏവര്‍ക്കും തുല്യ അവസരങ്ങള്‍ നല്‍കുന്ന നെറ്റ് എന്ന മാധ്യമത്തില്‍ സ്വയം നിയന്ത്രണത്തിനേ ശക്തിയുള്ളു എന്നതിനാല്‍ പയ്യന്‍ ആരേയും ഗൌനിക്കാതെ നന്നായി ആഞ്ഞുവെട്ടിക്കൊണ്ടിരുന്നു. കൂട്ടത്തില്‍ ഗുരുതരമായി തന്റെ ചുരികത്തലപ്പുതന്നെ ശരീരത്തില്‍ ആഴത്തിലുള്ള മുറിവുകളുണ്ടാക്കിത്തുടങ്ങിയപ്പോള്‍ ആത്മസുഹൃത്തുക്കള്‍ വാതിലടച്ച് ബ്ലോക്കി പ്രതിഷെധിച്ചു. കാര്യം പിടികിട്ടിയില്ലെങ്കിലും, പന്തികേടുണ്ടെന്ന് പയ്യനു ബോധ്യപ്പെട്ടിരിക്കണം. നായര്‍ ജാതീയ പടയാളിയായി വീരപരാക്രമങ്ങള്‍ കാണിച്ച കക്ഷി ക്ഷമാപണ പോസ്റ്റെഴുതി സുഹൃത്തുക്കളെ തിരിച്ചുപിടിച്ചിരിക്കുന്നു. ഈ പ്രായത്തില്‍ ഞെക്കിപ്പഴുപ്പിച്ചുണ്ടാകുന്ന പക്വതക്കുപോലും പ്രസക്തിയുള്ളതിനാല്‍ പയ്യന്‍ അഭിനന്ദനമര്‍ഹിക്കുന്നു. നല്ല ബുദ്ധിയും, ഉശിരും. ചിത്രകാരന് സന്തോഷമുണ്ട്, ഇത്തരമൊരു ജാതിവാദി പയ്യനെ ബസ്സില്‍ കണ്ടുമുട്ടാനായതില്‍. വിദ്യാഭ്യാസകാര്യങ്ങാളില്‍ കൂടുതല്‍ ശ്രദ്ധിക്കാന്‍ മത്താപ്പിന് കഴിയട്ടെ. ആസംസകള്‍ !!!

താഴെ, ചിത്രകാരന്റെ ബസ്സ് പോസ്റ്റ്, ലിങ്കുകള്‍ എന്നിവ തേടിപ്പിടിക്കാനുള്ള സൌകര്യത്തിനായി സൂക്ഷിച്ചിരിക്കുന്നു.

chithrakaran kerala - Buzz - Public - Muted

നമുടെ എതിരെ വരുന്ന ആള്‍ നമ്മുടെ ശത്രുവാണോ എന്ന സംശയം ആര്‍ക്കും സ്വാഭാവികമാണ്. എന്നാല്‍, എതിരെ വരുന്ന ആളെ നമുക്ക് പഠിക്കേണ്ടിവരുന്നതിനാല്‍ അയാള്‍ ശത്രുവല്ല, ഗുരുവാണ്. എത്ര നിസാരനായാലും !! നമ്മുടെ പിന്നിലായി കൂടെ നടക്കുന്ന സുഹൃത്തിനേക്കാള്‍ സത്യസന്ധമായി നമ്മെക്കുറിച്ചുള്ള അറിവുകള്‍ നല്‍കുന്ന പ്രതിബിംബമായിപ്പോലും നമുക്ക് അയാളെ തിരിച്ചറിയാനാകണം. ആ തലത്തില്‍ ശത്രുതയില്ല. എതിരെ വരുന്ന വ്യക്തിയെ കൂട്ടിമുട്ടാതെ, സുരക്ഷിതമായി വഴിനടക്കാന്‍ സഹായിക്കുന്ന പ്രായോഗിക ബുദ്ധിയുള്ള സാമൂഹ്യബോധത്തിന്റെ ആഘോഷമാണുണ്ടാകുക.
(ചില സന്ദര്‍ഭങ്ങളില്‍ അപവാദമുണ്ട്. സ്നേഹം ഭാവിക്കാതൂള്ള വേദനകളും ഗുരുവിന്റെ പാഠങ്ങളാകാം. ജീവന്‍ ശേഷിപ്പുണ്ടെങ്കില്‍ അതും മഹത്തായ ജീവിത പാഠങ്ങളാകും:)
ചിത്രകാരന്റെ ഹാര്‍ദ്ദമായ സ്നേഹാശംസകള്‍ ... !!!Edit

Reshared post from Math AP.

രണ്ടു ദിവസങ്ങള്‍ക്കു മുന്‍പേ, ചിത്രകാരന്റെ ബസ്സില്‍ നടത്തിയ,
-ഞങ്ങള്‍ സര്‍ക്കാരില്‍ നിന്നും ആനുകൂല്യങ്ങള്‍ സ്വീകരിക്കുന്നില്ല- -അഥവാ-
ഒരു ഭൂരിപക്ഷത്തിന്റെ നികുതിപ്പണം കട്ട് തിന്നുന്ന പെരുച്ചാഴികള്‍ അല്ല ഞങ്ങള്‍,
~~എന്ന് സാമാന്യ ജനങ്ങളോട് വിളബരം ചെയ്യാനുള്ള ആര്‍ജിത മാര്‍ഗം ആണ്,~~
~~കുറഞ്ഞത്‌ ഞങ്ങളുടെ തലമുറക്കെങ്കിലും, ഞങ്ങളുടെ ജാതിപ്പേര്‍.~~
എന്ന പ്രയോഗം അത്യന്തം അപലപനീയവും, അപകടകരവുമായിരുന്നു എന്ന് മനസ്സിലാക്കിക്കൊണ്ട്,
ആ കമന്റ് വിഷമിപ്പിച്ച എല്ലാവരോടും ഞാന്‍ മാപ്പ് ചോദിക്കുന്നു.
എന്നിരുന്നാലും, അതിലെ രാഷ്ട്രീയം തീര്‍ത്തും പ്രതിലോമകരമാണ് എന്ന നിഗമനത്തില്‍ എങ്ങിനെ എത്തുന്നു എന്നുള്ളത് എനിക്കിപ്പോഴും അജ്ഞാതമാണ്.
സെക്കന്റ്‌ നെയിം ആയി ജാതിപ്പേര് വരുന്നതിനെ "നായര്‍ മാടമ്പിസം" എന്ന രീതിയില്‍ മാത്രം കാണുകയും, അസഹിഷ്ണുത പ്രകടിപ്പിക്കുകയും ചെയ്യുന്ന ആളുകള്‍ ഇവിടെയുണ്ടെന്നു മനസ്സിലാക്കിക്കൊണ്ട്, സ്ക്രീന്‍ നെയിം ബ്ലോഗിലെ പോലെ മത്താപ്പ് എന്ന് തന്നെ ആക്കി മാറ്റുന്നു.
നന്ദി :)
ദിലീപ് നായര്‍

1) :ബസ്സില്‍ മിനി ടീച്ചറുടേയും, ശങ്കരനാരായണന്‍ മലപ്പുരത്തിന്റേയും പോസ്റ്റുകള്‍ ചിത്രകാരന്‍ ഷെയര്‍ ചെയ്തപ്പോള്‍ നടന്ന ചര്‍ച്ചയിലേക്കുള്ള ലിങ്ക്
2) ദേവദാസിന്റെ ബസ്സിലെ ചര്‍ച്ച.
3) ദിലീപ് നായരെന്ന ജാത്യാഭിമാനിയായ പയ്യന്‍

4) ഹബിയുടെ ബ്ലോക്കല്‍ പ്രഖ്യാപനം (സ്നേഹപൂര്‍വ്വം)

5) ചുടുചോറു വാരുന്ന ദിലീപിന്റെ ഉശിരന്‍ പ്രകടനങ്ങള്‍

6) ജാതിയെ രക്ഷിക്കാന്‍ പടപുറപ്പാടു നടത്തിയ ബ്ലോഗര്‍ വി.എം.

7) വി.എം.ന്റെ ജാത്യാഭിമാനം പ്രതികാര ദുര്‍ഗ്ഗയായിമാറുന്നു :) മറ്റൊന്ന്

8) കൈപ്പള്ളിയുടെ പുട്ടുകച്ചവടം

9) മത്താപ്പിന്റെ ക്ഷമാപണ ബസ്സ് പോസ്റ്റ്

ഞരളത്ത് ഹരിഗോവിന്ദന്‍ Njeralath Harigovindan

2011-05-20T11:56:00.006+05:30

യേശുദാസ് പാണനാണ്, ചെംബൈ വൈദ്യനാഥ ഭാഗവതര്‍ പാണനാണ്, ആ റേഞ്ചില്‍ വരുന്നതല്ലെങ്കിലും, പാട്ടു പാടുന്നതിനാല്‍ ഞാനും പാണനാണ് എന്ന് വിനയത്തോടെ മനസ്സില്‍ തട്ടി പറയാന്‍ കഴിയുന്ന സത്യസന്ധത അപൂര്‍വ്വങ്ങളില്‍ അപൂര്‍വമായിമാത്രം സിദ്ധിക്കുന്ന മഹനീയ ബോധമാണ്. കലാ-സാംസ്ക്കാരിക വിഷയങ്ങളില്‍ ഹരിഗോവിന്ദന് മഹത്വപൂര്‍ണ്ണമായ കാഴ്ച്ചശക്തിയുണ്ടെന്ന് മുകളില്‍ കൊടുത്ത വീഡിയൊ സാക്ഷ്യപ്പെടുത്തുന്നു.

ജീവിതത്തിന്റെ അതിസമ്മര്‍ദ്ദത്തില്‍ മാത്രം രൂപപ്പേടുന്ന വജ്രതുല്യമായ മാനവികവീക്ഷണമാണത്. കഠിനമായ കഷ്ടപ്പാടിലും സ്വന്തം മനസ്സിനെ ധനാത്മകമായി പിടിച്ചുനിര്‍ത്താന്‍ കഴിയുന്ന വ്യക്തികള്‍ക്കു മാത്രം അവകാശപ്പെട്ടതാണ് സാമൂഹ്യയാഥാര്‍ത്ഥ്യങ്ങളെ സത്യസന്ധമായി തിരിച്ചറിയാനുള്ള ഉള്‍ക്കാഴ്ച്ച. ആ ഉള്‍ക്കാഴ്ച്ചയെ ഒരു മൂന്നാം കണ്ണായിത്തന്നെ കാണണം. ചിത്രകാരന്‍ കുട്ടിക്കഥകള്‍ പോലുള്ള ഹൈന്ദവ കല്‍പ്പനകളെ ന്യായീകരിക്കുകയല്ല, സമൂഹത്തിന്റെ ഉപരിതലങ്ങളേയും ജാതി-മതപരമായ പുറം തോടുകളേയും സംബത്തികമായ കോട്ടകൊത്തളങ്ങളേയും ഭേദിച്ച് സമൂഹത്തിന്റെ ആകത്തുകയായ സമഗ്രജീവിതത്തെ അറിയാനും പറയാനും കഴിയുന്ന അസാധാരണ കാഴ്ച്ചശക്തിയെ സാധാരണ ജനങ്ങള്‍ക്കു മനസ്സിലാകുന്ന ഭാഷയില്‍ പരിഭാഷപ്പെടുത്തിയെങ്കിലും മനസ്സിലക്കിക്കാന്‍ കഴിയുമോ എന്ന ശ്രമത്തിന്റെ ഭാഗമായി മാത്രമാണ് ഈ പ്രയോഗം നടത്തുന്നത് :)

ഹരിഗോവിന്ദന്റെ ഭാഷനോക്കു !!! ഹരിഗൊവിന്ദന്റെ ഓരോ വാക്കും, പ്രയോഗങ്ങളും സ്ഫടികം പോലെ സുതാര്യവും,ശാസ്ത്രീയവും,ചരിത്രബോധമുള്ളതും, നിഷ്ക്കളങ്കവും, ലക്ഷ്യങ്ങളില്‍ ആഞ്ഞു തറക്കുന്നതുമാണ്. കോല്‍ക്കളിയും നാടന്‍ കലകളും കേരള കലാമണ്ഢലത്തില്‍ കഥകളി പഠിപ്പിക്കുന്ന തൊട്ടടുത്ത ക്ലാസ്സില്‍ തന്നെ പഠിപ്പിക്കേണ്ടതാനെന്നു പറയ്യുന്ന ലാലിത്യത്തോടെയുള്ള ആര്‍ജ്ജവം ഹരിഗോവിന്ദനെ ഒരു പാട്ടുകാരന്‍, ഇടക്കാവാദകന്‍,കുചേലനായിരുന്ന ഞരളത്തു രാമ പൊതുവാളിന്റെ മഹാനായ സന്തതി എന്നതിലെല്ലാം ഉപരി ഒരു ദാര്‍ശനിക പ്രതിഭയാക്കുന്നുണ്ട്.

കഥകളിയും കോല്‍ക്കളിയും അടുത്തടുത്ത കളരികളില്‍ സംഭവിക്കാതത് എന്താണെന്ന് .....ചാത്തന്റെം പോത്തന്റെ കല എന്ന നിലയില്‍ നാടന്‍ കലകള്‍ ....വേര്‍പ്പെടുത്തി മണ്ണാന്റെ കലയായി കണ്ണൂരില്‍ കൊണ്ടിടുകയും... മാപ്ലാരുടെ കലയാക്കി കോല്‍ക്കളിയേയും ഒപ്പനയും ദഫ് മുട്ടും കൊണ്ടോട്ടി കൊണ്ടിട്ടു... മാപ്ലാര്‍ക്കും കിട്ട്യേലോ ഒരക്കാഡമിന്ന് അവരും സന്തോഷിച്ചു... !!!
സത്യത്തില്‍ പഠിക്കപ്പെടേണ്ടതാണ് ഹരിഗോവിന്ദന്റെ മനസ്സില്‍ നിന്നും പുറത്തുവരുന്ന സത്യത്തിന്റെ കനല്‍ക്കട്ടകള്‍ !

മാനവികമായ സാംസ്ക്കാരിക തലത്തിലേക്ക് ഉയരണമെന്ന് ആഗ്രഹിക്കുന്നവര്‍ വിസ്തരിച്ച് പഠിക്കേണ്ടതാണ് മുകളില്‍ കൊടുത്ത വീഡിയോയിലെ ഹരിഗോവിന്ദന്റെ വാക്കുകളും,നിര്‍മ്മലതയും. ലാല്‍ ജോസ് അഭിമുഖം ചെയ്യുന്നതായുള്ള ഈ വീഡിയോക്ക് നന്ദി പറയേണ്ടിയിരിക്കുന്നു. ഏഷ്യാനെറ്റ് പ്ലസില്‍ 2008 ല്‍ പ്രക്ഷെപണം ചെയ്ത പരിപാറ്റിയുടെ മൂന്നാം ഭാഗമാണ് മുകളില്‍ കൊടുത്ത വീഡിയോ. ഇതിന്റെ ഒന്നും രണ്ടും ഭാഗങ്ങളുടെ വീഡിയോ ലിങ്ക് കൈവശമുള്ളവര്‍ അത് ചിത്രകാരനും ബൂലോകത്തിനുമായി നല്‍കനമെന്ന് അഭ്യര്‍ത്ഥിക്കുന്നു. കാരണം ഇയാള്‍ സാധാരണക്കാരനല്ല.ഇയാളെ നമ്മുടെ സമൂഹത്തിനു മൊത്തത്തില്‍ അവകാശപ്പെട്ടതാണ്.

ഈ വീഡിയോ ചിത്രകാരനു ലഭിച്ചത് ദേവദാസ് വി.എം.എന്ന ബ്ലൊഗറുടെ ബസ്സ് പോസ്റ്റില്‍ നിന്നുമാണ്. ജാതി-മത നിരപേക്ഷമായ മാനവിക തലത്തില്‍ ചിന്തിക്കാന്‍ ശേഷിയുള്ള അപൂര്‍വ്വം ബ്ലോഗര്‍മാരിലൊരാളായ ദേവദാസിനോട് ചിത്രകാരന്‍ നന്ദി പറയുന്നു - ചിത്രകാരന്‍ സമയക്കുറവുകൊണ്ട് അവഗണിച്ചു കളഞ്ഞിരുന്ന സ്വന്തം നാട്ടുകാരന്‍ കൂടിയായ (പെരിന്തല്‍മണ്ണ) ഞരളത്ത് ഹരിഗോവിന്ദന്റെ ഈ വീഡിയോ ലിങ്ക് ശ്രദ്ധയില്‍പ്പെടുത്തിയതിന്.
ദേവദാസിന്റെ ബസ്സ് പോസ്റ്റിലേക്കുള്ള ലിങ്ക്.

....................................................
ചിത്രകാരന്റെ അഭ്യര്‍ത്ഥന മാനിച്ച് ബ്ലോഗര്‍ ആവനാഴി(സൌത്താഫ്രിക്ക) ഹരിഗോവിന്ദനുമായുള്ള ലാല്‍ ജോസിന്റെ അഭിമുഖങ്ങളുടെ ലിങ്കുകള്‍ നല്‍കിയിരിക്കുന്നു :

....................................................

തലശ്ശേരിയിലെ ഹെര്‍മന്‍ ഗുണ്ടര്‍ട്ട് Herman gundert

2011-05-19T22:25:00.001+05:30

മലയാള ഭാഷക്ക് നിഘണ്ടു നിര്‍മ്മിച്ചു നല്‍കിയ ഗുണ്ടര്‍ട്ടിനെ ബ്ലോഗില്‍ ചേര്‍ക്കാതിരുന്നാല്‍ ചിത്രകാരന്‍ ഒരു അധമനായെക്കും :) പ്രത്യേകിച്ച് ഓരോ തവണ തലശ്ശേരിയിലൂടെ കടന്നു പോകുമ്പോഴും അദ്ദേഹം ഘനഗാംഭീര്യത്തോടെ അഭിവാദ്യം ചെയ്യാറുണ്ടെന്നതോര്‍ക്കുമ്പോള്‍. തലശ്ശേരി കോട്ടക്കു മുന്നില്‍ റോഡിലൂടെ കടന്നുപോകുന്ന വാഹനണ്‍ഗളെ നോക്കി മഹത് സാന്നിദ്ധ്യമായി നില്‍ക്കുന്ന ഹെര്‍മന്‍ ഗുണ്ടര്‍ട്ടിന്റെ പൂര്‍ണ്ണകായ പ്രതിമ. വിദേശികളായ നന്മയുള്ള മനുഷ്യര്‍ നമ്മുടെ ജീവിതത്തെ പ്രകാശമാനമാക്കിയ യാഥാര്‍ത്ഥ്യത്തെ ഇടക്കൊക്കെ ഓര്‍ക്കുന്നത് നമ്മുടെ മനോവികാസത്തിന്റെ ആവശ്യകതയാണ്. ചിത്രകാരന്റെ ഒരു പൊസ്റ്റ്: ബ്രിട്ടീഷ്‌ ഭരണകാലത്ത്‌ ഇന്ത്യ സ്വതന്ത്രയായിരുന്നു...